shadow
Diocese de Dili > NOTÍCIAS > LETURA DIÁRIA > Quarta Feira, XXI Semana Tempo Comum

Quarta Feira, XXI Semana Tempo Comum

Ano A

 

Primeira Leitura                                                                                                                                   1Tes 2, 9-13

Lia housi São Paulo nia surat ba sarani sira iha Tessalónica

Maun-alin sira: iha Na’i Jesus Cristo nia naran, ami haruka imi atu hadook an housi maun alin sira nebe lakohi serbisu eh atu moris tuir lisan nebe ami hato’o ona ba imi. Imi hatene oinsa imi sei banati tuir ami; uainhira ami sei hela ho imi, ami la halimar de’it, uainhira ami han iha ema nia mesa, mai selu; maibe ami serbisu kalan loron, hodi kosar metan no maka’as an, atu ami la bele fo todan ba ema ruma. Ne’e la’os tanba ami la iha direito, maibe atu ami bele sai exemplo ida nebe imi bele banati tuir. Uainhira ami sei hela ho imi, ami fo ukunfuan ida ba imi: ema ruma lakohi serbisu karik, keta fo han ba nia.  Na’i dame nian rasik haraik dame ba imi iha tempo hot-hotu no iha dalan oi-oin.  Na’i hela ho imi. Ha’u, Paulo, hakerek liafuan cumprimento nian sira ne’e ho ha’u nia liman rasik. Ne’e mak sinal nebe hatudu iha ha’u nia surat hot-hotu katak nia mai duni housi ha’u; ha’u hakerek nune’e. Na’i Jesus Cristo nia grasa hela ho imi hotu.

Maromak Futar Lia.

 

Salmo Responsorial                                                                                                                                     Sal 139,7-8,9-10,11-12ab

Refrão : Ksolok ba sira be hamta’uk Na’i. Repete-se

  • Ksolok ba sira be hamta’uk Na’i,

          hodi la’o tuir Nia dalan!

          Housi ó nia liman nia kole mak ó han,

         ó sei haksolok hodi moris di’ak. Refrão

 

  • Nune’e, ema be hamta’uk Na’i simu bensa,

          Na’i haraik bensa ba ó housi foho Sião.

          Ó bele hare Jerusalém be buras iha ó nia moris tomak. Refrão

 

Aclamação

Refrão :  Aleluia, Aleluia… Repete-se

                   Ema ruma halo tuir Cristo nia liafuan karik,

                   Maromak nia domin sai tuir lolos iha nia. Refrão

 

Evangelho                                                                                                                                                                               Mt. 23:27-32

+  Na’i, Jesus Cristo nia Evangelho nu’udar São Mateus haktuir

Iha tempo neba, Jesus hateten nune’e: “Susar ba imi, escriba no fariseu sira, laran makerek! Imi hanesan rate sira nebe pinta mutin, furak iha liur, maibe iha laran nakonu ho mate ruin no buat dodok oi-oin. Nune’e mos imi nebe ema hare mos iha liur maibe iha laran nakonu ho lia bosok no hahalok aat. Susar ba imi, escriba no fariseu sira, laran makerek, basa imi hada rate ba profeta sira hodi hafutar ho buat kmanek ema di’ak sira nia rate dehan:  ‘Ita moris karik iha ita bei ala sira nia tempo, ita liman la fo’er hanesan sira nian ho profeta sira nia ran’.  Nune’e imi hatudu katak imi ema sira nebe oho profeta sira nia bei oan! Ne’e duni, imi halo to’o rohan buat nebe imi nia bei ala sira hahu!”

Lia Maksoyn.

Leave a Reply

Your email address will not be published. Required fields are marked *