shadow
Diocese de Dili > NOTÍCIAS > Notícias > COMFIA IHA CRISTO ATU LAO BA OIN NAFATIN IHA OBIDIÊNCIA, POBREZA NO CASTIDADE

COMFIA IHA CRISTO ATU LAO BA OIN NAFATIN IHA OBIDIÊNCIA, POBREZA NO CASTIDADE

ITE DILI – Filha de Caridade e Servas dos Pobres Província de São José Timor-Leste, iha loron 15 de Setembro 2017, comemora Memória Nossa Senhora das Dores iha Paróquia Balide. Iha comemoração ne’e mos Me. Graciet da Silva Pacheco, FdCC simu mos Profissão Perpétua no 25 anos Moris Religiosa nian ba Canossiana Me. Ana de Araujo Sarmento, FdCC (Matebian), Me. Feliciana Maria Vaz, FdCC, Me. Rosa Bruno sarmento, FdCC no Me. Francelina Ximenes Freitas, FdCC.

Celebrante D. Virgilio do Carmo da Silva Bispo de Dili iha nia homilia hateten: Ohin Filha de Caridade Canossiana FDCC hasae agradece ba Maromak ba fidelidade Irmã sira nebé completa vida Religiosa tinan 25 (Bodas de Prata) nudar Religiosa no Profissão Perpétua. Evento rua ne’e hatudu kbiit Nai Maromak nian nebé continua halo mudança iha ita nia moris liu husi sira nain 3 ohin halibur hamutuk iha nee iha nebé consege nakfilak ema nia fuan ba moris laos ba ida nebé mai husi rai, ida nebé iha As lalehan nebé Nia naran santo teb-tebes. Nia nafatin halo história iha ita ema nia moris hodi bolu atu hamoris tamba Nia. tamba comvívio Maromak ninian manifestação Maromak nia domin. Wainhira Maromak hadomi Nia bolu atu halo hodi Nia hakarak.

Virgilio do Carmo da Silva Bispo haklean tan: Profissão Perpétua katak hateke ida ho domin no nakonu ho domin, ida nebé ita sente wainhira hahu hodi dehan SIM dahuluk ba Maromak. Hateke ida nebé nakonu ho domin mak ita boot ba buka atu comprende klean liu tan iha ita boot nia Aspirantado, Postulantado, Noviciado, Juniora, ikus mai ita boot koko tiha ona sai Madre nee oinsa midar ho nia moruk ne’e ita boot koko tiha ona iha tinan lobuk ida nia laran ikus mai ita boot hanesan São Pedro nebé dehan ba Jesus, Na’i ha’u sei ba los nebé, Ita de’it mak Liafuan Moris nian. Então Experiência Olhar Amoroso ida nee hakarak atu hela nafatin.

Virgilio do Carmo da Silva Bispo: Hau nia parabens ba Irmã Feliciana Maria Vaz no Irmã Francelina Ximenes durante tinan 25 nia laran la moe, la ses tamba sente atrai ba domin ida ne’e, Jesus nebé iha cruz Nia mak hanesan ita boot sira nia fuan ho imi Nia hateke ida nebe fo Força, fo coragem hodi ita boot nain rua persevera nafatin iha Cruz hun. Ita boot sira atrai ho hateke ida nebe mútua ba iha Cruz no Cruz ba iha ita boot sira, hateke ida nebé mak penetra ita boot sira nia fuan nebé obriga ita atu lao nafatin iha domin ida nebe ita hetan tiha ona tan nee mak fo sentido ba celebração ohin nian lao tuir tinan 25 ou atu hahu saran an tomak ba Maromak hodi moris, buka, hanoin no hadomi nafatin Cristo maske nunue ita moris iha mundo ida nebe continua fo pressão ba ita nia moris nudar ema consagrada. Pressão ne’e laos ema obriga ita maibe tamba ita moris iha mundo ida nebé dala barak halo ita nia opção ida nebé halo ita mos hanoin nafatin Maromak nee bolu duni hau ou sei iha buat seluk tan. Sai Religioso/a iha ohin loron nian mak halo profissão. Tan nee precisa sai ema nebé profissional iha ita nia amizade, ita nia moris, ita nia domin, hanoin ho Cristo no ita nia testamunha kona ba Cristo iha ita nia moris. Imi precisa besik liu tan ba Cristo hodi halo votos. Ita hotu iha nee partilha ho Irmã Graciet da Silva Pacheco nia Votos Perpétua no renovação Irmã nain 2 nian iha Cruz hun sira descobre tiha ona ksolok ida nebe extraordinário tamba domin nebé suli husi Jesus nia fuan no experiência nee mak lori sira atu fo sira nia SIM ba nafatin hanesan Maria. Irmã sira comfia nafatin iha Cristo atu lao ba nafatin iha obidiência, Pobresa no iha Castidade hanesan Cristo. Elemento tolu nee mak consiste no essencial ba religioso/a nian.(Ngl)

Leave a Reply

Your email address will not be published. Required fields are marked *