shadow
Diocese de Dili > NOTÍCIAS > LETURA DIÁRIA > Segunda – Feira, XXIV Tempo Comum

Segunda – Feira, XXIV Tempo Comum

ANO A

 

Primeira Leitura                                                          1 Tim. 2: 1-8

Lia housi Paulo nia primeira surat ba Timóteo

Oan doben: Uluk knana’in, ha’u husu atu ó harohan ba ema hot-hotu nia di’ak, hodi husu, hamulak no fó agradece: ba liurai no na’I ulun sira, atu ita bele moris hakmatek no iha dame, hodi hamta’uk Maromak no moris nu’udar ema. Harohan hanesan ne’e monu lós ba Maromak, ita Maksoin, nia laran. Nia hakarak katak ema hotu hetan maksoin no simu matenek kona ba lialos. Tanba iha Maromak mesak ida de’it, no iha Maromak no ema hotu sira leet iha lia na’in ida de’it. Nia mós ema: Cristo Jesus, nebe saran an atu soi ema hotu. Nia mak lia sasin nebe Maromak haruka mai iha tempo lolós, no Maromak foti ha’u nu’udar nia manu ain no apóstolo, no, ha’u dehan lialos no la bosok ida, nu’udar mestre fiar no lialos nian ba gentio sira.

Ne’e duni, iha fatin hot-hotu ha’u hakarak halo ema tomak atu foti sira nia liman hodi harohan ho laran, la hodi hirus eh haksesuk malu.

Na’i nia futar Lia.

 

Salmo responsorial                                                                            Sal. 27(28):2,7,8-9 (R.6)

Refrão : Rahun di’ak ba Na’i,

                Nebe rona ha’u nia harohan. Repete-se

 

  • Na’I, rona ha’u nia hamulak,

          Uainhira ha’u harohan ba ita,

          Uainhira ha’u hasa’e ha’u liman,

          Ba ita nia santuário.   Refrão

 

  • Na’i, ha’u biit no ha’u tulun,

          Iha nia, ha’u tau ha’u neon tomak.

          Na’i tahan ha’u no soi ha’u!

          Ha’u fuan haksolok no agradece.   Refrão

 

  • Na’i mak nia povo nia heli-an fatin,

          Kota maksoin ba nia Ungido.

          Soi ba, ita povo no fó bensa ba ita liman-rohan,

          Ita mak hatau sira no lori sira liu tempo hotu.   Refrão

 

Aclamação                                                                                                  Jo. 3:16

 

Refrão : Aleluia, Aleliua ! Repete-se

                 Maromak hadomi tees mundo, Nia fó nia oan-Mane-Mesak ba nia.

                 Ema hotu nebe fiar nia, hetan moris rohan laek.   Refrão

 

Evangelho                                                                                                      Lc. 7:1-10

Na’I Jesus Cristo nia Evangelho tuir São Lucas         

Iha tempo neba, uainhira Jesus hato’o tiha liafuan hirak ne’e hotu ba povo sira nia tulun, Nia tama iha Carfarnaum. Centurião ida nia atan nebe nia hadomi teb-tebes moras todan, besik atu mate. Rona tiha kona ba Jesus, nia haruka katuas judeu sira nian atu husu nia mai fó isin di’ak ba nia atan ne’e. To’o tiha ba Jesus, sira husu namanas ba nia dehan: “ Nia so’i atu ita haraik buat ne’e ba nia, basá nia hadomi ita nia povo; nia rasik hari ami nia sinagoga.” Jesus ba hamutuk ho sira. Uainhira sira besik ona uma, centurião haruka nia belun sira atu hateten ba nia : “ Na’I keta hakole an, basá ha’u la so’I atu ita tama iha ha’u nia uma. Dehan de’it liafaun ida, no ha’u atan sei hetan fali isin di’ak. Basá ha’u, nebe halo tuir ema boot liu ha’u, iha mós soldado sira nebe halo tuir ha’u. Ha’u dehan ba ida: ‘ Halo ne’e, nia halo.” Rona tiha liafuan hirak ne’e, Jesus hakfodak, hodi fila oin ba ema lubun boot nebe tuir nia dehan: “ Tebes, Ha’u dehan ba imi katak iha Israel mós ha’u la hetan fiar hanesan ne’e.” Uainhira manuain sira to’o uma, sira hetan atan isin di’ak fali ona.

Lia maksoin.

Leave a Reply

Your email address will not be published. Required fields are marked *