shadow
Diocese de Dili > NOTÍCIAS > LETURA DIÁRIA > Sábado, XXIII Semana Tempo Comum

Sábado, XXIII Semana Tempo Comum

ANO A

 

Primeira Leitura                                    1Tim. 1:15-17

Lia housi São Paulo nia primeira surat ba Timóteo

Oan doben: imi bele fiar ne’e no ema la bele heli lia katak: Jesus mai iha mundo ne’e atu soi ema maksalak sira. Iha ema maksalak sira ne’e, ha’u mak boot liu. Tan ne’e Maromak hatudu nia laran luak mai ha’u, atu iha ha’u, ema maksalak boot liu, Jesus Cristo bele hatudu nia paciência rohan laek ba ema seluk hotu ne’ebe fiar iha nia atu to ba moris rohan laek. Ba liurai rohan laek ne’e, Maromak mesak ida de’it ne’ebe sei la mate no matan la hare, ba Nia naran boot no glòria tinan ba tinan nafatin. Amen.

Na’i nia futar Lia.                      

 

Salmo responsorial                                                           sal. 112(113):1-2,3-4,5a,6-7 (R.2)

Refrão : Rahun di’ak ba Na’I Nia naran ba nafatin. Repete-se

  • Atan sira Na’i nian, hahi Na’i,

          Hahi Na’i nia naran,

          Rahun di’ak ba Na’i nia naran

          Tinan ba tinan. Refrão        

 

  • Housi dader to’o loron monu,

          Hahi nafatin Na’i nia naran;

          Na’i ukun povo hotu,

          Nia glória iha lalehan tutun. Refrão

 

  • Tanesan sé Na’i, ita Maromak.

          Be hakruuk housi leten atu haré lalehan no rai,

          Nia foti housi rai, ema sira be kiak, hodi halo sira tur hamutuk

          Ho ulun sira povo nian. Refrão

 

Aclamação                                                                                                         Jo.14:23

Refrão : Aleluia, Aleluia! Repete-se

Na’i dehan, ema sé hadomi Ha’u, sei halo tuir Ha’u nia

Liafuan; Ha’u Aman sei hadomi nia, Ami sei mai hela ho nia. Refrão

 

Evangelho                                                                                                        Lc. 6:43-49

Na’i Jesus Cristo nia Evangelho tuir São Lucas

Iha tempo neba, Jesus dehan ba escolante sira; “La iha aihun di’ak nebe fó fali fuan áat, eh aihun áat nebe fó fuan di’ak. Ema bele hatene aihun ida-idak housi nia fuan: ema la ku’u ai figueira nia housi aitarak sira, eh uvas fuan housi ai fuik. Ema di’ak hasai buat di’ak housi nia laran di’ak, ema áat hasai buat áat housi nia laran áat. Ema nia ibun ko’alia housi buat nebe hakonu nia fuan.”

“Tansá imi bolu ha’u ‘Na’i, Na’i’, maibe la halo tuir buat nebe Ha’u hateten? Ema nebe besik Ha’u no rona hodi halo tuir Ha’u nia liafuan, Ha’u sei hatudu ba imi ema ne’e hanesan sá lós? Nia hanesan ema nebe hari uma ida: nia ke’e kle’an, hodi tau nia hun iha fatuk leten; uanhira mota sai boot, be baku hasouru uma ne’e, maibe la bele sobu, basá hari iha fatuk leten. Maibe ida nebe rona hodi la laho tuir, nia hanesan ema nebe hari tiha uma ida iha rai leten, hun metin la iha. Uanhira mota sai boot no be baku hasouru nia, uma ne’e monu kedas, sobu rahun áat liu.”

Lia Maksoin.

Leave a Reply

Your email address will not be published. Required fields are marked *