shadow
Diocese de Dili > NOTÍCIAS > LETURA DIÁRIA > Segunda Feira, XXIII Semana Tempo Comum

Segunda Feira, XXIII Semana Tempo Comum

ANO A

 

Primeira Leitura                                 Col. 1:24-2:3

Lia husi São Paulo nia surat ba sarani sira iha Colossos

Maun alin sira: Ohin ha’u haksolok uainhira Ha’u terus tamba imi; ha’u halo lós iha hau nia isin lolon buat nebe sei kuran hela ba Cristo nia terus tan nia isin, katak Kreda. Basá ha’u serbi Kreda, basa Maromak saran tiha mai ha’u knar ida atu hala’o nia hakarak kona ba Kreda. Ha’u koalia kona ba plano nebe ema hanoin la bele to’o, nebe husi otas ba otas, rai subar hela, no nebe ohin Maromak fó sai tiha ba nia Santo sira.

Maromak hakarak fó hatene ba sira ne’e Nia plano rikusoi no glória nian, nebe ema nia hanoin la bele to’o, nebe rai hela ba gentio sira: katak Cristo rasik nebe hela iha imi leet mak esperança Maromak Nia glória nian.

Ne’e mak buat nebe ami haklaken. Ami fó sai no hanourin ba ema hotu matenek lolós, hodi hakarak katak ema hotu bele sai ema lolós iha Cristo. Tan ne’e mak ha’u serbisu no haka’as an ho Cristo nia kbiit nebe moris maka’as iha ha’u laran.

Husik ha’u dehan ba imi oinsá hu serbisu maka’as ba imi no ba sira iha rai Laodieceia no ba sira seluk nebe la hatene ha’u. Ha’u halo ne’e atu sir abele heta aten barani no bele halibur hamutuk iha domin; nune’e sira bele laran metin teb-tebes tan matenek no hatene lolós Maromak nia mistério, katak Cristo; iha Nia mak subar hela matenek nia rikusoi tomak.

Na’i Futar Lia.

 

Salmo responsorial                                                                               Sal.61(62):6-7,9(R.8a)

Refrão : Maromak ha’u maksoin no ha’u glória. Repete-se

  • Ha’u klamar hetan hakmatek iha Maromak,

          Basá, ha’u laran metin ba Nia,

          Nia ha’u heli an fatin no maksoin;

          Ha’u nia kota; ha’u sei la ta’uk buat ida. Refrão

 

  • Na’i Nia povo,

          Iha tempo hotu, tau laran metin iha Nia,

          Hasai imi fuan nia todan iha Nia futar oin,

          Na’i mak ita nia subar fatin. Refrão

 

Aclamação                                                                                                    Jo. 10:27

Refrão : Aleluia, Aleluia! Repete-se

                  Ha’u Nia bibi sira rona Ha’u lian, Nai lia tun;

                  Ha’u hatene sira, sira mai tuir Ha’u. Refrão

 

Evangelho                                                                                                       Lc. 6:6-11

Na’i Jesus Cristo nia Evangelho tuir São Lucas

Iha tempo neba, iha loron sábado ida Jesus tama iha sinagoga hodi hanourin. Iha neba iha ema ida ho liman lós mate. Escriba no fariseu sira hateke hela ba Nia atu haré Nia sei fó isin di’ak iha loron sabádo ka lae, atu nune’e sira bele hetan lia ruma hasouru Nia. Maibe, tan hatene ona sira nia hanoin, Nia dehan ba ema liman lós mate ne’e: “hamriik ba, mai iha klaran!” Nia mai hamriik duni. Tuir mai Jesus dehan ba sira: “Ha’u husu imi: iha loron sábado, bele halo di’’ak eh halo aát, soi ema nia moris k halo a’at nia?” Hafoin, hateke hale’u ba sira hotu, Nia dehan ba ema ne’e: “Lolo ó nia liman ba!”

Nia lolo duni, nia liman sai di’ak fali. Sira laran nakali, hodi ko’alia ba malu atu halo oin sá lós ho Jesus.

Lia Maksoin.

Leave a Reply

Your email address will not be published. Required fields are marked *