shadow
Diocese de Dili > NOTÍCIAS > LETURA DIÁRIA > Terça-Feira, XXVII SEMANA DO TEMPO COMUM

Terça-Feira, XXVII SEMANA DO TEMPO COMUM

ANO A

 

Premeira Leitura                                                                                                                   Jon.3:1-10

Lia Housi Profeita Jonas Nian

Na’i lia tun ba Jonas ho lia fuan hirak ne’e :ó hamriik, la’o ba cidade boot Ninive nian hodi haklaken ba nia lia hau atu dehan ba ó. ’’Jonas hamriik ba la’o ba Ninive cidade tuir Na’i nia futar lia fuan.Iha Maromak Futar oin, Ninive cidade boot ida; hodi loron tolu bele la’o housi rohan to’o rohan.Jonas tama iha cidade, la’o liu tiha loron ida nia hahu hanourin ho lia fuan hirak ne’e: “loron haat nulu tan, Ninive sei rahun. “Ema sira be tur iha cidade Ninive fiar Maromak; sira fó sai atu hadera-an no ema hotu, housi boot liu to’o kiik liu, hatais hena tartarak. Uainhira liu rai Ninive rona lia tatoli ne’e, hamriik housi trono, hasai tiha nia unuk, taka-an fali ho hena tartarak hodi tur iha ahi kdesan laran.Hafoin liu rai ho nia ministro sira fó sai ordem ida nebe dehan.”Ema no balada sira hotu  la bele han, labele hemu ue.Hot hotu sei taka an ho hena tartarak no sei harohan ba Maromak ho laran tomak no biit hotu; ida idak sei hakribi hahalok áat no sala boot sira nebe nia halo tiha ona. Se mak hatene, kala Maromak haré muda nia hanoin hodi hasai castigo housi ita, hatun hatun nia hirus atu ita la bele mate mohu “Maromak hare tiha sira nia hakaas an atu husik tiha sira nia hahalok aat. Nai hasai tiha castigo nebe atu haterus sira.

Maromak Futar Lia    

 

Salmo Resposorial                                                                              Sal. 129(130):1-2,3-4ab,7-8(R.3)

Refrão: Na’I ita haré karik ami salan sé mak bele soi an…  Repete-se

Na’I housi klean nakukun, ha’u bolu ita

Na’I rona ha’u lian ba

Ita sée tilun ba ha’u lian harohan nian.  Refrão

 

Ita hanoin karik ami salan sira

Na’I, ema sé bele soi an

Maibe, iha ita iha perdua

tan ne’e ami hamtauk Ita. Refrão

 

Nu’udar sentinel hein rai hun mutin

Nune’e mos Israel hein hela Nai, tan iha nai hetan laran luak

Iha nia bele hetan maksoin ua’ian. Nia mak sei soi Israel

Hausi nia hahalok áat hotu. Refrão

 

Aclamação                                                                                                                                      Lc.11:28

Refrão : Aleluia , Aleluia…Repete-se

Rahun diak ba sira nebe rona maromak Nia futar lia

hodi moris tuir.Refrão  

 

Evangelho                                                                                                                                       Lc.10:38-42

Na’i Jesus Cristo Nia Evangelho tuir são Lucas

Iha tempo Neba,tuir dalan, Jesus to’o knua ida.Feto ida naran Marta simu nia iha nia uma.Marta iha feton ida naran Maria, nebe tur deit iha Jesus nia ain hodi rona nia koalia.Marta fali nebe la’o ba la’o mai hodi serviso barak, hakbesik hodi dehan:”Na’i  la hare katak hau nia alin husik ha’u servisu mesak mesak  dehan to’ok ba nia atu tulun ha’u.”Na’i hatan ba Nia: “Marta, Marta ó la’o kole hodi hanoin resin kona ba buat barak; maibe buat ida deit mak folin los. Maria hili buat nebe di’ak liu hotu, nebe ema ida sei lahadau housi nia.

Lia Maksoyn.

Leave a Reply

Your email address will not be published. Required fields are marked *