shadow
Diocese de Dili > NOTÍCIAS > LETURA DIÁRIA > Quinta-Feira, XXIII Semana Tempo Comum

Quinta-Feira, XXIII Semana Tempo Comum

ANO A     

                                                                                         

Primeira Leitura                               Col. 3:12-17

Lia housi São Paulo nia surat ba sarani sira iha Colossos

Maun alin sira : Nu’udar ema sira ne’ebe maromak fihir oan, ne’ebe santo no Maromak hadomi, tau laran luak, laran maus, haraik-an, laran sadia no paciência nu’udar imi nia hatais. Simu malu didi’ak, tahan malu wainhira imi iha buat ruma hasouru ema seluk. Imi sei perdua malu nu’udar Na’i fó perdua oan imi. Iha sira ne’e hotu nia leten,tau tan domin ne’ebe kesi metin sira seluk atu sai buat furak ida de’it. Husik Cristo nia dame ukun imi nia fuan,basá tan ne’e mak Maromak bolu imi nu’udar liman-ain isin lolon ida de’it nian. Fó agradece nafatin.

Halo Cristo nia lia menon iha nia rikusoin tomak hela iha imi laran. Hanourin malu ba, fo lia fuan di’iak ba malu ho matenek tomak, no fo agradece nafatin, hananu salmo no knananuk ho laran ba Maromak; keta halo buat ruma eh dehan buat ruma la hhodi Na’i Jesus nia naran, hodi fó agradece ba Aman Maromak housi nia.

Na’i nai futar Lia.

 

Salmo responsorial                                                                Sal. 150:1-2,3-4,5-6(R.cf.6)

Refrão : Buat hotu be moris no dada iis, hahi Na’i. Repete-se

Ou         : Aleluia…

  • Hahi Na’i iha Nia santuário

          Hahi Na’i iha nia horik fatin kmo’ok Lalehan

          Hahai Na’i tan matenek wa’in be nia halo

          Hahi Na’i tan Nia biit-liurai be rohan laek. Refrão

 

  • Hahi Nia ho trombeta nia lain

          Hahi nia lira ho cítara lain,

          Hahi nia hodi bidu ho ksolok’

          Hahi Nia ho harpa no flauta lian. Refrão

 

  • Hahi Na’i,

          Hahi Nia ho címbalos nia lian;

          Hahi Nia ho música címbalos nian,

          Buat hotu ne’ebe dada iis hahi Na’i. Refrão

 

Aclamação                                                                                                           1Jo.4:12

Refrão : Aleluia, Aleluia! Repete-se

                 Ita hadomi malu karik Maromak horik ho ita no Nia domin

                 sai tuir lolós iha ita. Refrão

  

Evangelho                                                                                                                Lc. 6:27-38

Na’i Jesus Cristo nia Evangelho tuir São Lucas

Iha tempo, ne’eba jesus lia tun ba escolante sira, nune’e: “Ha’u dehan ba imi sira be rona dadaun: Hadomi imi nia funu baluk sira, halo di’ak ba sira be hirus imi; Fó bensa ba sira be fó malisan ba imi, harohan ba sira ne’ebe ko’alia aat ba imi; ba ida ne’ebe basa ó nia hasan ida,fó tan ó nia hasan seluk; ba ida ne’ebe hadau ó nia unuk,fó tan ó nia hatais; ba ida ne’ebe husu buat ruma, fó ba; ba ida ne’ebe hola ó nia sasan sira, keta husu fali. Nu’udar imi hakark ema halo ba imi, halo mos nune’e ba sira. Imi hadomi karik sira ne’ebe hadomi imi, imi soi saida? Ema maksalak sira mós hadomi sira ne’ebe hadomi sira. Imi halo di’ak karaik ba sira de’it ne’ebe halo di’ak ba imi, imi soi di’ak sá? Ema maksalak sira mós impresta, hodi hein hodi simu fali nia folin. Maibé hadomi imi nia funu baluk sira ba, halo di’ak no impresta hodi la hein atu simi fali buat ida. Nune’e imi nia kolen sei sai boot teb-tebes: imi sei sai Na’i as liu hotu nia oan, basá Nia laran di’ak ba ema aat no ema laran aat sira.

Buka sai ema laran luak hanesan imi nia Aman laran luak. Keta hanoin áat ema, no ema sei la hanoin aat imi: keta duu matak ema, no ema sei la duu matak imi. Fó perdua ba, no imi sei hetan perdua. Fó ba no imi sei simu; ema sei tau ba imi liaman buat di’ak barak, hanehan tun, doko tan to’o naresin. Basá imi sura oin sá ba ema, nune’e mos ema sei sura ba imi.”

Lia Maksoin.

Leave a Reply

Your email address will not be published. Required fields are marked *