shadow
Diocese de Dili > NOTÍCIAS > LETURA DIÁRIA > Segunda Feira, XVI Semana Tempo Comum

Segunda Feira, XVI Semana Tempo Comum

Ano A                                                                  

 

Primeira Leitura                     Ex. 14, 5-18

Lia housi livro Êxodo

Iha loron hirak neba, sira fo hatene ba liurai Egipto nian katak povo Israel halai sai ona housi nia reino. Nune’e, Faraó ho nia ulun sira hirus teb-tebes hasouru povo ne’e hodi hateten: “Tan sa ita husik sai Israel oan sira, sira sei la serbí tan ona ita”?  Faraó haruka hadi’a kareta kuda nian, bolu nia emar sira ba  ho nia. Nia haruka prepara kareta atus neen no mos kareta sira seluk-seluk rai Egipto nian, ida-idak ho nia soldadu sira. Na’i halo Faraó, liurai Egipto nia fuan tós no laran nakali liu tan, hodi haruka duni tuir kedas Israel oan sira nebe sai ho ksolok wa’in tebes. Nune’e, ema Egipto sira hahu duni Israel oan sira, hodi sira nia kuda no kareta sira Faraó nian, hamutuk ho soldadu wa’in. Sira toman Isarel oan sira wainhira Israel oan sira hamahan-an hela iha tasi ibun, besik Piairot, iha Baalsefon nia oin. Wainhira Faraó hakbesik-an daudaun, Israel oan sira foti matan hare ema Egipto sira mai housi sira kotuk. Israel oan sira tauk no hakfodak teb-tebes, hakilar, temi Na’i Nia naran, hodi hateten ba Moisés: “Tamba iha Egipto la iha rate mak ó lori ami mai atu mate iha rai fuik maran ne’e?  Atu lori ami sai housi Egipto, ami dehan tiha ona ba ó iha rai Egipto:  ‘Husik ami serbi ema Egipto sira; sai atan ema Egipto sira nian diak liu fali ita mai mate iha rai fuik maran”? Nune’e, Moisés hatan ba povo, hodi dehan:  “Imi keta hakfodak. Fiar metin ho neon ho laran, imi sei hare oin sa Na’i sei soi imi iha loron ne’e, basá, Egipto sira nebe ohin imi hare hetan, imi sei la hare hetan tan iha loron seluk! Imi hakmatek ba, Na’i mak sei funu ho sira iha imi nia fatin”.  Na’i lia tun ba Moisés, dehan: “Tan sa ó hakilar mai Ha’u? Hateten ba Israel oan sira atu hahu la’o daudaun ba. Foti sa’e ó nia óe,  halolo ó liman ba tasi leten hodi fahe nia ba rua, atu Israel oan sira, bele liu ba tasi sorin ba ho ain maran. Ha’u sei halo Egipto oan sira nia fuan sai tos liu tan atu duni tuir Israel oan sira.  Ha’u sei hatudu Ha’u Nia glória ba hodi manan faraó, nia emar sira hotu nia kareta kuda na’in sira hamutuk ho sira nia sasan tomak.  Egipto sira sei hatene katak Ha’u mak Na’i, wainhira Ha’u hatudu Ha’u Nia glória hodi manan faraó, nia soldado sira no kareta sira.”

Maromak Futar Lia. 

 

Salmo Responsorial.                                                                                                                                                                     Sal. 15, 1-23. 4. 5-6

Refrão :   Ita sei hananu ba Na’i be hafutar-An ho glória. Repete-se

  • Ha’u sei hananu ba Na’i tan Nia halo nabilan Nia glória, hamohut iha tasi laran kuda no kuda na’in. Na’i mak ha’u biit no ha’u tulun, Nia mak fo liberdade mai ha’u. Refrão
  • Nia mak ha’u nia Maromak: ha’u hahi Nia; nia ha’u Aman nia Maromak, ha’u hahi nia, Na’i mak funu na’in, bele halo hotu mak Nia naran!  Nia hamou’ut Faraó nia kareta no soldadu sira iha tasi. Refrão
  • Tasi mean tolan tiha hotu nia funu na’in sira, Sira mou’ut lakon hotu iha wé, hanesan fatuk monu lakon iha tasi klean. Na’i, Ita liman los hatudu Ita biit, Ita liman los halakon funu baluk. Refrão

 

Aclamação

Refrão : Aleluia, Aleluia. Repete-Se

                Ohin imi rona karik Na’i Nia lian, keta taka imi nia fuan. Refrão

 

Evangelho                                                                                                                                                                                  Mt. 12, 38-42

+  Na’i Jesus Cristo Nia Evangelho nu’udar S. Mateus haktuir

Iha tempo neba, escriba no fariseu balu dehan ba Nia: “Mestre, ami hakarak hare sinal ida housi Ita.” Nia hatan ba sira: “Ema laran aat no sala foer Na’i, husu sinal ida; maibé sei la fo sinal ida ba nia; sei fo de’it sinal profeta Jonas nian. Hanesan Jonas hela ikan boot nia kabu-laran, ba loron tolu no kalan tolu,  nune’e mos, Oan Mane sei hela iha rai laran, ba loron tolu no kalan tolu  Iha loron justisa nian, ema Nínive sira sei hamriik hasouru derasaan ne’e hodi tesi lia todan ba nia, basá, sira halo penitência wainhira sira rona Jonas nia lia fuan; maibe iha ne’e iha ida nebe boot liu fali Jonas. Iha loron justiça nian, liurai feto reino tasi mane nian sei hamriik hasouru derasaan ne’e hodi tesi lia todan ba nia, basa nia mai housi rai ikun atu rona salomão nia matenek; maibe iha ne’e iha ida nebe boot liu fali salomão”.

Lia Maksoyn.

Leave a Reply

Your email address will not be published. Required fields are marked *