shadow
Diocese de Dili > NOTÍCIAS > LETURA DIÁRIA > Sexta-Feira, XXIV SEMANA DO TEMPO COMUM

Sexta-Feira, XXIV SEMANA DO TEMPO COMUM

ANO A

 

Primeira Leitura                                                                                                              1Tim. 6:2c-12

Lia housi São Paulo nia primeira Surat ba Timóteo

Oan doben: Hanourin buat hira ne’e hodi haka’as sira. Ema nebe hanourin buat seluk no la laran metin ba doutrina lolós, katak ita Na’I Jesus Cristo nian, doutrina nebe tuir religiaun lolós, ema ne’e beikten no loko an hodi hakarak husu buat hotu no haksesuk maku kona ba liafuan sira. Housi ne’e, laran moras, istori malu, hasara malu, no la fiar malu sei mosu mai; sei mosu mós haksesuk malu nebe la hotu housi ema sira nebe hanoin la lós, la hatene lolós buat ida no ema sira nebe hanoin katak religiaun mak dalan di’ak atu hetan moris di’ak. Religião lori duni mai moris diak, maibe ba sira de’it nebe laran haksolok ho buat nebe sira iha ona. Ita la lori buat ida maim undo ne’e, no ita sei la lori sai buat ida housi nia; maibe uainhira ita iha aihan no hatais, ita haksolok ona ho sira ne’e. Ema nebe hakarak sai riku hetan babeur barak; sira hetan sira an ho hakarak   beik no perigosu oi-oin, nebe nei-neik sei lori sira ba susar boot no todan. Domin ba osan mak buat áat hotu nia hun:; iha ema balun nebe, tan tuir nia, husik ona fiar lolós hodi fó ba sira nia klamar kanek boot oi-oin.

Maibe o, nu’udar ema nebe saran tiha an ba Maromak, sei heuuai hotu ne’e. O sei haka’as atu sai santo no hamta’uk Maromak, nakonu ho fiar no domin, ho paciência barak no laran maus. Halo didi’ak funu fiar nian hodi manan moris rohan laek ba ó nia an; laran metin ba moris rohan laek nebe Maromak bolu ó uainhira ó hateten sai ó fiar hodi ko’alia lolós kona ba lialós iha sasin barak sira oin.

Maromak Futar Lia

 

Salmo responsorial                                             Sal. 48(49):6-7,8-10,17-18,19-20 (R.Mt.5.3)

Refrão : Rahun di’ak ba sira nebe kiak iha Espírito,

                 Basá, reino lalehan sira nian. Repete-se

 

  • Tan sá ha’u sei ta’uk loron susar nian,

          Uainhira ema áat sira hale’u ha’u

           Sira be laran metin iha sira biit,

           Foti-an ho sirariku soi? Refrão

 

  • Ema ida la bele selu tan nia an,

          Ka selu Maromak tanba nia maksoin;

          Basá, la iha riku-soi nebe hodi bele selu,

          Atu hanaruk nia moris to’o la nahas,

          No atu nia la koko lalaok mate nian. Refrão

 

  • Ó hare karik ema sai riku, kata laran susar,

           No haua’in nia uma nia riku-soi.

           Uainhira nia mate, sei lac lori buat ida,

           Nia riku-soi sei la hakoi hamutuk ho nia. Refrão

 

  • Maski nia haksolok iha moris hodi hanoin:

          “Hahi ba ó tanba ó tau matan ba ó didiak”

            Nia mós saei hôrik ho nia aman sira

            Nebe la hare ona naroman ba nafatin. Refrão

 

Aclamação

Refrão : Aleluia, Aleluia! Repete-se

Rarun di’ak ba ita, Aman, Na’I lalehan no rai nian,

tan ita hatudu mistério reino lalehan nian ba kiik sira. Refrão

 

Evangelho                                                                                                                                  Lc. 8:1-3

Na’i Jesus Cristo nia Evangelho tuir São Lucas

Iha tempo neba, Jesus la’o housi cidade ida ba cidade seluk no housi knua ida ba knua seluk, hodi hanourin no haklaken liafuan di’ak kona ba Maromak nia reino. Sira sanulu resin rua la’o hamutuk ho Nia, no mós feto balun nebe hetan di’ak housi moras oi-oin no housi espírito áat sira: Maria nebe ema hanaran Madalena, housi nia diabo hitu sai tiha ona; Joana, Herodes nia atan Cusa nia feen, Susana no feto seluk tan, nebe tulun sira ho sira nia rikusoi.

Lia maksoyn.

Leave a Reply

Your email address will not be published. Required fields are marked *