shadow
Diocese de Dili > NOTÍCIAS > Notícias > DEJUCDDIL REALIZA GRADUAÇÃO BA DALA 20

DEJUCDDIL REALIZA GRADUAÇÃO BA DALA 20

ITE DILI – Departamento Juventude Católica Diocese de Dili (DEJUCDDIL) iha Quinta Feira (31/08/2017) foin lalais ne’e gradua tan foinsae 100 nebé finaliza sira nia Curso iha DEJUCDDIL. Actividade Graduação refere inicia ho missa agradecimento nebé preside housi Presidente DEJUCDDIL Pe. João Soares iha Salão DEJUCDDIL Vila Verde Dili. Iha Pe. João Soares nia homilia hateten: “matan moris neon nain”. Matan moris ida nebe Jesus hakarak descreve iha Evangelho katak matan ida nebe precisa hare ho matan fiar nian, hare iha sircunstância, hare iha ambiente, hare iha situação hotu nebe haleu ema ida-idak hare ba, depois matan ida nebé estimulação ita nia razão ne’e; Matan hare, razão justifica no decisão fila ba fuan.

Pe. João hateten: ita nia matan ne’e hare buat cor oi-oin. Tamba ne’e Maromak cria ita nia matan atu hare. Ne’e duni matan ne’e mos hola parte essencial iha ita ema nia vida basá matan hare liga kedas ba ita nia razão significa katak matan detecta buat nebe diak ou lae ne’e nia justificação atu fo razão nia furak eh lae mai ona iha ita nia kakutak hodi halo estimulação racional hodi justifica nia furak eh lae ne’e ita tenki hola decisão, ne’e tenki fila ba ita nia conciência. Ó nia conciência atu hili ho diak, labele husik ó nia razão mak domina ó ninia Conciência. Tamba ne’e Conciência ne’e rasik iha nia manta significa ida nebé sai hanesan sigurança ba Conciência ne’e mak Domin.

Pe. João reforsa tan: Timor barak teb-tebes mak sai ona vítima ba tecnologia to’o ikus mai haluha tan tiha Maromak too iha loron santo deit mos la ba missa tan deit tempo laiha, maibé tempo ba buat seluk iha. Hafoin mos liafuan agredece atu sai deit housi ibun mos deficil, atu cumprimenta deit inan-aman mos susar la halimar, atu mensagem deit hodi husu Inan aman nia condição mos difícil. Tan ne’e belun Jovem sira aproveita didiak imi nia nia tempo jovem nian, capacita ho buat nebé diak tamba ne’e mak ema dehan ”Matenek hatudu iha Qualidade”. Ita em princípio Maromak cria ita ne’e qualidade iha tiha ona, capacidade iha tiha ona, talento mos iha tiha ona no hein deit ita desemvolve. Maibé dalabarak buat diak hotu nebé ita iha ita husik buat mundo nian mak halo rahun no halakon. Buat hirak ne’e hotu tamba ita nia egoista, lokoan, arogancia hodi muda tiha buat diak nebé ita iha hodi kuda fali buat at mak iha ita nia an hodi hatudu ba família, comunidade.

Tamba ne’e hau iha esperança ba hau nia belun sira maske fulan balun deit imi completa imi nia curso iha ne’e, hau fiar katak ho qualidade neb’e mak imi iha buka atu desemvolve. Buka atu sai matenek ida nebé haraikan. Tamba ne’e matenek atu to’o nebé deit, bonito/bonita ba to iha nebé buka haraik iha Maromak hodi buka Maromak no respeito no tane as inan-aman sira iha ita nia moris.

Leave a Reply

Your email address will not be published. Required fields are marked *