shadow
Diocese de Dili > NOTÍCIAS > LETURA DIÁRIA > Segunda Feira, XXI Semana Tempo Comum

Segunda Feira, XXI Semana Tempo Comum

Ano A

 

Primeira Leitura                                                                                                    1Tes 1, 1-5, 8b-10

Lia housi São Paulo nia surat ba sarani sira iha Tessalónica

Housi Paulo, Silvano no Timóteo, haruka ba Kreda iha Tessalónica, nebé iha Aman Maromak no iha Na’i Jesus Cristo, grasa no dame ba imi housi Aman Maromak no Na’i Jesus Cristo. Ami tenki fo agradece nafatin, nu’udar di’ak tebes, ba Maromak tanba imi, maun alin sira; basá, imi nia fiar sai boot liu ba daudaun ho domin nebe imi iha ba malu sai boot ba nafatin; no iha Maromak nia Kreda sira leet ami gaba an liu-liu kona ba imi nia laran metin no fiar iha susar no terus hot-hotu nebe imi hetan. Ne’e hatudu katak Maromak tesi lia lolos, no buat hotu mosu atu ema bele hetan katak imi soi Maromak nia reino; nebe tan nia imi terus daudaun. Tan ne’e, ami hamulak bei-beik ba imi atu ita nia Maromak halo imi soi imi nia vocação, no ho nia kbiit, halo lolos imi nia hakarak atu sai ema di’ak no buat hotu nebe imi halo daudaun tanba fiar; basa nune’e, ita Na’i Jesus Cristo nia naran sei hetan naran boot iha imi no imi iha Nia, housi ita nia Maromak no Na’i Jesus Cristo nia grasa.

Maromak Futar Lia.

 

Salmo Responsorial.                                                                                     Sal 149,1-2,3-4,5-6ª,9b

Refrão: Haklaken ba povo hotu Na’i Nia kmanek. Repete-se

  • Hahanu ba Na’i knananuk foun ida,

          hananu ba Na’i rai klaran tomak.

          Hananu ba Na’i hawelok Nia naran. Refrão

 

  • Haklaken loron ba loron, Nia Maksoin:

          Haklaken Nia gloria ba reino tomak;

          no ba povo hot-hotu, Ninia kmanek. Refrão

 

  • Tanba Na’i mak boot liu tomak no so’i ema hahi,

           Maromak falso sira la liu ilas folin laek.

           Na’i mak halo lalehan. Refrão

 

Aclamação

Refrão : Aleluia, Aleluia… Repete-se

                 Ha’u Nia bibi sira rona Ha’u lian, Na’i lia tun;

                  Ha’u hatene sira, sira mai tuir Ha’u. Refrão

 

Evangelho                                                                                                                                Mt. 23:13-22

+  Na’i, Jesus Cristo nia Evangelho nu’udar São Mateus haktuir

Iha tempo nebá, Jesus hateten nune’e: “Susar boot ba imi, escriba no fariseu sira, laran makerek, basa imi taka reino lalehan nian ba ema sira; imi la tama, no mos la husik ema seluk nebe hakarak atu tama. Susar boot ba imi, escriba no fariseu sira, laran makerek. Imi han mohu feto faluk sira nia uma hodi lohi sira ho imi nia orasaun nar-naruk; tan ne’e iha loron justisa nian, imi sei hetan kastigu todan liu. Susar boot ba imi escriba no fariseu sira, laran makerek. Imi hakur tasi la’o lemo rai hodi dada ema hotu tuir imi nia fiar no uainhira ida mosu iha imi nia liman, imi halo nia sai inferno nia oan dala rua aat liu fali imi. Susar boot ba imi, matadalan sira nebe matan delek! Imi dehan: ‘Ema jura karik hodi tempol, ne’e la folin buat ida; maibe ema jura karik hodi osa mean templo nian, nia tenki halo tuir.’  Beikten no matan delek sira!  Ida nebe mak folin liu: osa mean, ka templo nebe halo santo osa mean? Imi dehan tan: ‘Ema ruma jura karik hodi altar, ne’e la folin buat ida; maibe nia jura karik hodi buat karan nebe iha altar leten, nia tenki halo tuir.’  Matan delek sira! Ida nebe mak folin liu; buat karan, ka altar nebe halo santo buat karan? Ne’e duni, se jura hodi altar, jura hodi altar no ba buat nebe iha nia leten. Ema nebe jura hodi templo, jura hodi templo no mos ba Ida nebe horik iha nia. Ema nebe jura hodi lalehan, jura hodi Maromak nia tur fatin no mos hodi Ida nebe tur iha nia.” 

Lia Maksoyn.

Leave a Reply

Your email address will not be published. Required fields are marked *