shadow
Diocese de Dili > NOTÍCIAS > OPINIÃO > HABITUS NO MALISAN

HABITUS NO MALISAN

Notas Simples husi ema simples ba Formação VII Governo Constitucional

Husi Mário de Oliveira Pires*

 

Prof. Jagdish Sheth hakerek ninia livro ida ho titulo : Self Destructive Habits, nune’e mos Prof. Rhanald Kasali hakerek ninia livro ida ho lian indonezia :”Awal dari Sebuah Kesulitan Besar”. Loos duni hahú husi ne’e hanesan buat ida nebé koalia kona ba “procura” ou buka ida ba nação ida ninia existência; halo hau liman katar hodi hakerek netik notas simples ida ne’e.

Ne’e mos katak iha mundo nebé composto husi composição nação lubuk ida nian ho sira ninia antecedentes nebé lahanesan, mai mos ho sira ninia sistema governação nebé lahanesan mos nebé deut malun iha quadro global nian nebé suku met-metin ho mercado livre hasulin ninia influencia lubuk ida nebé nadodon too iha Timór nebé maka ninia tinan foin maka hanesan batar ninia tinan.

Do’ok liu atu hare’e ba kotuk, la’os mós tarde ona atu fila ba kotuk hodi haree didi’ak fali evolução lubuk ida nebé maka mosu iha realidade Timór nian hanesan especificidade ida no mundo em geral. Maibé iha notas simples ida ne’e ha’u sei aborda de’it ba situação balun nebé acontece ona iha Timór no sei hatalik to’o ohin loron.

Nação hot-hotu iha mundo halo competição hodi halo buat hotu atu hetan naran morin ao mesmo tempo hatudu iha quadro mundial nian acontecimento terrivel sira nebé laduun de’it atu ema nebé rona, haree no lee isin fulun hamriik maibé ema hirak nebé rona, haree no lee bele moras bibi maten kedas. Hanoin ona katak wainhira moris bebeik iha situação ida hanesan ne’e; ema la livre, ema labele serviço, ema labele moris hakmatek.

Iha sorin seluk wainhira nação sira iha mundo preocupa buka no desenvolve sira ida-idak ninia nação Timór Leste sei hakdasak buka ninia identidade hodi hatuur ninia an tuir lolos buat nebé ema hotu hakarak, biar nune’e ba; Timór Leste mós tama iha gaiola foun politica “força trabalhadores” iha nação seluk hanesan Noregia, Inglatera, Australia, Correia do Sul no sira seluk tan. Timór lahanesan ona Japão nebé Nagasaki no Hirosima rahun, liurai Japão nian husu ona katak mestre nain hira maka sei moris maibé; oinseluk ho liderança Timór nian fo biban ba Timór oan tomak atu ba buka moris iha estrangeiro, biar rendimento ne’e fahe ba rua, tuir saida maka hakerek ona iha contrato trabalhadores nian.

Situação atual campanha eleitoral, talvez buat ida nebé profunda liu iha ita ninia história libertação nação nian, hanesan choque ida ba ita ninia sensibilidade hodi haree ba futuro ema Timor nian no tipo husi Timor Leste nian; atu oinsa maka ita harii. Hodi hatan ba ne’e hela kmanek tebes atu ita hanoin hamutuk ho Celso Furtado nebé ho frequência afirma nunca conseguimos realizar nossa auto-construção, porque forças poderosas internas e externas ou articuladas entre si sempre o tinham e têm impedido.

Efetivamente, iha ne’e forma duni bloco histórico no sei difícil hodi bele desmonta; uma vez que tempo revoluções, clandestina, funu ho frente sira liutiha ona; ne’e maka acontece katak acontecimentos historicos ne’e sei metin iha memoria no halo nafatin nostalgia iha tempo construção de estado ho ninia foco maka pensão vitalicia, veterano, idosos no Terceira idade, nebé viral tebes iha Timor Leste ba dadaun ne’e. Mudanças de orientação popular no social balun nebé maka introduz dadaun husi governo nebé troca ba malun kahur hamutuk ho geração foun nebé hanesan fali bombarbeadas ho canhões poderosos liu. Herdeiros ba Uma Boot Ai Tarak Laran no grupo do privilégio hetan duni soin no impõe projeto construção de Estado Timor Leste. Ne’e maka politica husi win-win solution. Nebé ho ninia princípios haat hodi sustenta projeto contrução de Estado : ne’e maka princípio comum humanidade katak ho ita ninia diferenças, ita forma an dadaun iha única humanidade ida, atu mantem nafatin iha unidade Nacional. Tuir kedas mai maka  princípio da comum socialidade: ne’e katak ser humano ne’e social no moris iha tipos de sociedades oi-oin nebé precisa respeita iha sira ninia diferenças. Datoluk nian maka princípio de individuação: mesmo social, cada ema ida iha direito atu afirma ninia individualidade no singularidade, sem prejudica ema seluk. Ikus liu maka princípio da oposição ordenada no criadora: diferentes bele opôr legitimamente maibe sempre iha ninia cuidado atu labele halo husi diferença ne’e sai desigualdade ida. Principio hirak ne’e maka implica ninia consequências éticas, políticas, econômicas no ecológicas nebé maka Timor Leste pertence ba.

