shadow
Diocese de Dili > NOTÍCIAS > LETURA DIÁRIA > Terça – Feira, XXIV Tempo Comum

Terça – Feira, XXIV Tempo Comum

Ano A

 

Primeira Leitura                                     1 Tim. 3:1-13

Lia housi são Paulo nia primeira Surat ba Timóteo

Oan doben: Imi bele laran metin ba liafuan ida ne’e: Hakarak sai bispo mak hakarak halo serbisu nebe di’ak lós. Tan ne’e, bispo ida tenki moris di’ak, hola feto dala ida de’it; nia hatene ukun an, matenek no laran maus no sai mestre di’ak ida; la’os lanuten ka si’akten, maibe laran di’ak no dame na’in. Nia la kaan ba osan. Nia hatene tau matan didi’ak ba nia fámilia hodi hanourin nia oan sira atu halo tuir nia haruka no sai ema ho hahalok di’ak: Oin sá ema id abele tau matan ba Maromak nia kreda uainhira nia la hatene tau matan ba nia fámilia rasiki? Sarani foun la bele sai bispo; keta nia sai loko an, no tuir mai simu naran áat nu’udar diabo simu naran áat. Mós,ema nebe la halo parte iha kreda ko’alia di’ak kona ba nia, atu nune’e nia la bele hetan naran fo’er hodi monu ba diabo nia hani.

Nune’e mos, discóno sira tenki sai ema ho naran di’ak; la’os bosokten; lanuten; no la buka osan, laran metin kona ba mistério fiar nian, no ho laran mós. Tenke koko sira Lai, no uainhira la iha buat áat ruma hasouru sira mak bele simu sira nu’udar diacóno.

Nune’e mós, diacóno sira tenki sai ema di’ak, la konta ema nia moris, maibe neon na’in no ema bele fiar.

Diácono sira hola feto dala ida de’it, no hatene tau matan didi’ak ba sira nia oan no família. Nune’e sira nebe káer didi’ak knar diácono nian bele hetan naran di’ak ba sira an rasik no ema sei fiar lolós sira iha sira nia serbisu ba fiar iha Jesus Cristo.

Na’i nia futar Lia.

 

Salmo Responsorial                                                Sal.100(101):1-2ab,2cd-3ab,5-6(R.cf.2b)

Refrão : Ha’u sei la’o tuir dalan lós! Repete-se

 

  • Ha’u sei hananu laran luak no justiça;

          Ba Na’I hs’u sei hananu salmo!

          Ha’u hakarak la’o tuir dalan lós;

          Uainhira lós ita sei mai to iha ha’u? Refrão

 

  • Ha’u sei moris ho laran mòs

          Iha ha’u uma laran;

          Ha’u sei la tau iha ha’u matan oin,

          Hahalok aat sira. Refrão

 

  • Ha’u sei halo ema laran makerek sira taka ibun

           Ida be hafoer nia maun-alin nia naran.

           Ha’u la tahan ema laran aat sira nia fuan,

            Ha’u sei la fo liu ema loko-an. Refrão

 

  • Ha’u sei hateke ba ema laran maus sira iha ha’u rain,

          Atu sira sei hôrik ho ha’u;

          Ema sira be halo tuir dalan lòs

          Sei bele sai ha’u nia atan. Refrão

 

Aclamação                                                                                                              Lc. 7:16

Refrão : Aleluia, Aleluia! Repete-se                    

Profeta boot ida mosu tiha iha ita nia leet;

Maromak mai hare tiha Nia povo. Refrão

 

Evangelho                                                                                                                 Lc. 7:11-17                            

Na’i Jesus cristo nia evangelho tuir São Lucas

Iha tempo ne’eba, jesus ba cidade ida naran Naim. Nia escolante sira no ema lubun boot tuir Nia. Wainhira nia besik ona cidade nia odamatan, ema lori atu hakoi ema mate ida, feto faluk ida nia oan mane mesak. Ema barak housi cidade ba hamutuk ho feto ne’e. Harè tiha nia, Na’I hanoin nia ho laran hodi dehan ba nia: “Keta tanis” Nia hakbesik, hodi kona caixão. Sira ne’ebe lori nia hamrik tiha. Hafoin nia dehan: “Klosan, ha’u dehan ba ò, hamriik ba? Ema mate ne’e tui no hahu ko’alia. Jesus saran nia ba nia inan. Ema hotu hakfodak hodi hahi Na’I maromak dehan: “Profeta ida mosu tiha iha ita nia leet; Maromak mai hare mai hare tiha nia povo” Lia kona ba Nia naklekar Ba Judeia tomak no ba rai hot-hotu besik ne’eba.

Lia maksoin.

Leave a Reply

Your email address will not be published. Required fields are marked *