shadow
Diocese de Dili > NOTÍCIAS > LETURA DIÁRIA > Sabado, XVII Semana Tempo Comum

Sabado, XVII Semana Tempo Comum

Ano A

 

Primeira Leitura                           Lv. 25, 1. 8-17

Lia housi livro Levítico

Na’i ko’alia nune’e ba Moisés iha Foho Sinai: “Ó sei sura semana hitu tinan tinan, katak, tinan hitu dala hitu; nune’e sei hetan iha semana hitu iha tinan-tinan, iha tinan hatnulu resin sia. Iha loron sanulu fulan ba dala hitu, ó sei haruka fo hatene ba ema tomak hodi trombeta nia lian. Ne’e mak loron Penitência nian: imi sei huu trombeta iha imi nia rai laran tomak. Housi tinan lima nulu ba lima nulu seluk, imi sei celebra tinan santo ida hodi haklaken ema tomak nia liberdade iha nasaun laran. Sei sai nu’udar festa boot ida ba imi: ida-idak sei simu fila fali nia riku-soi hodi ba hamutuk fali nia familia. Tinan lima nulu ne’e sei sai nu’udar tinan festa boot nian ba imi: imi sei la kuda, sei la sohi ai fuan sira nebe moris mesak housi rai hodi fo fuan. Hanesan tinan santo no grasa nian ba imi: imi sei han buat nebe rai fo. Iha tinan grasa nian ne’e, ida-idak sei simu fila fali nia riku-soi. Imi fa’an eh sosa karik buat ruma housi maun-alin seluk, imi sei buka atu keta halo aat nia maun-alin. Wainhira ó sosa buat ruma iha ema seluk, eh fa’an ba nia, buka hatene tinan hira liu ona housi tinan santo. Wainhira nia fa’an karik buat ruma ba ó, nia buka hatene tinan hira liu ona housi tinan nia sohi. Buat nebe iha ona tinan barak, nia folin mos boot. Buat nebe iha tinan wit-oan nia folin wit-oan. Basá, nia fa’an tuir tinan hirak nebe nia sohi. Imi ida keta halo aat ba imi nia maun-alin seluk! Ó sei hamta’uk ó Nia Maromak. Ha’u mak Na’i, imi nia Maromak”.

Maromak Futar Lia.           

                                                                               

Salmo Responsorial.                                                                                                                                   Sal. 50, 1-2. 5-6. 14-15

Refrão : Na’i, povo rai tomak nian, hahi Ita. Repete-se

  • Maromak hanoin ita, haraik bensa mai ita, hatudu mai ita, Nia futar oin nabilan. Iha rai klaran, ema sei hatene Nia dalan; Iha povo sira leet, ema sei hatene Nia maksoin. Refrão
  • Reino hot-hotu sei haksolok, tan Itaboot tesi lia ho justisa, hodi ukun reino hotu iha rai. Refrão
  • Rai fo ona nia fuan; Na’i, ita nia Maromak, haraik bensa mai ita. Na’i haraik mai ita, Nia bensa; hahi Nia housi rai-ikun to’o rai-ulun. Refrão

 

Aclamação

Refrão : Aleluia, Aleluia! Repete-se

                Rahun di’ak ba sira nebe ema duni tan hadomi justiça,

                basa reino Lalehan sira nian. Refrão                  

 

Evangelho                                                                                                                                                                          Mt. 14, 1-12

+  Na’i Jesus Cristo Nia Evangelho nu’udar São Mateus haktuir

Iha tempo neba, liurai Herodes rona kona ba Jesus Nia naran boot. Herodes dehan ba nia emar sira: “Tebes, ema ne’e João Baptista  nebe moris fali ona! Tan ne’e nia iha biit atu halo milagre sira.” Herodes kaer duni João hodi futu nia ho corente no hatama nia iha kadeia tanba Herodiades, nia alin Filipe nia kaben; basa João dehan ba nia: “Ó la bele hola nia.” Herodes hakarak oho João maibe nia ta’uk povo basa povo hare nia nu’udar profeta. Maibe iha loron nebe Herodes halo tinan, Herodiades nia oan feto dansa iha ema hotu nia oin hodi fo ksolok ba Herodes. Tan ne’e, nia hakotu lia ho juramento atu fo ba fetoran ne’e buat hotu nebe nia husu. Hodi nia inan nia liafuan, nia hatan: “Fo mai ha’u João Baptista nia ulun iha bikan boot ida.”  Liurai neon susar, maibe tanba nia juramento no nia bainaka sira, nia haruka ema atu tesi João nia ulun iha kadeia laran hodi lori mai. Sira lori ulun mai iha bikan ida hodi fo ba fetoran nebe fo fali ba nia inan. João nia escolante sira mai foti nia isin hodi ba hakoi; hafoin sira ba fo hatene ba Jesus.

Lia Maksoyn.

Leave a Reply

Your email address will not be published. Required fields are marked *