shadow
Diocese de Dili > NOTÍCIAS > LETURA DIÁRIA > Sexta-Feira, XXIII Semana Tempo Comum

Sexta-Feira, XXIII Semana Tempo Comum

ANO A

 

Primeira Leitura                             1Tim. 1:1-2,12-14

Lia housi São Paulo nia primeira Surat ba Timóteo

Paulo, Jesus Cristo nia apóstolo tanba Maromak, ita maksoin, no tan Jesus Cristo, ita nia esperança; ba Timóteo, ha’u nia oan lolós iha fiar: Amam Maromak no Cristo Jesus, ita Na’i, haraik graça, laran di’ak no dame ba ó. Ha’u agradeçe ba Cristo Jesus ita Na’i ne’ebe haraik biit mai ha’u, basá Nia hare ha’u laran metin hodi bolu ha’u atu serbi Nia, maske uluk ha’u hatete áat Maromak no halo áat no hateten liafuan áat ba Nia. Maibé Na’i hatudu nia laran luak mai ha’u, tanba ha’u halo buat hotu hodi la hatene kona ba fiar. Tebes, ita Na’i nia graça barak liu, hodi hakonu ha’u ho fiar no domin iha Cristo Jesus.

Na’i nia futar Lia.

 

Salmo Responorial                                                          sal. 15 15(16): 1-2a,5,7-8,11 (R.5

Refrão : Na’i, ita mak ha’u nia liman-Rohan. Repete-se

  • Tahan ha’u, Na’i tan ita ha’u nia heli-an fatin,

          Ha’u dehan ba Na’i, “Ita ha’u nia maromak”

          Na’i ita ha’u nia liman-rohan no cálice

          Ha’u nia moris iha ita nia futar liman. Refrão

 

  • Ha’u sei hahi Na’i tan nia mak ha’u nia mahein,

          Iha kalan nia fó lia menon mai ha;u neon,

          Na’i iha fatin ha’u matan nia oin,

          Na’i iha ha’u sorin kuana, ha’u sei la monu. Refrão

 

  • Na’i, hatudu dalan moris nian mai ha’u,

          Haraik ksolok boot iha ha’u futar oin,

          Iha ita sorin kuana,

          haksolok ba nafatin. Refrão

 

Aclamação                                                                                                  Jo. 17:17b,a

Refrão : Aleluia, Aleluia! Repete-se

                 Ita liafuan, Na’i, mak lialós tebes;

                 hametin ami iha lia lós. Refrão

 

Evangelho                                                                                                      Lc. 6:39-42

Na’i Jesus Cristo nia Evangelho tuir São Lucas

Iha tempo ne’eba, Jesus dehan aiknanoik ne’e ba escolante sira: “Ema matan delek ida bele hatudu dalan ba ema delek seluk? Sira nain rua la monu hotu ba rai kuak laran? Escolante ida la bele sai boot fali nia mestre, basá escolante di’ak sei halo hanesan nia mestre. Tan sá ó hare ai rahun iha ó nia maun eh alin nia matan, maibé la hare ai kabelak iha ó nia matan rasik? Oin sa ó bele dehan ba ó nia maun eh alin: “Maun eh alin, husik ha’u hasai ai rahun housi ó nia matan, maibé ó la hare ai kabelak iha ó nia matan rasik? Laran makerek. Hasai uluk lai ai kabelak housi ó nia matan, hafoin ó sei bele hare momós atu hasai ai rahun housi ó nia maun eh alin nia matan.”

Lia Maksoin.

Leave a Reply

Your email address will not be published. Required fields are marked *