shadow
Diocese de Dili > NOTÍCIAS > LETURA DIÁRIA > Segunda-Feira, XXV SEMANA DO TEMPO COMUM

Segunda-Feira, XXV SEMANA DO TEMPO COMUM

Ano A

 

Primeira Leitura                                                                                                                                                                                                     Esd. 1:1-6

Lia housi livro Esdras nian

Iha tinan ba dala uluk, Ciro, liurai Pérsia nia ukun, atu halo tuir lolós Na’i nia liafuan be sai housi Jeremias nia ibun, Na’i fó hanoin ba Ciro, liurai Pérsia nian, atu fó ordem ba nia reino tomak, housi hakerak no housi lian kmanek hodi hateten nune’e: “Ciro, liurai Pérsia nian, ko’alia nune’e: ‘Na’i, Maromak Lalehan nian, saran ona reino tomak nian mai ha’u; Nia rasik tau neon mai ha’u atu hari templo ida ba nia iha Jerusalém, iha rai Judá. Iha imi leet, ema sé hakarak hola parte iha ninia povo? Na’i Maromak sei hôrik ho nia no bele sa’e ba Jerusalém, iha rai Judá, atu hari Na’i nia templo, Na’i be Maromak Israel nian, nebe hôrik iha Jerusalém. Povo judeu sira be sei moris hela, iha fatin nebe sira hôrik ba, rai Na’in sira sei fó tulun ba sira ho osan mutin, osan mean, ho sasan selu-seluk no balada sira, no mós karan nebe sira hakarak atu fó ba nia templo iha Jerusalém”.

Nune’e, ulun sira família nian housi uma kain Judá no Benjamim nian, Na’i lulik no levita sira, no mós sira hotu nebe Maromak fó hanoin ba sira, hadi’an atu hari fila fali Maromak nia templo iha Jerusalém. Ema hotu nebe hela besik sira, tulun sira iha buat hotu, ho osan mutin, osan mean, rikusoi, balada, no sasan selu-seluk folin boot, no mós ho karan oi-oin tuir ida-idak nia hakaran rasik.

Maromak Futar Lia.

 

Salmo Responsorial                                                                                                                                      Sal. 125(126):1-2ab, 2cd-3,4-5,6 (R.3a)

Refrão : Na’i halo kmsnek oi-oin ba nia povo. Repete-se

 

  • Wainhira Na’i lori hikas fali dadur Sião nian mai,

          Moris baa mi hanesan mehi ida.

          Ibun ami nakonu ho hamnasa,

          Iha ibun kulit hahi no hananu.  Refrão

 

  • Ema gentio sira dehan nune’e:

          “Na’i halo kmanek oi-oin ba sira”.

          Lós duni! Kmanek oi-oin Na’i halo ba ita;

          Tan ne’e ami haksolok hauélok.   Refrão

 

  • Na’i, nakfila daudaun ona ami nia moris dadur,

          Hanesan wé inan iha rai fuik-maran.

          Sira be kuda ho mata-uen

          Sira sei sohi ho ksolok.   Refrão

 

  • Sira ba ho oin tanis dadaun

          Hodi lori fini atu kuda;

          Sira sei fila hikas mai ho hananu

          Hodi lori trigu futun sira. Refrào  

 

Aclamação                                                                                                                                                                                                                   Mt. 5:16

Refrão : Aleluia,Aleluia! Repete-se

Imi nia roman sei nabilan mós hanesan ne’e iha ema sira oin,

atu sira hare imi nia hahalok di’ak sira no hahi imi nia Aman iha Lalehan.  Refrão

 

Evangelho                                                                                                                                                                                                                Lc. 8:16-18

Na’i Jesus Cristo nia evangelho tuir São Lucas                                                      

Iha tempo neba, Jesus lia tune ma lubun boot: “ Ema ida la sunu ahi oan hodi taka nia ho luhu ida, ka tau nia iha toba fatin okos; maibe tau nia iha ahi oan fatin, atu sira nebe tama mai bele hare nia naroman. Basá la iha buat ida nebe subar hela, nebe ema sei la hare hetan; la iha buat ida nebe ema la hatene, nebe ema seluk sei la fó sai. Ne’e duni, hare didi’ak oin sá imi rona; basá ema nebe iha ona, sei simu tan, no housie ma nebe la iha, sei hasai tan buat nebe nia hanoin nia iha.”

Lia maksoyn.

Leave a Reply

Your email address will not be published. Required fields are marked *