shadow
Diocese de Dili > NOTÍCIAS > LETURA DIÁRIA > XXVII DOMINGO DO TEMPO COMUM

XXVII DOMINGO DO TEMPO COMUM

ANO A

 

Primeira Leitura                                                                                                                                       Is, 1-7

Lia housi Livro Profeta Isaías

Ha’u hananu ba ha’u belun knananuk domin nebe nia hananu ba nia to’os uvas nian. Ha’u belun iha to’os ida, halo iha rai lolon bokur ida. Lere tiha to’os ne’e, nia hamos tiha fatuk, hodi kuda uvas kain di’ak de’it. Nia hari loho ida iha to’os klaran, halo mos fatin ida atu sama uvas ba.  Nia hein uvas ne’e nafuan di’ak, maibe, fo de’it uvas sin.  “Oras ne’e, ema Jerusalém no ema Judá sira, imi rasik tesi lia kona mai Ha’u no ba Ha’u nia to’o sa ne’e:  Buat di’ak sa mak bele halo ba Ha’u nia to’os, maibe Ha’u la halo?  Uainhira Ha’u hein atu nafuan uvas di’ak, tan sa nia fo de’it uvas sin? Oras ne’e Ha’u hatudu ba imi buat nebe Ha’u sei halo ba to’os ne’e:  Ha’u sei sobu tiha lutu, balada sei han mohu tiha; Ha’u harahun tiha lutu, ema sei sama hodi halimar. Ha’u sei fila nia ba rai-fuik maran ida:  Ha’u sei la tesi hadi’a tan nia, sei la hamamar tan rai; du’ut fuik no ai-tarak mak sei nakonu iha nia laran. Ha’u sei luli kalohan atu keta monu udan ba nia.”  Tan, buat hotu nia Na’in nia to’os mak Israel nia uman; Nia abat doben mak ema Judá sira. Nia hein hahalok di’ak, maibe, ran de’it mak fakar; Nia hein justisa, maibe, ema tanis ho laran susar!

Maromak Futar Lia.

 

Salmo Responsorial                                                                      Sal.79(80), 9. 12. 13-14. 15-16.19-20

Refrão :     Na’i nia toos mak Israel nia uman. Repete-se

 

                      Ita harahun tiha uvas hun ida housi Egipto,

                      hasai tiha, povo sira atu kuda nia;

                      Nia sanak naklohar to’o tasi ibun,

                      nia tutun naburas to’o  mota boot. Refrão

 

                      Maibe, Ita harahun tiha Ita toos nia lutu,

                      atu ema sira nebe liu, bele sama,

                      atu fahi fuik sira bele lere,

                      atu balada sira bele han. Refrão

 

                      Maromak buat hotu nia Na’in, mai fali;

                      haraik matan housi aas lalehan, hare ami.

                      Mai hare hodi matan Ita toos,

                      tan Ita liman mak kuda. Refrão

 

                      Ami la hadook tan housi Ita,

                      haraik moris mai, atu bele hahi Ita naran.

                      Hafoun ami, Na’i, buat hotu nia Na’in!

                      Halo Ita oin nabilan nafatin, ami hetan Maksoin. Refrão

 

Segunda Leitura                                                                                                                                Flp. 4, 6-9

Lia housi São Paulo nia surat ba sarani sira iha Filipo

Maun alin sira: Keta laran susar ba buat ruma. Maibe, iha buat hotu, buka hamulak hodi husu; buka mos agradece, atu buat nebe imi husu bele sa’e to’o Maromak futar oin. Maromak nia paz nebe boot liu matenek hotu, sei rai imi laran no imi neon iha Jesus Cristo. Maun-alin sira: kona ba buat seluk, buat hotu nebe los no boot, buat nebe di’ak no mos, buat hotu nebe domin no naran di’ak buat hahalok di’ak no bele hahi, buat sira ne’e, imi sei tau iha imi neon. Buat nebe imi hatene, imi simu hodi rona housi Ha’u; hare iha Ha’u buat nebe imi sei halo tuir. Maromak nia paz sei hela ho imi.

Maromak Futar Lia.

 

Aclamação                                                                                                                                         Mat. 21, 42

Refrão :     Aleluia, Aleluia … Repete-se

                     Fatuk ida nebe badaen sira hewai,

                     nakfilak ba fatuk inan. Refrão

 

Evangeho                                                                                                                            Mt. 21, 33-43

Na’i Jesus Cristo nia Evangelho nu’udar São Mateus haktuir

Iha tempo neba, Jesus dehan ba boot sacerdote sira nian no ba ema katuas povo nian: “Imi rona tan aiknanoik ida ne’e: Toos na’in ida kuda toos ida mesak uvas de’it. Hale’u tiha ho lutu, nia halo fatin ida atu sama uvas, hodi hari loho ida iha toos ne’e. Hafoin, nia fo ba ema balun atu tau matan; nia la’o tiha ba dook. To’o ona loron atu ku’u, nia haruka atan sira ba ema nebe kaer toos atu simu ai-fuan nebe monu ba nia. Ema sira ne’e, kaer tiha atan sira, baku balun, oho seluk, tuda balun, oho balun. Nia haruka fali atan seluk, ua’in liu sira uluk. Ikus mai, nia haruka nia oan rasik, hodi hanoin ba nia an:  Sira sei hamta’uk ha’u oan. Maibe, hare tiha nia oan, ema sira ne’e dehan ba malu:  ‘Ida ne’e mak liman-rohan na’in. Oho tiha nia, ita sei hela ho buat hotu-hotu.’  Kaer tiha nia, sira lori ba to’os ninin, hodi oho tiha nia. Uainhira to’os na’in mai, nia sei halo los sa ba ema sira ne’e?”  Boot sacerdote sira no kbahen povo nian, hatan ba Nia:  “Tan sira aat nune’e, nia sei halo sira mate aat teb-tebes, nia sei fo to’os ne’e ba ema seluk kaer, ba ema nebe to’o loron sei lori ai-fuan mai hasa’e.”  Jesus dehan ba sira:  “Imi la dauk hare iha Escritura:  ‘Fatuk nebe bada’en sira hewai, sei nakfilak ba fatuk-inan. Buat sira ne’e Maromak halo, nebe kmanek tebes ba ita matan?’  Tan ne’e, Ha’u dehan ba imi: Maromak nia Reino sei hasai housi imi, hodi fo fali ba povo ida nebe bele nafuan di’ak”.

Lia Maksoyn.

Leave a Reply

Your email address will not be published. Required fields are marked *