shadow
Diocese de Dili > NOTÍCIAS > LETURA DIÁRIA > Quarta-Feira, XXIII Semana Tempo Comum

Quarta-Feira, XXIII Semana Tempo Comum

ANO A

 

Primeira Leitura                                                Col. 3:1-11

Lia housi São Paulo nia surat ba sarani sira iha Colossos

Maun alin sira: kona ba feto kloan sira ne’ebe mak la kabèn, ha’u seidauk simu ukun fuan ruma husi Na’i. Maibè, ha’u bele fò conselho ruma tan Na’I laran-luak haraik biit mai ha’u. Ne’e duni, ha’u hanoin kona ba buat ne’ebe di’ak ba klosan sira, tanba susar tempo ne’e nian. Di’ak liu ba ema, hela nafatin hanesan nia hela oras ne’e. Ò kàben ona? Keta buka haketak-an housi nia. Ò seidauk kàben? Keta kàben. Maibè, ò kàben karik, ò la sala;feto foin sae kabèn karik mos la sala. Maibè, sira ne’e sei koko mundo nia lalaok sira, Ha’u hakarak atu hado’ok imi housi lala’ok mundo nian.

Maun-alin sira: Buat ha’u atu hateten ba imi katak tempo badak hela. Houri ohin ba oin, ema sira ne’ebe kàben moris hanesan la kàben; sira ne’ebe tanis, hanesan la tanis, sira ne’ebe haksolok, hanesan sira ne’ebe la haksolok; sira ne’ebe sosa, hanesan sira ne’ebe la iha riku soi; sira ne’ebe fila liman hanesan la fila liman. Basà mundo ida ne’e liu lalais daudaun.

Na’i nia futar Lia.

 

Salmo responsorial                                           sal.44(45):11-12,14-15,16-17 (R.cf.11a)

Refrão : Rona hodi hakru’uk iha Na’i Nia oin. Repete-se

  • Ha’u oan, feto rona ba, hare didi’ak ba,

          Haluha ó nia povo, no ó aman nia uma;

          Liurai haksolok ho ó nia kmo’ok,

          Nia mak ó Na’i, hakru’uk iha Nia oin. Refrão

 

  • Liurai oan feto tama, oin kmo’ok no kmanek,

          Hafutar-an ho mor’teen no murak’

          Sira lori nia ba liurai nia oin

          Fetoran sira be nia belun tuir nia. Refrão

 

  • Ho ksolok no ho laran badinas,

          Sira tama iha liurai nia kadunan.

          Ó oan sira sei hela iha ó aman sira fatin,

          Ó sei halo sira liurai oan iha rai tomak. Refrão

 

 Aclamação

Refrão : Aleluia, Aleluia! Repete-se

                  Na’i dehan, imi haksolok ba,

                  basá imi nia kolen ua’in tebes iha lalehan. Refrão

 

Evangelho                                                                                                           Lc. 6:20-26

Na’i jesus cristo nia evangelho tuir São Lucas

Iha tempo ne’eba, Jesus foti tia matan ba nia escolante sira, nia dehan: “Ksolok ba sira ne’ebe kaik, basá Maromak nia reino imi nian. Ksolok ba sira ne’ebe ohin hamlaha, basá imi sei bosu. Ksolok ba sira ne’ebe ohin tanis, basá imi sei hamnasa. Ksolok ba imi wainhira ema hirus imi, waimhira ema duni sai imi, hotar imi, hewai imi nia naran hanesan buat aat, tan de’it oan mane. Iha loron ne’eba haksolok ba hodi haksoit ho laran ksolok, basá imi nia kolen boot tebes iha lalehan. Nune’e mak sira nia aman sira halo ba profeta sira. Maibe susar ba sira ne’ebe riku, basá imi hetan ona imi nia ksolok. Susar ba imi ne’ebe ohin bosu hela. Basá imi sei hamlaha. Susar ba sira ne’ebe ohin hamnasa, basá imi sei halerik no tanis. Susar ba imi wainhira ema hotu ko’alia di’ak kona ba imi, basà imi nia bei ala sira mós nune’e ba profeta falso sira.”

Lia Maksoin.

Leave a Reply

Your email address will not be published. Required fields are marked *