Importante maka hahu : a partir de possbilidade tomak hodi organiza sociedade ida nebé diak, Nação ida nebé promete esperança iha nebé sei refere liu ba katak ema hotu sei coopera no partilha em vez de compete no acumula ilimitadamente. Ne’e maka condições básicas husi felicidade possível iha nação ida ne’e. Haree ba ne’e hamosu pormenores 4 hanesan liafuan chave ba habitus no malisan :

1. “la kleur liu custupado”

Custupado nebé hamosu ulun fatuk moras, isin malirin, mear no inus been. Loos duni custupado ne’e ninia kleur maka semana 2-3, liutiha ne’e laos ona custupado; hanesan ne’e mos campanha eleitoral nebé iha ninia duração semana 2-3; liu tiha ne’e povo muda topico ba iha moris bai-bain, agricultor nafatin, pescador nafatin, suru rai henek nafatin, pensão vitalicia lao nafatin. Biar promessa sira hela nafatin hanesan promessa. Informação sira nebé mosu malorek iha televisão, internet, media social sira, nune’e mos diario nacional sira, publica hanesan de’it , hafoin troca fali ninia topico. Haksesuk malun kona ba “povo ninia moris diak hili Partido …….A, halakon lei pensão vitalicia hili Partido B….. hametin soberania Timor nian hili Partido C mesmo que (PN) Patrão Nacional sira nebé koalia ne’e maka ukun kleur iha Timor. Ne’e hotu mout derepente iha ksolok ida hanaran CADEIRA ( Cadeira Alas Doit, Emboot Ilas Riku An) seidauk tan koalia kona ba ZEEMS no Supley Base, no halo uma gratuito too promoção musica Timor Leste nian sei famoso iha nação seluk. Se hanesan ne’e, iha netik isu nebé maka ninia kleur ne’e liu semana 3 ? “Iha” ho hanesan resposta simples wainhira ninia ai sasik iha dadersan too kalan seidauk iha ninia resposta, ai sasik ne’e iha ema balun maka sei tau hela iha cofre”. Haree fali isu sira nebé informado, inclui ataque pessoal sira hasoru autór transformador sira. Quanto mais coluna sira hanesan ne’e hakerek ona iha virus comentator FB nian, sai heran tiha fali…!!!

2. Resistance in Dangerous Times (princípio da comum socialidade)

Foti conceito Resistance in Dangerous Times husi Fiona Jeffries ninia livro ida ho titulo Nothing to Lose But Our Fear: Resistance in Dangerous Times
nebé publica iha tinan 2015. Iha livro ne’e Fiona Jeffries halo compilação husi entrevista nebé nia halo ona, nebé no fundo no fundo  Nothing to Lose But Our Fear: Resistance in Dangerous Times, maka biban ida oinsa maka explora conhecimento no organiza an hodi contra opressão iha ambiente de vigilância ida, paranóia no medo público nebé malorek (explores how to understand and organize against oppression in an environment of surveillance, paranoia, and pervasive public fear). “Fear is deployed as a technology of political discipline,” hanesan Jeffries hateten. Tamba ne’e pergunta nebé mosu wainhira ho antecedente nebé maka iha insegurança sistêmica global, ne’e maka : “oinsa hanoin critico no produtivamente hakat iha mundo nebé tauk mos sasurut”? oinsa mos ho contexto Timor nian; tauk mos sasurut ema Timor ninia fuan matan ?

