shadow
Diocese de Dili > NOTÍCIAS > Notícias > Precisa Ema Matenek Atu Gere

Precisa Ema Matenek Atu Gere

ITE DILI – Pe. Evaristo Vigário Paróquia Santo António Motael hateten lia hirak ne’e iha nia reflexão ba sarani sira iha Cede CNRT Segunda feira 04/09 foin lalais ne’e. Pe. Evaristo hateten: Rikusoin fo ona ba ita, ita precisa matenek oinsa atu ita bele gere. Gere didiak ba ema hotu-hotu nia diak, gere ho justo laos deit ba ema seluk deit maibe ba ema hotu. Ida ne’e mak Maromak nia hakarak. Maibe quando ba ema balun deit ida ne’e injustiça katak mai ita rasik sei hetan fali terus no susar, maibe wainhira ba ema hotu nia diak ne’e ita lao hamutuk ho Maromak nia Visão no Missão ba libertação ema hotu-hotu ninian (Libertação Dignidade Humana).

Pe. Evaristo haklean tan katak: Se mak fiar iha Maromak, Maromak prepara nia atu acompanha Maromak nia povo, la abandona Maromak nia povo lao mes-mesak, Maromak nafatin fo Nia Carisma, Nia Espírito, Nia matenek atu ema ida nebe sai hanesan lider hodi acompanha povo ne’e lao  iha qualquer situação terus no susar. Hare tempo oportuno nebé Nia haraik mai ita iha 99, tempo Independéncia, Nia hare lao tan iha processo naruk iha tinan 18, Nia fo tan ita nia Fronteira Marítima hodi bele declara lolos katak ita nia soberania Nação ne’e lolos iha rai no tasi ninian, tamba ne’e ita la dúvida ba Maromak.

Pe. Evaristo haktuir tan: Ita Fiar iha Maromak ho ita nia história moris ninian ita reflete hasoru povo nacão ida nebe boot ita consegue manan hafoin hasoru fila-fali nação Australia ida nebe matenek ho buat oin-oin, ita manan ne’e hotu tamba Maromak mak kbiit nain, Maromak ne’e omnipotente no Omnipresente . Ne’e duni ita hotu hamutuk ho maun boot ita hotu agradece hakneak tuku tur hanai hahi ba Maromak ba graça boot ida ne’e, ami reza ba ita boot nia vida naruk, ami reza atu geração foun sira mai ne’e Maromak mos bele comfia, Maromak bele fo Carisma, Maromak mos bele fo capacidade atu bele lori povo ida ne’e hamutuk.

Leave a Reply

Your email address will not be published. Required fields are marked *