shadow
Diocese de Dili > NOTÍCIAS > OPINIÃO > HADOMI ISIN LOLON

HADOMI ISIN LOLON

Introdução.

Iha terciero milénio, mundo tama iha era nova média nebé  hafutar a’an ho desenvolvimento tecnológico oin-oin. Cidade Dili mos la lakon ho avanço tecnologia sira ne’e. Nova média oferece ba ita telefone  oin-oin, iha Dili laran nakonu ho publicidade ba telefone  ho modelo oin-oin. Balu ho modelo Samsung, Oppo, Iphone, Digicom, Telemor nst.

Telefone  hirak ne’e hafutar lidun sira iha Dili laran tomak. Ema idak-idak tau kode ­oin-oin hodi protege nia telefone . Ema preocupa los atu download aplikasi oin-oin hodi protege telefone . Balu usa  kode pola no balu fali usa  kode kata sandi nst. Maibé ba isin lolon rasik haluha tau chave hodi protege isin lolon. Roupa nebé  usa  hanesan chave hodi protege isin, maibé roupa  iha realidade balu halo kuak oin-oin. Telefone  nia segurança folin bo’ot liu fali ita nia isin lolon nia segurança no dignidade.

Ho realidade iha leten ne’e, iha futuro ita nia isin lolon sei sai saida los? Balu usa  isin lolon hodi hetan telefone  4G. Cidade Dili agora hasoru problema bo’ot, iha nebé  ema barak nebé  la fó ona valor ba nia isin lolon rasik.

 

Sentido  isin lolon.

Isin lolon iha lian portugûes hanaran corpo, hatun hosi lia-Latim corpus, corpòris katak estrutura física de um organismo vivo (esp. o homem e o animal), englobando suas funções fisiológicas. Balu fali dehan conjunto formado por cabeça, tronco e membros. Balu fali hanaran materialidade do ser ou parte essencial ou principal de uma estrutura material ou abstrata. Isin lolon mak hatudu ema ida nia existência real no concreto, eh pegungkapan diri dimana seorang menyatakan kepada sesama tujuan, arti dan makna hidupnya di dunia.

Papa João Paulo II hatete <<hadomi isin lolon>>. Tamba   sá isin lolon importante liu ba ita? Hodi ema balu defende nia isin lolon hosi moris mai to’o mate virgem? Razão  hirak tuir mai ne’e bele clarifica dignidade isin lolon nian.

 

  • Maromak cria ema tuir nia ilas (Gen. 1,26)

Iha livro Génesis Maromak cria buat hotu iha mundo ne’e ho nia força iha liafuan. Nia dehan deit buat hotu mosu tuir saida mak Nia dehan. Ita ema Maromak cria laos ho liafuan, hodi Nia hatete deit, buat hotu mosu tuir saida mak Nia hatete, maibé Nia cria ita ema tuir ilas rasik, usa  liafuan “façamos”. «Façamos o ser humano à nossa imagem, à nossa semelhança, para que domine sobre os peixes do mar, sobre as aves do céu, sobre os animais domésticos e sobre todos os répteis que rastejam pela terra.» (Gen. 1,26). Ita ema nia isin lolon ne’e único no hetan nia folin bo’ot liu criação sira seluk. Atu cria ita ema Maromak usa  liafuan “Nós” no usa  verbo “fazer” iha terceira pessoa plural. Verbo “fazer” funciona hanesan “verbo pleno” nebé  liga diretamente ho força ou ação”. Ne’e katak Maromak cria ita nia isin lolon ho nia liman rasik, tuir semelhaça Maromak Santíssima Trindade nian.

Ita nia isin lolon ne’e karya agung Allah. Isin lolon ho sexualidade buat ida nebé  nia folin a’as liu buat hotu-hotu. Tamba   ne’e ita iha dever atu protege no hadomi nia. Maromak cria ita ema tuir nia ilas: mane no feto (Gen. 1,27). Isin lolon feto no mane lori ba communion personarum (persatuan pribadi-pribadi), hodi nune’e feto ho mane hadomi malu no saran a’an ba malu liu hosi isin lolon. Maske nune’e feto nebé  uluk Maromak cria hosi mane nia knosen sorin ikus mai halo sira nain rua monu ba sala, hodi halo isin sai mortal no corruptivel.

 

  • Pecado original

Pecado original mosu tamba   ema loko a’an. Sala tama iha mundo no isin lolon hetan castigo sai mortal eh corruptível. Ema lakon ona solidão ogirinal, no ema mos hahu sente moe ba experiência da nudez. Sentimento moe mosu tamba  tauk bainhira haré ema ida sebatas nia isin lolon ka haré isin hanesan objeto ida deit atu usa. Sala original no tendência sexual tama iha mundo hodi harahun ema nia epxriência solidão. Hanesan St. Agostinho hatete: <<ho sala original harahun tiha ema nia capacidade atu halo buat diak>>. Tamba   ne’e ema susar tebes atu halo relação diak ho Maromak no susar atu koko Maromak nia presença iha nia isin lolon. Nune’e mos halo ema susar tebes atu simu nia isin rasik nomos susar tebes atu simu ema seluk apa adanya.  