Iha ne’e ladehan katak ema hotu nebé halo comentario negativo ne’e tauk ba transformação. Maibé tem que simu katak iha esforço tranformação no resultado transformação nian sempre iha no hasoru perdedor (sira nebé lakon). No perdedor ( loser) nebé hakarak dehan maka ema hirak nebé saboreia tiha situação ohin loron nian, nebé ikus mai sai ema nebé esforço makaas tamba tauk lakon, ema seluk troca, moe ou bele mos tamba rivalidade. Loos duni, ema hirak nebé influenciado mos; nafatin fiel ba sira ninia profissão, koalia negativo tamba persfectiva academico no hasai lian kona ba vizão sentimental. Ida ne’e mosu bebeik tamba ninia contexto laperfeito, kotu iha klaran ou sai ema nebé lasimu tamba ninia consepto hakoi lakon tiha ho situação rivalidade. Sira laos de’it ema aat(penjahat), maibe koko nafatin atu hamenus lialoos hotu ho tom arrependimento ida ou viceversa. Seidauk tan curiculum educação nian nebé atu incere mos lingua materna sai tiha hanesan naan tetak iha debate publico sira nebé liu ona no dadaun ne’e tama mos iha concepto eleitoral nian hodi hamaus povo ou bele mos laos ona public speaking; iha canpanha eleitoral. Bele nune’e mos “partido eleitoral” nebé rame-rame halo campanha eleição ho lei eleitoral nian nebé foun mos sei halo katak partido balun sei lulun biti fila uma, toba mas que ladukur. Ida hanesan ne’e maka Resistance in Dangerous Times. Tamba sei iha ninia colaboração hodi hamosu autor politico sira, ema hirak nebé sei foti decisão strategico, sai assesoria iha area desenvolvimento humano, infraestrutura, economia, no seluk tan. Tamba transformação precisa esforço complementariedade, laos substituição. Dala ida tan, hanesan banheira de hidromassagem, bele atrai ema diak sira hotu, profissionais / cientistas, atu nune’e bele iha fluxo ba bee matan.

3. Fernando La Sama Aroujo, ZEEMS no Suai Suplay Base (Revira Volta ida ba princípio comum humanidade)

Ne’e hanesan história nebé ema haluha, rona kois-kois maibé anotação nebé mosu iha ne’e katak ZEEMS mai husi concepto Zona Franca, mosu fofoun iha tinan 2009, Fernando La Sama nu’udar Presidente PN foti processo ida atu loke “Zona Franca” ida ba economia iha Timor-Leste atu sai odamatan ba CPLP hodi tama ASEAN. La Sama nia hanoin harii Zona Franca iha Timor-Leste, hahu manan forma ho visita Presidente Fundação Lusitânia para o Desenvolvimento (FLD), Dr. Rogério de Matos e Guimarães, no Professor Catedrático, António Pinto Barbedo de Magalhães, husi Universidade do Porto, mai iha Timor-Leste, iha tinan 2011.( Artigo Pe. Martinho Gusmão nian nebé publica iha forum haksesuk iha loron 17 de Maio de 2016). Hau mos bele hanoin saida maka acontece se hanoin kona ba Zona Franca ne’e lamosu então ZEEMS mos bele lamosu karik, ou tamba ema barak nebé hatene ona internet hodi buka iha google ne’e maka mosu fali ZEEMS, bele mos tamba hatters sai ona profissão ida nebé ema bele selu, nune’e bele halo katak desemprego sira mos bele sai consultor media nian; nune’e bele hacker tiha buat foun hanesan ZEEMS lori tom-tomak ninia miniatura sira ba iha Oecusse sai zona especial nebé laos ona zona franca. Tamaba Zona Franca nee ba Timor tomak laos Oecusse de’it.

Dalaruma “matebian La Sama” mos mehi aat iha momento nebá to’o ohin loron mos sei mehi aat; tamba tetu ba dasi hanesan de’it ho suplay base suai nebé fofoun “ La Sama” ba hasoru fatuk, tolok, hakilar no simu tarata barato sira nune’e mos sukat ho ninia esforço tomak hodi mate ba knaar nebé nia simu, ikus mai naran “La Sama” mout lakon lahanaran naran “La Sama” iha naran fatin importante ida iha suplay Base Suai, la sura ninia kolen maibé “La Sama” sai heroi naran laek no exemplar katak “ hau ninia dignidade la aas liu nação ninia dignidade”

