shadow
Diocese de Dili > NOTÍCIAS > LETURA DIÁRIA > Sabádo, XXVI SEMANA DO TEMPO COMUM

Sabádo, XXVI SEMANA DO TEMPO COMUM

ANO A

 

Primeira Leitura                                                                                              Bar.4:5-12,27-29

Lia husi livru Baruc nian

Povo Maromak nian, ó be káer metin Israel nia naran , aten brani ba. Faan tiha imi ba gentio sira, maibe, la’os atu halakon imi. Tan imi halo sadik Maromak nia hirus,saran imi ba imi nia funu baluk sira, basá, imi halo hirus ida nebe halo imi moris hodi hasa’e fali sacrificio ba demónio sira, la hasa’e ba Maromak. Imi haluha tiha Maromak rohan laek, ida nebe fó han imi; imi hasusar Jerusalém nebe fó susu ba imi, basá uainhira nia haré Maromak nia hirus monu ba imi leten, Nia dehan : “cidade sira be hela besik Sião, imi rona mai! Maromak hala’o ha’u neon susar, basá, ha’u haré ha’u oan sira, mane no feto, terus iha kadeia nebe nai hamonu iha sira leten. Ha’u fo susu sira ho ksolok, ha’u husik sai sira ho matan uen no laran terus. Ha’u, feto faluk, mes-mesak, la iha ema ida haksolok ha’u. ha’u hela mesak tanha’u oan sira nia hahalok áat, basá, sira fila kotuk ba Maromak Nia lei. Aten brani ba, ha’u oan sira, hodi bolu Na’i Maromak, basá, ida nebe fó kastigo ba imi, Nia sei hanoin fila fali imi. Hanesan uluk imi hanoin fila kotuk ba Maroma, oras ne’e imi fila fali ba nia hodi buka nia ho laran manas liu fali dala sanulu. Basá, ida nebe haraik terus ba imi, sei haraik ksolok rohan laek ba imi, hamutuk ho imi nia salvação.

Maromak  futar Lia.

 

Salmo responsorial                                                                  Sal.68(69):33-35,36-37(R.cf.34a)

Refrão : Na’i rona ema kiak sira nia harohan. Repete-se

Ema haraik an sira, rona mai hodi haksolok,

buka Maromak, imi laran sei hetan iis foun.

Na’I rona ema kiak, la hakribi sira be iha dadur.

Lalehan ho rai hahi Na’I,

Tasi no buat hotu be moris iha nia. Refrão

 

Na’I sei souri Sião, sei hari hikas cidade sira Judá nian,

ema dadur sira fila mai hodi hôrik iha neba,

Ni’a atan sei simu nu’udar lima rohan,

Sei horik iha neba, sira be hadomi nia naran. Refrão

 

Aclamação

Refrão : Aleluia, Aleluia ! Repete-se

Rahun di’ak ba ita, Aman, Na’I lalehan no rai nian,

tan ita hatudu mistério reino lalehan nian ba kiik sira. Refrão

 

Evangelho                                                                                                                                      Lc. 10:17-24

Na’i Jejus Cristo nia evangelho tuir São Lucas

Iha tempo neba, escolante nain hitu nulu resin rua ne’e fila fali hodi haksolok dehan: “ Na’i , diabo sira mós tuir ami hodi ita nia naran.” Nia hatan ba sira: “ ha’u foin haré santanás monu husi lalehan hanesan rai lakan. Los duni, ha’u haraik tiha biit ba imi atu sama samea no sakunar sira, hodi manan funu baluk nia biit tomak;  la iha buat ida nebe bele halo áat imi. Maski nune’e, keta haksolok tanba espírito sira tuir imi; haksolok de’it tanba imi nia naran hakerek tiha ona iha lalehan.

Iha oras neba nia haksolok eb-tebes ho Espírito Santo dehan ; “Ha’u hahi ita, Aman, Lalehan no rai nia Na’in, basa ita subar tiha buat sira ne’e housi ema matenek sira hodi fó hatene fali ba sira nebe kiik. Tebes, Aman, ita hakarak dunik nune’e. Ha’u nia aman saran tiha buat hotu mai ha’u. ema ida lahatene se mak oan, aman de’it mak hatene; no ema ida la hatene se mak Aman, oan de’it mak hatene, no ida nebe oan mane hakarak fó hatene ba nia”

Hafoin, haketak tiha nia eskolante sira housi sira seluk, nia dehan:” ksolok ba matam sira nebe haré buat nebe imi haré, Basá ha’u dehan ba imi katak profeta no liurai sira barak uluk nian hakarak haré buat nebe imi haré, maibe sira la haré; no rona buat nebe imi rona, maibe sira la rona.”

Lia maksoin.

Leave a Reply

Your email address will not be published. Required fields are marked *