shadow
Diocese de Dili > NOTÍCIAS > HOMILIA DO BISPO > Perdão, Caridade, Obidiênçia no Confiança

Perdão, Caridade, Obidiênçia no Confiança

          Norberto do Amaral Bispo de Maliana Sexta Feira foin lalais ne’e (18-08-2017) preside missa enceramento iha Paróquia Balibo hodi entrega hikas Ilas Cruz Jovem mai Diocese Dili Paróquia São Francisco Dare. Iha missa enceramento marca presença mos Bispo de Dili D. Virgilio do Carmo da Silva, Vigários housi Diocese 3; Dili, Baucau no Maliana, Padres, Madres, Autoridades no sarani housi Diocese Dili, Baucau no Maliana. Tan ne’e iha D. Norberto nia reflexão hateten: Certamente ita hotu hateke ba Cruz, ita hatene katak Cruz ida ne’e ita simu wainhira iha Sacramento Batismo no ida-idak lori iha nia-an. Maibe, wainhira ita hateke ba Cruz ida ne’e se ita hanoin didiak wainhira Jesus mate iha Cruz ida ne’e pelomenos iha liafuan 4 nebé Nia fo sai hela mai ita hanesan: (1). Aman perdua sira ba tan sira la hatene saida mak sira halo; (2). Ne’e o nia inan, ne’e o nia oan Jesus hateten ba São João no Nossa Senhora; (3). Buat hotu hau halo tuir los ona; (4). Aman iha Ita liman Ha’u saran hau klamar. Ho liafuan 4 ida ne’e Nia remata Nia missão iha mundo rai klaran, maibe liafuan 4 ida ne’e Nia fo mai ita buat 4; Perdão, Caridade, Obidiençia no Confiança.

          Norberto do Amaral: Jesus lori duni perdão mai mundo rai klaran, Jesus mai atu hadau fali ita husi sala no mate nia laran hodi lori fali ita ba reconciliação ho Na’i Maromak ho ema liu-liu lori ita ba mate no moris nian. Hahu ba ida ne’e, perdão mosu iha ita nia le’et e laos perdua de’it to ona, maibe tenki halao iha moris lor-loron buat nebé nia hanorin; caridade, hamatan malu, hadomi malu. Wainhira ita hamatan malu ne’e ita tenki baseia ba lei ka regra ida atu bele orienta ita nia moris ne’e ba ida ne’e ita hot-hotu tenki hakruk ba Maromak, Nia mak fo lei ida nebé diak liu atu ita moris iha mundo rai klaran ida ne’e, ou Nia mak fo lei ka dalan diak ida atu ita bele hetan moris rohan laek. Wainhira halo tiha buat tolu ne’e atu ita hasae ita nia an tomak ba Maromak, tamba ita nia moris ne’e pertense ba Maromak laos ita nia custa. Ne’e duni, buat 4 ne’e mak Cruz Jovem ne’e halibur ita nia rain Timor-Leste liu-liu tinan ida iha Paróquia Balibo.

          Norberto do Amaral: Balibo tuir história nia ema nebé kleur ona simu naroman, maibe dalabarak ita rona ita mak laran susar tiha fali.Maski inicia padre sira mai hamrik iha balibo ida ne’e, maibe sarani sira hanesan mate-an. ne’e duni, Cruz mai iha imi nia let atu fanu fali imi katak naroman ne’e mosu uluk iha imi hafoin ba ema sira seluk. Nudar sarani tenki kaer metin; “perdão, caridade, obidiência no confiança” iha moris lor-loron.

          buat sira ne’ebé mai atu halibur perdão, caridade, obedece no confiansa ne’e mak fiar, fiar ida nebé metin katak Jesus Cristo nebé tun husi lalehan mai, hanesan iha evangelho são João dehan ida nebé labele ba iha lalehan, selae ida nebé tun husi lalehan mai, nia mak defini liafuan ne’e; “Ha’u mak dalan lia los no moris” laiha tan ema seluk la liu husi Ha’u ema ida la hakbesik ba Aman. Ida ne’e Jesus nia liafuan. Se nia mesak deit nusa mak tabele ba ema sira seluk, tabele fali buat mundo rai klaran nian. Ita sempre nune’e ita nia adat ne’e dehan katak ba! Maibe buat ne’e sarana deit, hau dehan hanesan ne’e laos atu la respeita fali ita nia kultura sira, maibe tau buat ne’e tuir nia dalan sira, labele tau buat ne’e as liu fali Maromak. wainhira ita hatudu ita nia fiar, iha buat rua nebé ita hakarak hato iha neba; Unidade depois de unidade katak ksolok. Unidade katak atu ita hamutuk ida deit ho Jesus. Wainhira ita simu Nia mai karik, Nia mai hela ho ita e ita hela ho Nia ida de’it hanesan fen ho laen nebé moris hamutuk ida deit atu hetan ksolok ida rohan laek laos ksolok ida ohin loron ne’e nian provisório ne’e deit.

          Norberto do Amaral: missa enceramento no agradecimento iha Paróquia Balibo ida ne’e bolu atensaun ba ita hot-hotu atu ita ida-idak hanoin kona ba ita nia moris ne’e rasik hanesan hau koalia tiha ona iha missa abertura katak labele patarata demais ho moris ida ne’e. Balu hadomi liu moris ida ne’e no foti moris ne’e hanesan nia custa; o foti o nia-an dehan katak hau mak manda hau nia an, o laiha tan ema seluk atu manda o nia-an, ne’e loko-an mak ne’e. Ita halo missa enceramento no agradecimento ne’e hodi hanoin buat sira ne’e hotu katak Cruz Jovem mai iha ne’e atu hametin no hafoun fila fali ita nia fiar, haklean ita nia fiar nebé sei namlele hela.

         Norberto do Amaral: Ne’e duni maun alin doben sira husu ba ita hotu-hotu atu ita ho presença Cristo Jovem nian ida ne’e, no mos congretista sira nebé hetan naroman husi orador sira nebé disponibiliza sira nia an mai hodi anima no fo liafuan ida rua iha congresso ida ne’e atu nune’e ita bele lori didiak ita nia an hanesan Papa Fransisco dehan; imi laos lao mesak maibé imi lao hamutuk ho Jesus, Nia mai mate hodi fo esperança fali ba ita. Kaer metin ida ne’e hodi lao atu nune’e imi labele lao sala dalan. Se ita sai duni nune’e ita masin no roman mundo ne’e nian. Hanesan matebian João Paulo II dehan se lae envez de naroma nakukun, envez de masin sin hela. Ita iha Timor-Leste ne’e sin hela, balun dehan hau sarani Católico maibe católico ibun deit, sai ba halo tun halo sae, balun dehan iha Timor-Leste laran ne’e moris hanesan gentio maran maibe sarani Católico, laos sarani deit maibe Católico Roma Apostólica tan, maibe Barlekiadu hela. Iha Livro Proberbio dehan: “Fiar la ho hahalok ne’e mate” tan ne’e ita tenki matan moris neon nain atu nune’e bele lori didiak moris ne’e ho diak iha mundo ida ne’e.

Leave a Reply

Your email address will not be published. Required fields are marked *