shadow
Diocese de Dili > NOTÍCIAS > LETURA DIÁRIA > Terça Feira, XX Semana Tempo Comum

Terça Feira, XX Semana Tempo Comum

Ano A

 

Primeira Leitura                                       Ez 6:11-24a

Lia housi Livro Profeta Ezequial

Na’i lia tun mai ha’u nune’e: “Emar nia oan, dehan ba liurai Tiro nian: Na’i Maromak ko’alia nune’e: Ó nia fuan nakonu ho loko-an hodi dehan: ‘Ha’u Maromak ida,  Ha’u tur hela iha trono Maromak nian iha tasi klaran’. Maibé, ó la liu ema ida, ó la’os Maromak, ó hakarak foti ó fuan hanesan Maromak nian! Nune’e, ó mak matenek liu Daniel no lia sumik ruma la taka ba ó. Tan ó nia badaen no matenek, ó hetan riku-soin ua’in, halibur osa-mean no osa-mutin iha ó nia ai-balun. Ó badinas tebes halo kontrato, tan ne’e,  ó riku soi sai ua’in liu tan, ó nia fuan sai nakonu ho ksolok loko-an nian, ho riku soi hirak ne’e. Tan ne’e, mak Na’i Maromak ko’alia nune’e:  Tan ó hakarak sai hanesan Maromak, ha’u halo atu ema rai seluk nian, be siak  liu iha povo sira leet, mai hafunu hasouru ó. Sira sei lere ho surik hasouru ó nia badinas, sira sei halo aat ó nia moris diak. Sira sei ó iha rai kuak ida, ó sei mate ho kro’at no iha tasi klaran. Ó sei dehan: ‘Ha’u Maromak ida’ iha ema sira nebe atu oho ó ne’e nia oin? Maibé, ó la liu ema ida, ó la’os Maromak, iha ema sira nebé atu óho ó ne’e, nia liman. Ó sei mate hanesan ema fiar láek housi liman sira ema rai seluk nian; tan Ha’u ko’alia tiha ona,  Na’i Maromak dehan”.

Maromak Futar Lia.

 

Salmo Responsorial                                                                                                                                                              Sal 85,9,11,13-14

Refrão :  Ha’u mak Na’i, moris no mate nian. Repete-se

                   Na’i dehan, Ha’u sei harahun sira,

                  sei halakon sira housi ema sira hanoin,

                  maibe, Ha’u la ta’uk funu baluk sira nia loko-an,

                  funu baluk sira, Nia hewai. Refrão

 

                  Tan sira dehan: 

                  “Ami nia biit manán,

                  nia Maromak la tahan ami biit!” 

                 Tan sira derasaan ema beik nian ida, matenek láek. Refrão

 

                Oinsá ema ida de’it bele duni tuir ema rihun ida,

                no na’in rua bele duni sai ema rihun ida,

                nia Tulun-na’in la husik hela sira karik;

                Na’i la haraik karik sira ba nia liman? Refrão

 

               Loron mohu nian besik daudaun ona,

               nia destino besik ona,

               tan Na’i sei hatau Nia povo,

               sei sadia Nia atan sira. Refrão

 

Aclamação

Refrão : Aleluia, Aleluia… Repete-se

                 Na’i Jesus Cristo be riku, halo An kiak tan imi,

                 atu imi bele sai riku hodi Nia kiak. Refrão

 

Evangelho                                                                                                                                                                                                  Mt. 19:23-30

+ Na’i Jesus Cristo Nia Evangelho nu’udar São Mateus haktuir

Iha tempo nebá, Jesus hateten nune’e ba escolante sira: “Tebes Ha’u dehan ba imi: ema  riku ida atu tama iha Reino Lalehan susar. Tebes, ha’u dehan ba imi: lalais liu ba kuda kamelu ida tama iha daum nia ku’ak liu fali ema riku ida tama iha Reino lalehan”. Uainhira escolante sira hakfodak  hodi dehan: “Nune’e se los mak bele soi nia an?” Jesus fihir sira hodi dehan: “Ba ema sira ne’e la bele, maibé ba Maromak buat hotu bele de’it”. Tuir mai Pedro hasa’e lia dehan: “Be ami nebe husik tiha buat hotu hodi tuir Ita Boot. Ba ami ne’e saida?” Jesus dehan ba sira: “Tebes, Ha’u dehan ba imi: imi sira nebe tuir Ha’u, iha mundo foun, uainhira Oan Mane tur iha nia trono gloria nian, imi sei tur mos iha trono sanulu resin rua hodi tesi lia ba suku sanulu resin rua Israel nian. Ema hotu nebe husik uma, maun alin, feton, aman, inan, oan sira ka rai, tan Ha’u nia naran, sei simu dala atus id aliu tan hodi simu mos nu’udar liman rohan moris rohan laek. Barak nebe uluk, sei ikus fali; no sira nebe ikus, sei uluk fali.”

Lia Maksoyn.

Leave a Reply

Your email address will not be published. Required fields are marked *