shadow
Diocese de Dili > NOTÍCIAS > LETURA DIÁRIA > Quinta-Feira, Festa São Mateus, apóstolo e evangelista

Quinta-Feira, Festa São Mateus, apóstolo e evangelista

ANO A

 

Primeira Leitura                                                                                                        Ef. 4:1-7, 11-13

Lia housi São Paulo nia surat ba sarani sira iha Éfeso

Maun alin sira: Ne’e duni, ha’u ema dadur ida iha Na’I, husu imi atu moris lolós tuir imi nia vocação. Tulun malu ho domin, la hodi hanoin imi-an rasik, maibe ho laran maus no paciência. Halo buat hot-hotu atu imi bele sai laran ida de’it iha Espírito, housi dame nebe halibur imi hamutuk. Iha isin ida de’it, Espírito ida de’it, nu’udar Maromak bolu imi hotu iha esperança ida de’it, uainhira Nia bolu imi. Iha Na’I ida de’it, fiar ida de’it, baptism ida de’it, no Maromak ida de’it. Nia make ma hot-hotu nia Aman; Nia ukun ita hot-hotu, Nia book-an iha ita hot-hotu no Nia iha ita hot-hotu.

Maibe ita ida-idak simu graça nia kmanek oi-oin nu’udar Cristo hakarak fó. Nia foti balun nu’udar apóstolo, balun profeta, balun evangelista no seluk tan bibi atan no mestre, atu santo sira hotu serbisu hamutuk ba ministério atu hari Cristo nia isin lolon, to’o tempo nebe ita hotu hetan laran ida de’it iha fiar no iha matenek kona ba Maromak nia Oan-Mane, to’o sai nu’udar ema lolós ho Cristo rasik nia kmanek.

Maromak nia futar Lia.

 

Salmo Responsorial                                                                                   Sal. 18(19): 2-3,4-5 (R.5a)

Refrão : Nia lia-hatan-teni habelar iha rai tomak. Repete-se

 

  • Lalehan haklaken Maromak nia glória,

           Firmamento halekar nia futar liman nia hahalok.

           Loron ida tatoli ba loron seluk lia menon ne’e,

           Kalan ida ba fó hatene kalan ida seluk. Refrão

 

  •  La iha liafuan, la iha lia,

           La hatene nia katak sá.

           Nia lia-hatan-teni habelar iha rai tomak,

           Nia lia tatoli housi rai-ikun to’o rai-ulun.   Refrão

 

Aclamação

Refrão : Aleluia,Aleluia ! Repete-se

                 Maromak, ba ita boot ami hananu, ba ita boot ami hahi,

                 Na’i! lia knananuk kmanek apóstolo sira nian sei hananu ita rahun di’ak. Refrão

 

Evangelho                                                                                                                        Mt. 9:9-13

Na’i Jesus Cristo nia Evangelho tuir São Mateus

Iha tempo neba, Jesus sai tiha housi neba, nia haré ema ida naran Mateus, tur hela iha fatin cobra imposto nian hodi dehan ba nia: “ Tuir ha’u mai!” Nia hamrik hodi tuir Jesus. Jesus tur hela iha uma laran, ema publican no maksalak barak mai tur ho nia, hamutuk ho nia escolante sira. Haré tiha ne’e, fariseu sira dehan ba escolante sira: “ Nusá mak imi nia Mestre han hamutuk ho publican no maksalak sira?” Rona tiha sira, Jesus dehan: “La’os ema sira ne’ebe isisn diak mak kuran Doutor, maibe sira ne’ebe moras. Imi buka hatene liafuan ne’e katak sà: “Ha’u hakark laran-luak, la’os sacrifìcio”. Basà ha’u mai la’os atu bolu ema los sira, maie ema maksalak sira”.

Lia maksoin.

Leave a Reply

Your email address will not be published. Required fields are marked *