shadow
Diocese de Dili > NOTÍCIAS > LETURA DIÁRIA > Quarta-Feira, XXIV SEMANA DO TEMPO COMUM

Quarta-Feira, XXIV SEMANA DO TEMPO COMUM

ANO A

Primeira Leitura  1Tim. 3:14-16
Lai housi são Paulo nia primeira surat ba Timóteo
Oan doben: Ha’u hakerek daudaun ba ó kona ba buat hirak ne’e, maibe ha’u hein katak la kleur ha’u bele haré o; maibe ha’u la mosu lalais karik, ha’u hakarak katak ó hatene oin sá ema sei moris iha Maromak nia uam laran, katak iha Maromak moris nia kreda, nebe tahan lialos no rai nia didi’ak. Loa duni, ita nia religião nia mistério kle’an duni: Nia mosu ho isin, Espírito fó sasin ba nia; anjo sira hare nia, haklaken ona ba gentio sira; ema fiar nia iha mundo tomak, sa’e ba lalehan iha glória.
Maromak futar Lia.

Salmo responsorial  Sal. 110(111):1-2,3-4,5-6(R.2a)
Refrão: Na’i Nia liman fatin boot tebes! Repete-se
Ho laran tomak ha’u hahi Na’i,
hamutuk ho sira be di’ak no lós.
Nia liman fatin boot tebes,
sira be hadomi nia;
hanoin tuir ho neon ho laraan. Refrão

Boot no kmanek tebes na’i nia hahalok sira,
Nia laran-luak no neon mós rohan laek.
Na’i nia hahalok, ema sei la haluhan,
Na’i laran sadi’a no laran di’ak. Refrão

Nia la haluhan nia belun sira,
Tan laran metin ba nia moruk.
Hatudu ba nia povo biit nia hahalok nian,
hodi saran riku soi nação sira nian ba nia. Refrão

Aclamação
Refrão: Aleluia, Aleluia! Repete-se
Na’i ita futar liafuan sira mak espírito no moris,
ita mak iha liafuan moris rohan laek nian. Refrão

Evangelho Lc. 7:31-35
Na’i Jesus Cristo nia Evangelho tuir São Lucas
Iha tempo neba, Jesus dehan: “Ha’u sei hanesan ema sira otas ne’e nian ho se lós? Sira hanesan se lós? Sira hanesan labarik sira nebe tur hakilar ba malu iha basar dehan: ‘Ami hananu knananuk ksolok nian, maibe imi la dansa; ami hananu knananuk tanis nian, maibe imi la tanis.’ Basá João mai, la han pão, la hemu tua, no imi dehan: ‘Nia iha diabo iha nia laran.’ Oan Mane mai, han hemu, no imi dehan: ‘Ne’e ema canteen, publicano no maksalak sira nia belun.’ Maibe matenek nia oan sira hatudu katak matenek mak lós duni”
Lia maksoyn.

Leave a Reply

Your email address will not be published. Required fields are marked *