shadow
Diocese de Dili > NOTÍCIAS > LETURA DIÁRIA > DOMINGO XXIII IHA TEMPO COMUM

DOMINGO XXIII IHA TEMPO COMUM

ANO  A

 

Primeira Leitura                                                     Ez. 33, 7-9

Lia housi Livro Profeta Ezequiel

Na’i lia tun nune’e: “ Ó ema oan, Ha’u tau ó atu hein Israel nia uman. Wainhira ò rona lia ida housi ha’u ibun, ó sei dehan ba ema seluk hodi Ha’u nia fatin. Wainhira Ha’u dehan ba aat: ‘Ema aat, ó sei mate; ò la hatene atu nia sai housi dalan aat, Ema aat sei mate tan nia salan. Maibè, Ha’u sei husu tusan ba òkona ba nia mate. Ó fo hatene karik atu nia sai housi dalan aat, maibé, nia lakoi sai housi dalan aat ne’e, nia sei mate tan nia salan; maibè, ó sei soy ò nia moris.

Maromak Futar Lia

 

Salmo Responsorial

Refrão : Rona ohin Na’i lian keta taka imi laran. Repete-se

  • Mai hotu, hananu haksolok,

          Mai hahì ita maksoyn’

          Hahì haksolok ba hasouru ita Na’in. Refrão

 

  • Mai hotu tuku-tur ba rai,

           Hana’I ita Na’in ne’ebè halo ita moris.

           Na’I, ita nia maromak,

           Ita, nia povo, nia bibi-oan. Refrão

 

  • Rona ohin Na’i nia lian, keta taka imi laran,

           Hanesan iha Meribà, eh iha loron massà, rai-fuik maran.

           Imi nia bei-ala sira halo Ha’u iha ne’ebà,

           Sira sadik Ha’u, maski hare Ha’u nia kbiit. Refrão

 

Segunda Leitura                                                                                                                                                                   Rom. 13, 8-10

Lia housi São Paulo nia surat ba Sarani sira iha Roma

Maun alin sira: keta hela ho ema  ruma nia tusan, maibè, buka hadomi de’it malu, tan ema ne’ebè hadomi nia maluk halo tuir ukun. Tan ukun-fuan dehan: “keta hola ema seluk nia fen, keta oho, keta na’ok, keta hakarak aat.” Hanesan mos ukun-fuan seluk, bele habadak ho ukun-fuan hirak ne’e: ‘Hadomi ò maluk nu’udar ò an rasik.”Caridade la halo aat ba ò maluk. Caridade katak halo tuir lolòs ukun.

Maromak Futar Lia

 

Aclamação

Refrão : Aleluia… Repete-se 

                  Wainhira na’in rua eh na’in tolu halibur tan ha’u naran,

                  Ha’u sei iha sira leet, Na’i hateten. Refrão

 

Evangelho                                                                                                                                                               Mt. 18,15-20

Na’i Jesus Cristu nia Evangelho nu’udar São Mateus haktuir

Iha tempo nebà,Jesus dehan ba Eskolante sira “Ó maun eh alin sala hasouru ó karik,ba haksi’ak nia mesak de’it,iha nia oin.Nia rona ó karik,ó manán nia. Nia la rona ó karik,ba bolu tan ema ida eh ema rua,atu lia ne’e bele la’o los tan ema na’in rua eh na’in tolu sira nia lian. Maibé, nia la fo karik tilun ba sira,ba fo hatene ba santa kreda: Nia la fo karik tilun ba Santa Kreda,haré nia hanesan ema gentio eh ema publicano. Ha’u dehan tebes ba imi: Buat nebé ó hametin iha rai,sei hametin mos iha Lalehan; buat nebé ó hakore iha rai, sei hakore mos iha Lalehan. Ha’u dehan tan ba imi: Iha karik ema na’in rua,iha rai,nebé halibur sira lian atu husu naran buat ida, sira sei hetan housi Ha’u Aman iha Lalehan. Tan wainhira na’in rua  eh na’in tolu halibur tan Ha’u naran, Ha’u sei hela iha sira leet.”

Lia Maksoyn.

Leave a Reply

Your email address will not be published. Required fields are marked *