shadow
Diocese de Dili > NOTÍCIAS > LETURA DIÁRIA > Terça-Feira, XXIII Semana Tempo Comum

Terça-Feira, XXIII Semana Tempo Comum

ANO A

Primeira Leitura                               Col. 2:6-15

Lia housi São Paulo nia Surat ba sarani sira iha Colossos

Mau alin sira: tanba imi simu ona Cristo Jesus nu’udar Na’i, haka’as an atu moris iha Nia. Halo imi nia abut naruk iha Nia; hari imi nia moris iha Nia, no sai maka’as liu tan iha imi nia fiar, nu’udar ema hanourin imi. Fó agradece nafatin ba.

Haré ba katak ema ida la halo imi sai atan hodi lohi imi ho liafuan nebe mai housi matenek ema nian, no housi neon sira nebe ukun mundo ne’e, la’os housi Cristo. Basá Maromak nia An tomak hela iha Cristo, nu’udar ema, no imi simu ona moris lolós tomak hamutuk ho Nia nebe liu biit na’in no ukun na’in sira hotu.

Iha Cristo mak imi simu cricuncisão, laos circunsão nebe ema halo, maibe circunsão nebe Cristo rasik mak halo, katak Cristo hasai imi housie ma maksalak nia ukun. Basá uanhira imi simu baptismo, imi hakoi tiha ona hamutuk ho Cristo, no iha baptismo mak imi moris hi’as tanba imi nia fiar iha Maromak nia biit nebe maka’as, nebe halo Nia moris hi’as housi mate. Uluk, imi mate iha imi nia klamar tanba imi nia sala, no tanba imi nia gentio nebe ukunfuan la iha. Maibe Maromak kasu tiha ita nia sala tomak. Nia kasu tiha naran fo’er ita nia lisa nian housi ukunfuan nebe kesi ita, hodi halakon nia tomak uanhira Nia hedi nia iha Cruz. Iha Cruz ne’e; Cristo hasai nia housi biit na’in no na’I ulun sira nia ukun; Nia hamoe sira hodi halo sira sai dadur na’in uanhira Nia manan sira.

Na’I Nia Futar Lia.

 

Salmo responsorial                                                    sal. 144(145):1-2,8-9,10-11(R.cf.9a)

Refrão : Na’I di’ak ba criatura tomak. Repete-se

  • Ha’u hahi Na’i, ha’u nia Maromak, ha’u nia Liurai,

          Ha’u hahi nafatin Ita naran.

          Kalan loron ha’u hana’I Ita,

          Hahi nafatin Ita naran. Refrão

 

  • Na’i laran maus no laran di’ak,

          La rai hirus, perdu nafatin.

          Na’i hatudu laran di’ak ba ema tomak,

          Hadomi nafatin Nia criatura tomak. Refrão

 

  • Na’i, criatura hotu hana’i Ita;

          Ema sarani sira hahi Ita.

           Sira haklaken Ita reino Nia glória,

           Haklaken kmanek sira b Ita halo. Refrão

 

Aclamação                                                                                                        cf.Jo. 15:16

Refrão : Aleluia, Aleluia! Repete-se

                 Ha’u mak hili imi hodi haruka imi ba atu bele fó fuan no

                 Imi nia fuan bele hela ba nafatin. Refrão

 

Evangelho                                                                                                           Lc. 6:12-19

Na’i Jesus Cristo nia Evangelho tuir São Lucas

Iha loron hirak neba, Jesus sa’e ba foho ida atu harohan; kalan tomak Nia harohan ba Maromak. Iha dader, Nia bolu nia An escolante sira, hodi fihir housi sira leet na’in sanulu resin rua nebe hanaran ‘APÓSTOLO’ Simão, nebe Nia hanaran Pedro, ho nia alin Andrée; Tiago, João, Filipe ho Bartolomeu; Tomé; Tiago, Alfeu nia oan; Simão nebe hanaran Zeloso; Judas, Tiago nia oan, Judas Iscariotes nebe sei saran Nia.

Tun tiha hamutuk ho sira, Jesus tur iha rai tetuk ida. Iha neba escolante barak ho tan ema lubun boot housi rai Judeia tomak, housi Jerusalém no housi tasi ibun Tiro no Sidónia nian, mai atu rona Nia no mós atu hetan isin di’ak housi sira nia moras no sira nebe espírito fo’er sira book, no sira hotu hetan di’ak. Sira hotu buka atu kona nia, basá biit sai housi Nia hodi fó isin di’ak ba sira hotu.

Lia Maksoin.

Leave a Reply

Your email address will not be published. Required fields are marked *