shadow
Diocese de Dili > NOTÍCIAS > Notícias > Mgr. José António e Pe. Aureo Celebra Bodas de Ouro Vida Sacerdócio

Mgr. José António e Pe. Aureo Celebra Bodas de Ouro Vida Sacerdócio

ITE DILI – (15/08) liburan hamutuk Bispo Dili e Maliana D. Virgilio do Carmo da Silva e D. Norbeto do Amaral, Padres, Madres, Religiosos e Religiosas, Seminaristas, Ukunain sira, sarani no mos famílias iha SE Catedral Dili, hamutuk ho Mgr. José António da Costa hodi comemora 50 anos moris nudar Sacerdócio. Biban ne’e, hahu ho missa Eucaristia nebé preside housi Mgr. José António da Costa iha oras tuku 5:00 lorokraik Otl. Padre Emanuel Lelo Taloc nebe hetan fiar housi Mgr. José António hodi lori Reflexão ne’e hateten: Ohin ita agradece ba Nai Maromak no ne’e sai hanesan ano jubilar tamba Maromak fihir mos Nailulik Mgr. José António iha ita nia le’et. Ami quando iha tempo ruma encontro, Mgr. José António fo matenek barak ba ami, nia ema ida nebé fahe domin. Tinan 50 liu ba Mgr. José António hasoru susar barak maibé Mgr. José antónio oferece-an nafatin ba maun alin sira. Housi Livro oan ne’e hakerek Mgr. José António nia knar durante Bispo nain hira troca malu, Mgr. José António nafatin sai Vigário Geral hahu kedas Dom Carlos nia tempo to’o mai Dom Virgilio ne’e katak nia sempre pronto atu servi maske nia iha knar seluk atu halo. Tamba Espírito Nain Feto nian nebé ohin ita celebra nakonu mos iha Mgr. José António nia moris.

Hafoin de remata tiha missa Agradecimento ne’e iha biban Discurso Mgr. José António da Costa hateten: Primeiro ha’u agradece ba Nai Maromak tamba kmanek hotu nebé Nia haraik mai ha’u hanesan ema iha tinan 77 nia laran no hanesan Nailulik tinan 50 nian laran. Sagrada Escritura dehan katak Ita ema forte moris tinan 70, forte liu tinan 80 maibe nakonu ho susar no terus. Atan hau foin to’o iha moris forte nian no sidauk forte liu.

Mgr. José António da Costa resforça tan katak: Bai-bain hau hasoru malu ho Amululik sira, ita nunca hanoin atu moris tinan hira nia laran hanesan amululik tamba hau mos quando hahu, hau nunca hanoin katak hau sei to’o tinan 50 hanesan Amululik, importante mak ita halao ita nia knar lor-loron nian tuir ita bele e tuir mos Sagrada Escritura nia liafuan nebé dehan katak ita labele haforsa-an atu halo buat hotu iha loron ida nia laran, loron ida ohin nian to’o ne’e de’it ba e aban hahu fali katak labele haluha Han hemu ho oras, toba ho oras e Reza mos ho oras, ida ne’e mak fo tranquilidade ba ita nia moris. Nee duni iha momento kamenk ida ne’e, iha Amo Bispo Nain rua Dili no Maliana, Padres, Madres, sarani belun sira atu reza ba hau atu hau bele continua fiel nafatin ba hau nia vocação hanesan Nailulik e hodi mos bele fo força para servi bainhira Maromak sei bolu hau atu servi.

Iha biban hanesan, ho orgulho D. Virgilio do Carmo da Silva iha nia mensagem hateten: Hau nia experiência servisu hamutuk ho Mgr. José António foin mak tinan ida ho balu nebé hau nia experiência ne’e ituan teb-tebes masibe maske nune’e hau hakarak acressenta buat ruma iha loron especial ida ne’e tinan 50 Amo José António ninia sacerdócio.

Virgilio sublinha tan katak: Ema barak hakarak atu celebra tinan 50 maibé la consegue ne’e duni ituan nebé celebra tinan 50 ne’e moris hanesan vida sacerdócio, vida Religioso, casamento no seluk tan ne’e ita bolu previlêgio boot hanesan ohin ita hamutuk celebra Amo José António nia 50 anos vida Sacerdócio nian. Ne’e duni ita agradece ba Maromak ba graça nebé haraik ona ba Amo José António.

Wainhira hau simu knar nudar Bispo Diocese Dili nian, atan hau precisa tebes ema ida atu tulun hau nudar Vigário Geral, tan ne’e hau consulta tun sae maibé laiha ema seluk so Amo José António tan ne’e hau mai koalia ho Amo José António atu bele servisu hamutuk atu nune’e oinsa iha loron ruma bele sai nudar Vigário Geral, maibé amo resposta mai hau katak, hau katuas ona hanesan ne’e hau labele lao tan ba Paróquia sira hodi tulun Bispo iha Sacramento Crisma no Pastoral sira, maibé hau fo resposta ba Amo José António katak Bispo sei iha tendência bele lao ba fatin sira hotu no Vigário iha fatin tamba ami precisa.(Ngl)

Leave a Reply

Your email address will not be published. Required fields are marked *