shadow
Diocese de Dili > NOTÍCIAS > LETURA DIÁRIA > Quinta Feira, XXI Semana Tempo Comum

Quinta Feira, XXI Semana Tempo Comum

ANO A

 

Primeira Leitura

Lia housi livro Profeta Amós

Rona didiak mai!  Imi sira be sama hanehan ema kiak sira, imi sira be hakarak halakon tiha kiik sira iha rai klaran. Imi dehan:  “Uainhira mak sei liu fulan foun atu ita bele fa’an tiha ita nia aihan?  Uainhira mak sei sabado sei liu atu ita bele loke ita nia armazem hodi fa’an ita nia trigo?  Ita sei halo ita nia sasukat sira ki’ik liu tan, ita sei hasa’e osan mutin nia folin, ita sei halo dasin falso atu han matak.  Ita sei hodi ita nia osan,  sosa ema kiak sira.  Ita sei sosa duni ema kiak sira hodi chinela par ida.  Ita nia trigo ikis sira mos, ita sei fa’an hotu”.  Na’i Maromak dehan:  “Iha loron neba sei mosu nune’e:  Ha’u sei halo loro nia roman lakon iha meudia, no rai sei nakukun tomak iha loron tomak.  Ha’u sei nakfila imi ksolok ba luto;  imi nia knananuk sira ba halerik.  Ha’u sei tau futu-kabun iha imi nia knotak hotu, imi nia fuuk sei koi mos hotu.  Ha’u sei haraik luto hanesan luto ba oan mesak ida;  nia rohan sei sai hanesan loron susar nian ida”.  Na’i Maromak dehan:  “Loron hirak be sei mai, Ha’u sei haruka hamlaha mai rai:  la’os hamlaha ba aihan, la’os hamrook  ba ué, maibe atu rona Na’i nia liafuan. Sira sei la’o sidi housi tasi ida ba tasi seluk, sira sei la’o lemo rai housi tasi-feto to’o loro-sa’e hodi buka Na’i nia liafuan, maibe, sira sei la hetan”. 

Maromak Futar Lia.

 

Salmo Resp.

Refrão :   Ema la moris de’it ho aihan, maibe ho liafuan sira

                    nebe sai housi ibun Maromak nian. Repete-se

 

  • Ksolok ba sira nebe moris tuir Na’i nia lei,

          hodi buka Nia ho neon no laran tomak.

          Ho neon no fuan tomak ha’u buka Ita,

          Na’i, keta husik ha’u fila kotuk ba Ita ukunfuan. Refrão

 

  • Ha’u klamar hamrook,

          atu halo tuir nafatin Ita hakaran.

          Ha’u hili tiha ona dalan lialos nian,

          hodi tau iha ha’u oin Ita ukunfuan. Refrão

 

  • Hare mai, oinsa ha’u hadomi Ita lei;

          halo ha’u moris tuir Ita justisa.

          Ha’u loke ha’u ibun hodi dada iis,

          tan ha’u hamrook ba Ita ukun fuan. Refrão

 

Aclamação

Refrão : Aleluia, Aleluia. Repete-se

                  Na’i lia tun dehan, mai hamutuk ho Ha’u imi sira nebe kole no imi sira be hanehan;

                  Ha’u sei hasai tiha imi nia naha”. Refrão

 

 

Evangelho                                                                                                                                                                                  Mt. 9:9-13

+ Na’i Jesus Cristo Nia Evanghlo nu’udar  S. Mateus haktuir

Iha tempo neba, uainhira Jesus liu daudaun, Nia hare ema ida naran Mateus, tur hela iha fatin kobra osan nian hodi dehan ba nia:  “Tuir Ha’u mai”.  Nia hamriik hodi tuir kedas Jesus.  Loron ida nebe Jesus tur hela iha mesa iha Mateus nia uma.  Ema publicano no ema maksalak sira barak mai tur iha mesa ho Jesus no nia escolante sira. Hare tiha ne’e, fariseu sira dehan ba escolante sira:  “Tan sa imi nia mestre han ho ema publicano no ema maksalak sira?”  Maibe, Jesus rona hela sira ko’alia, hodi hatan ba sira:  “La’os sira nebe isin di’ak mak buka doutor, maibe, sira be moras.  Imi ba buka hatene liafuan ne’e katak sa:  “Ha’u hakarak laran-luak, la’os sacrificio. Ha’u la mai atu bolu ema nebe los, maibe ema maksalak sira”.

Lia Maksoyn.

Leave a Reply

Your email address will not be published. Required fields are marked *