 

Isin lolon salvífico

Pecado orginal halo isin lolon monu ba sala hodi ema haré isin hanesan objeto ida atu usa . Sala orginal no desejo sexual harahun Original nakedness, Original solicitude, Original unity. Cristo fó hikas dignidade ba isin lolon no hodi isin lolon sai símbolu nebé  hatudu mistériu Maromak invisível sai visível iha isin. Cristo salva isin lolon ho nia terus, mate no moris. Liu hosi Kristu ita hetan bolu atu fila hikas ba Original solicitude, ba sentido  isin lolon no sexualidade nebé  lolos.

Tamba atu fo hikas dignidade no folin ba isin lolon, Cristo rasik iha mistério encarnação hola isin ida sai ema (Mt. 1, 18-25). No ho moris rasik Jesus foti hikas isin lolon nebé  mortal tamba   sala original, hodi fó fali dignidade bo’ot ho Nia terus, mate no moris hias iha Cruz tutun (Mt. 27, 32-44).

Tamba   ne’e isin lolon laos objeto ida atu usa , ema nebé  haré feto ida hodi hanoin a’at deit iha nia fuan laran, nia comete ona pecado (Mt. 5,28). Isin lolon mak templo Espírito Santo nian, nebé  simu hosi Maromak. No Maromak rasik mak hola isin lolon ne’e ho nia folin a’as tebes-tebes, atu hahí Nia liu hosi ita nia isin lolon (1Cor. 6,19-20).

 

Isin lolon iha nia sentido esponsal

Tuir Papa S. João Paulo II, sentido esponsal hosi isin lolon, mak “Sincere gift”. Papa S. João Paulo II iha nia preocupação bo’ot tebes-tebes konaba isin lolon. Nia dehan: <<isin lolon ne’e murak mean ida nebé  Maromak fó mai ita, nebé  iha nia ita hetan dignidade no vocação atu moris ksolok iha reino lalehan>>. Nune’e S. Francisco de Sales hatutan katak: <<ema mak cristão lolos Maromak nia, tamba   ne’e tenke hadomi nia isin lolon hanesan imagem viva hosi salvador encarnado.>>

Koalia konaba teologia isin, hahú ho Maromak cria ema, mane no feto (Gn. 1,27). Tuir Papa JP II: teologia isin nian hanorin nobreza domin Maromak nian liu hosi isin lolon, iha mane no feto. Isin lolon mak horik fatin Espírito Santo nian. Teologia isin nian lori ema hotu atu reflete idak-idak nia kelelakian no keperempuanan, hanesan imagem Maromak nian. Iha teologia isin nian Papa JP II koalia buat tolu nebé  importante :

  • Original solicitude

Maromak cria ema nu’udar pessoa única. No ema deit mak bele sente Maromak nia domin no prejensa, nomos komunika ho Maromak. Original Solicitude hatur iha ema saudades atu hetan nia pessoa lolos ho sexualidade difetrente. Hodi nune’e mane ida sei husik nia inan-aman no sei ba hamutuk ho nia fen hodi hodi isin ida deit  (Gn. 1,21-24).

  • Original unity

Uluk liu ita ema ne’e “one-fleh union”. Maromak cria tuir Nia ilas (Gn. 1,26), feto no mane (Gn. 1,27). Hodi sai isin ida deit (Gn. 2.24). Iha original unity iha buat rua nebé  importante: saran a’an no simu. Hodi lori ba hetan moris foun ida.

  • Original nakedness

Konaba Original Nakedness ema sempre komprende salah. Ema hanoin ba liu buat at no ema balu usa  hodi buka osan. Gn. 2, Original Nakedness hatudu ema nia “innocence” nebé  hatudu “a beauty of mutual self-gift of man and woman”.  Nebé  hatudu mos símbolu liberdade comunicativa, ho ida ne’e mak Original unity hetan nia plenitude iha Original Nakedness. Nebé  hatudu potência hosi pure love. Nune’e isin laos ona objeto ida atu usa  nomos laos usa  domin atu manipula ema nia isin.

 

Isin lolon ne’e símbolo; iha nia ita bele comunica ho Maromak. Hanesan símbolo iha isin lolon ne’e ita bele haré Maromak ida nebé invisível sai visível. JP II hatete: tubuh manusia itu nupsial. Artinya tubuh manusia itu memang dimaksudkan untuk cinta—dibentuk untuk berelasi.   

 

Conclusão

Maromak cria ita ema tuir Nia ilas rasik, feto no mane. Liu hosi isin lolon ne’e rasik Maromak tama iha ema nia realidade, atu salva ema hosi sala nia ukun no fó hikas isin lolon nia dignidade. Sala original halakon tiha ema nia capacidade atu halo buat diak. Maibé Maromak fó hikas glória ba isin lolon, liu hosi Cristo nia presença hola isin hanesan ema.

Labele usa  domin hodi manipula isin lolon. Telefone  4G nia folin la bo’ot liu isin lolon,  isin lolon laos objetu ida atu usa. Isin iha nia sentido  nupsial, nebé  revela Maromak invisível sai  invisível. Domin mos laos buat ida nebé  ready made, maibé sempre ‘becoming’ ba pessoa ida deit. Ema nebé usa isin lolon hanesan objeto ida nia contra lei divina nu’udar imagem Maromak nian, estraga nia a’an rasik, iha nia consequência ba maluk sira seluk no ba natureza.  

TOB hare sexualidade hanesan actus sacrum, nebé  lori iha nia a’an moris mai ema foun (procriação). Keta haluha katak in the beginning mane ida halo ba feto ida deit. No laos mane ida ba feto sira kedas. Ka feto ida ba mane sira kedas.

 

Leave a Reply

Your email address will not be published. Required fields are marked *