Loos duni, ascentuação ida nebé metin katak, transformação ne’e precisa tebes vontade transformador; ne’e katak : iha coragem atu halo avanços, halo controla ba investimento, halo mitigação ba risco (laos halai) no modelo serviço nebé creativo. Ba nune’e maka ninia resultado bele mosu katak laiha buat ida maka ita hetan sem serviço makaas. Hetok sa lerek maka claro loos iha mundo ne’e ? Loos ! mate de’it maka buat ida claro. Maibe entre moris ne’e rasik iha moris no moris ne’e rasik mos tem que hasoru laos tauk sem esforço atu halo. Ema ida-idak nebé haree telivisão iha raciocínio. Maibé, labele hanoin katak sira nebé maka serviço hodi foti decisão sempre serviço sem considerações. Se expetador nebé hanoin de’it atu obriga an tuun ba campo laran, então laiha jogador nebé interesante. Diak liu dissolve tiha expetação ne’e.

Nune’e too bainhira loos maka haksesuk malun ? claro katak, se ida ne’e natural, nia sei too de’it semana 2-3, hanesan ne’e maka inus been tun sae. Se vitima husi inus been ne’e descansa suficiente, hemu bee barak no ninia resistência isin nian diak fali, nia sei diak ninian rasik. Kona ba virus, lalika hakiak keta halo ba daet fali………..!!!!! se ninia tempo kleur, ita sei hatene saida maka loloos ne’e mosu.

4. Laconsegue entende (princípio de individuação)

Sei sai loos sa, se ita laconsegue entende ninia contexto ? ita sei labele haree didiak, foco sira mos laloos, no ikus mai la entende tomak tiha de’it. Se too ona iha consequencia ida ne’e sei fo resultado nebé aat hotu. Hau koko atu usa ilustrasão. Katuas ida husu ba labarik feto ida nebé bonita nebé tuur se oin ba malun iha mesa hotel nian. “Nonoi, se hau usa kalan ida, folin hira ?” nonoi bonita ne’e hatan, “$ 5. 00.” Saida maka mosu iha ita ninia hanoin wainhira rona; husu no hatan iha conversacão ne’e. Se hanoin nebé haliis oituan, contexto nebé mosu maka dalaruma transação sexual. Afinal das contas conversa ne’e kona ba quarto hotel nian. Tamba rai kalan ona atu descansa.

Lahanesan, loos be sa ! hau gosta halo ilustrasão. Tamba ne’e mosu tan ilustrasão kona ba inan aman nebé hatene contexto. Inan aman nebé idade avançado ona ne’e; iha ninia oan feto bonita ida. Ninia idade nebé soin atu mane ida tama uma(dilamar). hafoin, mosu mai ema nain tolu nebé hatama proposta. ida uluk serviço hanesan condutor Bemo 010, daruak ne’e hanesan Securiti Gardamor. Ikus liu maka universitario finalista iha faculdade Economia UNTL nian. Se maka nonoi bonita ne’e sei hili ? Ba sira nebé ladun entende contexto no ninia vizão nebé dook ho de’it tinan ida ou rua nia laran ba oin, dalaruma lahili condutor então hili maka securiti ne’e ona; tamba sira nain rua ne’e iha ona vensimento ful-fulan nian hodi hamahar dadaun carteira; ao passo que universitario ne’e seidauk iha vensimento, carteira laran mamuk hela; nakonu ho foto mantan” nian. Fim de semana de’it mos husu osan ba inan aman hodi viagem ba Cristo Rei. Maibé, se hanesan ema nebé sabio, entende contexto no iha vizão nebé dook ba oin, facil loos maka ne’e…… iha ikus mai mosu situação “um beco sem saida” iha formação VII governo constitucional.

5. princípio da oposição ordenada no criadora

Lia ikus

            Se diak liu compromete atu laos habitus tuan maka empata ema ninia vontade transformador hodi tauk ba malisan nebé tuir loloos la acontece tan. Tamba tuir loloos ne’e moris nafatin iha habitus historico nebé hamosu fali malisan ne’e maka certamenta MALISAN puro liu, hodi hela nafatin iha fragilidade ninia laran.

*Hakerek nain hanesan jornalista Rádio Timor Kmanek no estudante iha ISFIT Dom Jaime Garcia Goulart, Fatumeta, Dili Timor Leste.

Leave a Reply

Your email address will not be published. Required fields are marked *