shadow
Diocese de Dili > NOTÍCIAS > LETURA DIÁRIA > Quinta Feira, XXI Semana Tempo Comum

Quinta Feira, XXI Semana Tempo Comum

Ano A

 

Primeira Leitura

Lia housi São Paulo nia surat ba sarani sira iha Corinto

Paulo, nebe bolu tiha atu sai Cristo Jesus Nia Apóstolo tan Maromak Nia hakarak, no ami nia alin Sóstenes, ba Maromak nia Kreda iha Corinto, ba imi hotu nebe sai santo ona iha Cristo Jesus, nebe Maromak bolu atu sai santo, hamutuk ho sira hotu iha fatin hot-hotu nebe bolu ita Na’i Jesus Cristo nia naran;  sira nia Na’i no ita nian kmanek no dame ba imi hotu, housi Maromak, ita Aman no housi Na’i Jesus Cristo. Ha’u fo agradece nafatin ba Maromak tan imi, tan Maromak nia grasa nebe haraik tiha ba imi iha Cristo Jesus. Iha Nia, imi sai riku iha buat hotu ho liafuan no matenek, uainhira sasin ba Cristo sai metin iha imi. Nune’e imi la kuran grasa spiritual ida uainhira imi hein daudaun Ita Na’i Jesus Cristo mosu mai. Nia sei halo imi laran metin to’o rohan no sala laek iha Na’i Jesus Cristo nia loron. Maromak la bosok no Nia bolu imi atu sai nia Oan, Jesus Cristo, ita Na’i nia maluk.

Maromak Futar Lia.

 

Salmo Responsorial.                                                                                                                                              Sal 89,3-4,12-14.17

Refrão: Na’i, ha’u sei hahí nafatin Ita naran… Repete-se

  • Ha’u hana’i Ita kalan loron,

          hahí nafatin Ita naran.

          Maromak boot, sei hahí didi’ak,

          Nia beran la nahas. Refrão

 

  • Otas ida saran ba otas seluk

          Ita hahalok kmanek sira;

          sira hahí Ita beran nia glória

          hodi haklaken nafatin Ita kmanek. Refrão

 

  • Sira fo sai Ita kbiit ua’in be hamta’uk,

          sira haktuir Ita Nia hahalok kmanek ua’in;

          sira haklaken Ita Nia laran di’ak kmanek no hahí Ita justisa. Refrão

 

 

Aclamação

Refrão :  Aleluia, Aleluia… Repete-se

                  Imi matan moris neon na’in ba basa iha oras nebe imi la hanoin hetan mak

                  Mane Maksoin sei mai. Refrão

 

Evangelho                                                                                                                                                                             Mt. 24:42-51

+ Na’i Jesus Cristo Nia Evangelho nu’udar São Mateus haktuir

Iha tempo nebá, Jesus hateten ba escolante sira: “Ne’e duni matan moris ba, basá, imi la hatene iha loron nebe mak imi nia Na’i hi’it An mai. Hatene ba ida ne’e: uma na’in hatene karik tuku hira ahuna’in sei mai, nia sei matan moris no sei la husik sobu nia uma. Tan ne’e imi mos matan moris ba, basa imi la hatene iha sa oras Oan Mane sei mai.” “Ne’e duni, se los make mar laran metin no matenek nebe na’i haruka atu tau matan ba nia atan sira hodi fo han sira iha templo lolos? Ksolok ba atan nebe, uainhira na’i fila mai, nia sei hetan nia badinas nune’e. Tebes, Ha’u dehan ba imi katak Na’i sei tau nia rikusoi tomak iha nia liman. Maibe, emar aat ne’e dehan karik ba nia an: ‘Ha’u nia Na’i sei tarde tan,’ no baku nia maluk sira hodi han no hemu ho lanuten sira; atan ne’e nia Na’i sei mai iha loron nebe nia la hein no iha oras nebe nia la hatene. Na’i sei fo kastigu todan ba nia hodi tau nia hamutuk ho ema laran makerek sira; iha neba ema sei tanis no ruun nehan.”

Lia Maksoyn.

Leave a Reply

Your email address will not be published. Required fields are marked *