shadow
Diocese de Dili > NOTÍCIAS > LETURA DIÁRIA > XX DOMINGO IHA TEMPO COMUM

XX DOMINGO IHA TEMPO COMUM

Ano A

 

Primeira Leitura                                             Is 56,1.6-7  

Lia housi Livro Profeta Isaías

Na’i lia tun nune’e: “Buka halo tuir ukun, buka moris tuir justisa, basa, Ha’u nia Maksoin besik ona. Ha’u nia justisa besik mosu ona. Iha karik ema ruma rai seluk nian nebe tuir Maromak atu serbi Nia, atu hadomi Nia naran, atu sai Nia emar, sira hotu-hotu sei halo tuir loron sábado; sira laran sei metin iha Ha’u nia Moruk; Ha’u sei lori sira ba Ha’u nia foho santo; Ha’u sei haksolok teb-tebes sira iha Ha’u uman. Ha’u sei simu sira nia buat karan no sacrificio iha altar, tan sira halia Ha’u nia uman, uma orasaun ba povo hotu-hotu.”

Maromak Futar Lia.

 

Salmo Responsorial                                                                                                                                                                         Sal 67,2-3.5.6.8

Refrão : Povo tomak hahi, hana’i Maromak! Repete-se

                  Maromak hanoin ami, haraik bensa mai ami;

                  haraik Ita nia roman nabilan mai ami.

                  Ema tomak sei hatene Maromak nia dalan,

                  povo tomak sei hatene Ita nia Maksoin. Refrão

 

                  Nasaun tomak sei haksolok, haksolok hodi hananu,

                  tan Maromak tesi lia los. Nia ukun reino tomak iha rai.

                  Povo tomak hana’i Maromak, hahi hawelok nafatin! 

                  Na’i haraik bensa mai ita; reino tomak hamta’uk Maromak. Refrão

 

Segunda Leitura                                                                                                                                                                           Rom 11,13-15,29-32

Lia housi São Paulo nia surat ba sarani sira iha Roma

Maun-alin sira: “Ha’u hateten ba imi gentio sira: nu’udar gentio sira nia Apóstolo, ha’u buka fo folin ba ha’u nia knar, atu ema sira housi ha’u ran bele laran moras oituan; nune’e, bele soi netik ema balun. Tan sira lakohi tuir hanesan povo nebe hili, mundo fila ona ba Maromak, oin sa sira bele fila fali ba povo ne’e? Ne’e la hanesan mate sira fila fali ba moris? Uainhira Maromak bolu atu haraik Nia kmanek, la fila fali ba kotuk. Houri uluk imi la tuir Maromak nia hakarak; ohin loron, imi hetan diak tan judeu sira la halo tuir. Nune’e mos, sira la halo tuir ohin loron, tan diak nebe imi hetan atu sira mos bele hetan perdua. Tan Maromak husik ema tomak la halo tuir, atu hatudu Nia laran luak ba ema hotu-hotu.

Maromak Futar Lia.

 

Aclamação

Refrão : Aleluia, Aleluia…. Repete-se

          Ha’u Aman, lalehan no rai sira nia Liurai,

          kmanek ba Ita tan Ita haklaken lalehan nia misterio ba ema kiik. Refrão

 

Evangelho                                                                                                                                                                                                        Mt 15,21-28

+ Na’i Jesus Cristo nia Evangelho nu’udar São Mateus haktuir

Iha tempo neba, Jesus ba tiha iha Tiro ho Sidon. Feto Canã nian ida, mai housi neba, hahu hakilar nune’e: “Na’i, David nia oan, hanoin ha’u. Ha’u nia oan feto, diabo ida halo terus teb-tebes.” Maibe, Jesus la hatan lia ida ba nia. Escolante sira besik ba Jesus hodi husu: “Na’i, hatan ba, tan nia hakilar tuir Ita nafatin!” Jesus simu: “Ha’u mai tan de’it bibi-oan sira nebe lakon housi Israel nia uma laran”. Maibe, feto ne’e mai haknaek iha Jesus nia uma laran.” Maibe, feto ne’e mai hakneak iha Jesus nia oin, hodi dehan: “Na’i, tulun ha’u.” Jesus dehan tenik ba nia: “La bele kaer oan sira nia hahan atu soe ba asu oan sira.” Maibe, feto dehan: “Haraik mai, Na’i, tan asu oan sira hili hahan mumún monu housi na’in sira nia mesa!” Ho ne’e, Jesus hatan ba nia:  “Feto, ó nia fiar boot duni. Ó sei hetan buat nebe ó hakarak.” Hahu ba loron ne’e, nia oan feto hetan kedas isin di’ak.

Lia Maksoyn.

Leave a Reply

Your email address will not be published. Required fields are marked *