shadow
Diocese de Dili > NOTÍCIAS > LETURA DIÁRIA > XVII Domiggo Tempo Comum

XVII Domiggo Tempo Comum

Ano A

 

Primeira Leitura                                            Is. 55, 1-3

Leitura housi Livro Profeta Isaías

Maromak lia tun nune’e: “Imi hotu nebe hamrook, mai wé-matan; imi la iha karik osan, mai de’it nune’e. Imi sosa hodi hemu tua no susu-wén, lalika lakon osan. Tan sa imi lakon ba buat nebe laos ai-han? Fo imi nia kolen nia folin ba buat nebe la halo bosu? Buka rona ha’u, imi sei han buat nebe di’ak; imi sei koko hahan mesa furak de’it. Rona didi’ak ha’u, mai buka ha’u; rona mai, imi nia klamar sei moris. Ha’u sei halo moruk rohan laek ida hamutuk ho imi, ho kmanek la iha rohan; kmanek nebe hakotu ona ba David”.

Maromak Futar Lia.

 

Salmo Responsorial.                                                                                                                       Sal. 144(145), 8-9, 15-16. 17-18

Refrão : Na’i, hamamar Ita liman, hodi haraik ai-han mai ami. Repete-se

  • Maromak laran di’ak no kmaus, la rai hirus, perdua nafatin. Maromak laran di’ak ba ema tomak, hadomi nafatin criatura tomak. Refrão
  • Ema tomak tau matan hodi hein Maromak; Maromak haraik ai-han kalan loron; Na’i, hamamar Ita liman, hodi haraik ai-han ba criatura sira. Refrão
  • Maromak la’o tuir los Nia hanoin, hatudu laran di’ak ba criatura sira; Maromak besik ba sira nebe harohan, ba sira nebe harohan tebes. Refrão

 

Segunda Leitura                                                                                                                                                         Rom. 8, 35. 37-39

Lia housi São Paulo nia surat ba sarani sira iha Roma

Maun-alin sira: Ema se bele haketak ita housi Cristo Nia domin? Neon susar ka terus, ema duni ka hamlaha, molik ka susar, eh surik karik? Maibe, iha buat ne’e hotu, ita brani liu tan Ida nebe hadomi ita. Tan ne’e, ha’u fiar metin katak mate ka moris, anjo sira ka na’i-ulun sira, ohin ka aban, aas ka klean, naran criatura seluk ida, la bele haketak ita housi Maromak nia domin nebe hatudu ona iha Na’i Jesus Cristo.

Maromak Futar Lia.

 

Aclamação                                                                                                                                                                                     Mt. 4, 4b

Refrão : Aleluia, Aleluia. Repete-se

          Ema la moris de’it ho Pão, maibe, ho lia-fuan tomak nebe mai housi Maromak. Refrão

 

Evangelho                                                                                                                                                                                Mt. 14, 13-21

+  Na’i Jesus Cristo nia Evangelho nu’udar São Mateus haktuir

Iha tempo neba, rona tiha katak ema oho ona João Baptista, Jesus sa’e mesak ba ró, hodi ba fatin fuik ida. Maibe, ema lubun boot nebe hatene, husik tiha cidade hodi tuir Nia. Tun tiha housi ró, Jesus hare ema lubun boot ida. Hanoin teb-tebes sira, hodi fo isin di’ak ba sira nebe moras. To’o loron kraik, Escolante sira besik ba Jesus, hodi dehan: “Fatin ne’e rai-fuik, loron mos monu daudaun ona. Haruka ona ema sira ne’e fila ba sira nia knuan, atu ba sosa hahan.” Maibe, Jesus simu ba sira: “Lalikan; Imi hare fo han ba sira.” Sira hatan ba Jesus: “Ami iha de’it pão fuan lima no ikan rua.” Jesus dehan teni: “Lori mai.” Jesus haruka ema sira ne’e tur hotu iha du’ut. Kaer tiha pão fuan lima no ikan rua ne’e, foti matan ba lalehan, hodi haraik bensa. Hafoin, Nia silu fahe tiha fo ba Escolante sira atu fahe ba ema sira ne’e. sira hotu han to’o bosu. Sira halibur baluk hotu nebe resin, tau iha luhu sanulu resin rua to’o nakonu. Ema sira nebe han, mane de’it besik rihun lima, la sura feto no labarik oan sira.

Lia Maksoyn.

Leave a Reply

Your email address will not be published. Required fields are marked *