shadow
Diocese de Dili > NOTÍCIAS > LETURA DIÁRIA > Sexta Feira, XVIII Semana Tempo Comum

Sexta Feira, XVIII Semana Tempo Comum

Ano A

 

Primeira Leitura                                                            Dt. 4, 32-40

Lia housi livro Deuteronómio

Moisés hateten nune’e ba Israel oan sira: “Imi husu to’ok kona ba tempo houri uluk nian, tempo nebe uluk liu ba ó, housi loron nebe Maromak halo ema iha rai. Mosu ona ka lae housi rai ulun to’o rai ikun iha lalehan okos, buat ruma diak liu? Imi rona karik lia fuan ruma hanesan ne’e?  Povo ida nebe hanesan ó, rona Na’i Nia lia fuan ko’alia housi ’áhi nia klaran, liafuan be moris hela nafatin? Maromak ida nebe mak mai hola povo ida ba Nia housi povo seluk nia leet, housi terus no sinal oi-oin, milagre oi-oin no funu, ho liman nia biit hatama laran ta’uk? La’os hanesan ne’e mak Na’i, ó nia Maromak halo ba ó, iha ó nia oin rasik, iha rai Egipto? “Nia hatudu ba ó atu hare buat sira ne’e hotu, atu ó hatene katak, Na’i de’it mak Maromak, la iha tan Maromak seluk ida. Housi Lalehan halo ó rona Nia lian, atu hanorin ó; iha rai, Nia hatudu ba ó Ninia áhi boot no housi áhi ne’e nia klaran ó rona Nia lia fuan. Tan Nia hadomi ó nia bei-ala sira, ikus mai, Nia hili ba Nia, sira nia bei-oan sira. Halo ó sai housi Egipto hodi la’o iha Nia oin; ho Nia biit wa’in, hatun iha ó oin, nasaun sira boot no biit liu fali ó, atu lori ó tama iha sira rain  hodi haraik ba ó nu’udar liman rohan  hanesan ohin loron ita hare. Oras ne’e ó hatene hodi tau metin iha ó fuan: Na’i mesak de’it mak Maromak; iha aas Lalehan no iha Rai ne’e, la iha tan Maromak seluk ida. Ó sei halo tuir lolos Nia Lei no Nia Ukun Fuan sira, nebe ohin ha’u fo hatene ba ó. Nune’e, ó sei hetan rahun diak, ó nia oan sira nebe sei mai tuir ó sei hetan mos rahun diak. Ó sei hetan moris naruk iha rai nebe Na’i ó nia Maromak, sei haraik ba ó nafatin ba nafatin.

Maromak Futar Lia.

 

Salmo Responsorial.                                                                                                                                                                Sal. 77,12-16. 21

Refrão : Na’i, ha’u hanoin nafatin Ita kmanek.

Ha’u hanoin Na’i Nia kmanek,

ha’u la haluha Nia hahalok hotu uluk nian;

Ninia kmanek hotu ha’u lori nafatin iha ha’u neon,

ha’u hahi nafatin Nia kmanek sira. Refrão

 

Ha’u Nia Maromak, Ita Nia dalan, dalan santo;

la iha Maromak boot hanesan Na’i!

Ita Boot mak Maromak diak liu,

Ita hatudu Ita biit iha nasaun sira leet. Refrão

 

Ho Ita liman nia biit Ita soi Ita povo,

oan sira Jacob no José nian;

Ita hamatan ba sira hanesan bibi atan diak,

housi Aarão no Moisés sira liman. Refrão

 

Aclamação

Refrão : Aleluia, Aleluia. Repete-se

                Rahun di’ak ba sira nebe ema duni tan hadomi justisa,

                 basa reino Lalehan sira nian. Refrão

 

Evangelho                                                                                                                                                                                Mt.16,24-28

+  Na’i Jesus Cristo Nia Evangelho nu’udar São Mateus haktuir

Iha tempo neba, Jesus dehan ba escolante sira: “Ema nebe hakarak tuir Ha’u karik, nia sei hewai nia an rasik, sei lori nia cruz hodi tuir Ha’u. Tan ema nebe hakarak soi nia moris sei lakon moris ne’e; maibé, ema nebe lakon nia moris tanba Ha’u, sei hetan fali nia. Ema ida manan los sa wainhira nia manan mundo tomak, maibé, lakon nia moris rasik? Ka, ema bele fo los saida atu truka ho nia moris? Basa Oan Mane sei mai iha Nia Aman Nia glória, ho Nia anjo sira hodi fo ema hotu nia kolen tuir ida-idak nia hahalok. Tebes, Ha’u dehan ba imi katak ema balun iha ne’e sei la mate molok sira hare Oan Mane to’o mai iha nia reino.”

Lia Maksoyn.

Leave a Reply

Your email address will not be published. Required fields are marked *