shadow
Diocese de Dili > NOTÍCIAS > Notícias > NAMORA ULUK LAI MOLOK KABEN

NAMORA ULUK LAI MOLOK KABEN

DCDD – (22/09/2017) Bispo de Dili D. Virgilio do Carmo da Silva hatoo lia hirak nee wainhira sai Orador iha Diálogo ba Foinsae sira iha Cerimónia Comemoração loron Aniversário Colégio São Miguel Arcanjo nian ba dala 16, iha salão Colégio São Miguel Arcanjo Raikotu Dili.

Bispo hateten: Labele preucupa atu kaben cedo maibe oinsa ó preucupa atu bele prepara o nia-an didiak atu kaben. Atu kaben minimalmente tenke prepara an rasik pelo menos iha ona servisu, iha ona uma rasik. Tan nee preparação material no Espiritual nee importante.

Bispo hateten tan katak: atu kaben nee mos precisa liu husi mos ‘Namora’. Namora laos significa lor-loron ba tur iha tasi ibun neba hodi hateke malu deit, maibe namora nee nia finalidade atu hatene malu, estuda malu entre feto no mane nia an ida-idak. Nee mak ita hanaran prepara an. Haktuir Bispo Dili.

Bispo haklean tan katak: Conhece ida nee laos atu conhece nia oin furak ou nia inus kain tudaan ou mane/feto oan nee bonito/bonita kalae, maibe hare liu-liu ba nia fuan nee diak kalae, fuan nee bonito/bonita kalae. Se ita hare demais ba buat furak iha oin nee, iha tempo ida mai sei mudaan.

Bispo Alerta katak: Entre feto no mane sempre iha ida-idak nia esperança, significa hau nia mehi atu hetan mane ou feto ida nebé Sincero, honesto, responsabilidade, badinas, hatene hadomi, hatene quida. Buat hirak nee hotu hahu mosu iha tempo namora nia laran. Tan nee, lalika ansi atu kaben basá hakarak ka lakohi imi sei kaben duni, maibe importante mak buat nebé prepara an, iha vida Espiritual, prepara imi nia kakutak, fuan, condição atu forma família ida, tamba forma família nee ho hanoin ida katak atu família nee lao ba oin nafatin laos kaben ohin aban husik malu. Creda koalia kona ba Casamento nee dehan União ida nebé labele haketak malu. Tamba nee Creda nia hanoin desde uluk too agora katak casamento União ida nee nafatin ba nafatin.

Kaben nee laos deit tamba isin nia hakarak, laos tamba deit matan nia hakarak atu bele fo satisfação ba malu deit, maibe Casamento nee nia finalidade mak Oan “Buah Hati” no iha responsabilidade hodi tau matan ba oan ida nee. Tamba nee atu kaben cedo ou tarde nee laos questão maibe buat importante liu mak atu forma família nee ita tenki hatene quidado, tamba família nee quando forma atu lao ba oin nafatin. Tamba nee importante hau prepara duni hau nia an atu atu forma família, tenik D. Virgilio.

Virgilio acressenta tan katak: Mundo ohin loron, ita hare ba valor casamento nian nee mihis ba dadaun tamba falta de preparação, tempo namoro laiha, ita la hakasan atu conhece didiak, ita la hanoin hamutuk, tan nee valor casamento sai mihis. Domin lolos nee laos atu aproveita malu deit mane aproveita deit feto oan sira nomos feto oan sira aproveita deit mane oan sira, ida nee laos domin. Maibe domin lolos nee tenki mai husi fuan. Domin lolos laos mai husi matan.

Virgilio declara: Característica Jovem nian kan hakarak hare lalais buat nebé monu iha matan, maibe labele too iha matan deit, maibe tenki ser hanoin. Tamba nee o estraga o nia moris jovem significa ó la jovem tan ona basá moris jovem nia dala ida deit. Tuir Creda nia hanourin Ema ida-idak nia isin sagrado tamba Maromak nia horik fatin. Tamba nee tenki respeita ita nia isin, hadomi ita nia isin, hau labele halo hau nia isin hanesan Mercado. Labele halo ita nia isin hanesan laboratório hodi koko buat hotu-hotu, maibe koko salad ala ida adeuss, ó nia vida la repete tamba ó nia nia vida depende iha ó, ó nia moris depende iha ó, inan aman, mestre sira koalia deit.

Iha biban hanesan: Eis Secretário Estado Juventude e Desporto Leovigildo Hornai hateten; Papel foin sae nian nee importante tebes iha Mundo nebé de’it, iha fatin nebe de’it, iha nia família, sociadade, nação no mos iha Uma Creda. Papel foinsae nian ida fundamental liu mak liberta uluk imi nia an, hadomi imi nia an no tamba mundo ida agora ne’e mundo globalizado teb-tebes, mundo ida nebe nakonu ho kanten, nakonu ho dependência, nakonu ho incerteza pior liu tan ita rasik tama iha laran hodi lori ita nia an monu iha neba nee tamba ita la consistente, ita la kaer metin ita nia papel. Tamba nee tenki iha mehi atu liberta nia an ho estuda makas, espiritualidade makas, moral makas

Nia reforsa tan; Hau concorda teb-tebes foinsae ida tenki iha belun/ Namora, nee buat diak ida hodi tulun malu, estuda malu, laos atu hodi malu ba iha dalan klot, hodi malu ba iha dalan nebé mak susar. Tamba nee Foinsae ida iha liberdade tomak atu iha belun amigo/amiga mais tenki controla an. Tamba nee, Dignifica imi nia dignidade liu-liu ba alin feto sira. A/C

Leave a Reply

Your email address will not be published. Required fields are marked *