shadow
Diocese de Dili > NOTÍCIAS > LETURA DIÁRIA > Quinta Feira, XVIII Semana Tempo Comum

Quinta Feira, XVIII Semana Tempo Comum

Ano A

 

Primeira Leitura                                           2Cor. 9, 6-10

Lia housi São Paulo nia surat ba sarani sira iha Corinto

Maun-alin sira, Ema nebé kuda uit-oan sei simu mos uit-oan, ema nebé kuda barak sei simu mos barak. Ida-idak halo tuir nu’udar imi laran fo hatene, maibé imi keta laran susar no neon kraik, basá Maromak hadomi ida nebé fo ho ksolok. Maromak bele hariku imi ho graça wa’in, atu imi bele hela ksolok lolós iha buat hotu no imi sei iha hahalok diak oi-oin nia leten, nu’udar hakerek nanis ona: “Nia fahe tiha riku-soin ba ema kiak sira; nia justiça sei hela metin ba nafatin.” Maromak nebé haraik ba ema be kuda ai-horis no ai-han nebé nia han, sei hawa’in imi nia justiça nia diak.

Maromak futar lia.

 

Salmo Responsorial.                                                                                                                                                  Sal. 111, 1-2, 5-9

Refrão : Maromak hadomi ema nebé fo ho ksolok. Repete-se

Rahun diak ba ema nebé hamta’uk Na’i,

no halo tuir didiak Ninia Ukun-Fuan!

Ninia bei-oan sira sei iha kbiit makaas,

ema lós nia oan sira sei hetan rahun diak. Refrão

 

Maromak hadomi ema nebé fo ho ksolok,

fahe lolós nia riku-soyn.Ema laran mós tuba rai metin,

ema temi nafatin nia naran. Refrão

 

Nia la ta’uk lia susar,

nia laran metin iha Maromak.

Nia fuan la nakdedar, la ta’uk,

sei haré funu-baluk sira laran susar. Refrão

 

Nia fahe nia riku-soin ba kiak sira;

nia laran diak sei hela metin nafatin, ho brani foti ulun. Refrão

 

Aclamação

Refrão : Aleluia, Aleluia. Repete-se

 

Evangelho                                                                                                                                                            Jo. 12, 24-26     

Na’i Jesus Cristo Nia Evangelho nu’udar São João haktuir

Iha tempo nebá, Jesus lia tun ba Nia escolante sira nune’e: “Tebes, tebes duni Ha’u dehan ba imi: Karik trigu nia musan monu iha rai, no la mate karik, nia sei hela mesak; maibé, karik nia mate, sei fo fuan wa’in. Se mak hadomi nia moris, nia sei lakon moris ne’e; Ida nebé hakribit nia moris iha mundu ne’e, nia sei hetan nia moris iha moris rohan la’ek. Karik ema ruma hakarak ka’er Ha’u servisu, bele tuir Ha’u mai; iha fatin nebé Ha’u hela ba, iha ne’e mos sei hela ida nebé serbi Ha’u. Karik ema ruma hala’o Ha’u servisu, Ha’u Aman sei hahí nia.

Lia Maksoyn.

Leave a Reply

Your email address will not be published. Required fields are marked *