shadow
Diocese de Dili > NOTÍCIAS > LETURA DIÁRIA > Quarta-feira,XXVII DO TEMPO COMUM

Quarta-feira,XXVII DO TEMPO COMUM

ANO A

Primeira Leitura                                                                                                                              Jon. 4:1-11

Lia housi Profecia Jonas nian

Jonas laran moras tebes hodi hirus, tan Na’i perdua ema sira Nívive nian. Ho laran nakali nia harohan ba Na’i nune’e: “Na’i! La’os ida ne’e mak ha’u hateten wainhira ha’u sei hôrik iha ha’u rain? Ha’u hatene nanis ona katak Ita mak Maromak laran-luak tebes, pronto atu perdua, la hirus lalais, laran di’ak teb-tebes, la hanoin atu fó castigo; tan ne’emak ha’u halai tiha ba Társis. Maibe, oras ne’e, Na’i bele hasai ona ha’u nia moris; ba ha’u, mate di’ak liu fali moris”. Maibe, Na’i hatan ba nia: “Ó nia hanoin lós tebes hodi halo ó hirus nune’?” Jonas sai tiha housi Nívive hodi ba tur iha cidade ne’e nia sorin housi Loro-sa’e. Iha neba, nia halo taka baluk ida hodi tur iha nia mahan atu haré sá lós mak sei mosu ba cidade ne’e. Nune’e, Na’i Maromak halo moris ai-hahoris ida, aas liu Jonas , atu hamahan netin nia ulun, hodi haksolok netik nia laran susar. Jonas haksolok netik nia laran susar. Jonas haksolok tebes ho ai-hahoris ne’e. Maibe, iha loron tuir mai, wainhira loron-matan mosu, Maromak haruka ular kiik oan ida tata kotu hotu ai-hahoris ne’e nia abut, ai-hahoris ne’e maran tiha. Iha dader saan, loro-matan mosu, Maromak halo anin manas huu housi loro-sa’e mai, loro baku lós mai iha Jonas nia ulun leten. Jonas sai oin nanukun tiha, hakarak atu mate, dehan: “Ba ha’u, mate, di’ak liu fali moris”. Nune’e, Maromak lia tun ba Jonas, dehan: “Ó hanoin katak ó nia hanoin lós tebes atu hirus tan ai-hahoris ne’e? “ Jonas hatan: “Lós duni, ha’u nia hanoin lós tebes atu hirus to’o mate”. Na’i lia tun teni ba nia: “Ó hanoin netik lós ai-hahoris ne’e, nebe ó la kole kuda nia, hodi halo nia sai boot, nebe moris iha kalan ida nia laran, iha fali kalan seluk nia mate! Oinsá, Ha’u la bele hanoin netik cidade boot Nínive, nebe iha ema liu rihun atus ida rua nulu, Nune’e mós ho balada wa’in tebes?”

Maromak Futar Lia  

 

Salmo Responsorial                                                                              Sal.85(86):3-4,5-6,9-10 (R.15b)

Refrão: Na’i, Ita mak Maromak be laran maus no laran luak tebes. Repete-se

Na’i, sadi’a ha’u, Ita ha’u Maromak,

Loron tomak Ha’u harohan ba Ita.

Haksolok Ita atan nia fuan ba,

Wainhira nia hasa’e nia neon ba Ita. Refrão

Na’i, Ita mak Maromak be di’ak no laran-luak,

Laran-di’ak tebes ba sira nebe harohan ba ita.

Na’i, rona ha’u harohan ba,

Simu ha’u hamulak ba.  Refrão

Povo tomak be ita hakiak sei mai hana’i ita, Na’i

no sei hahi ita naran;

Basá, ita mak boot no halo kmanek wa’in tebes,

Ita mesak de’it mak Maromak! Refrão

 

Aclamação                                                                                       Rom. 8:15bc

Refrão: Aleluia, Aleluia! Repete-se

Imi simu Espírito ida nebe halo imi sai oan fudin,

nebe lori ita bolu: “Abba! Aman”. Refrão

 

Evangelho                                                                                           Lc. 11:1-4

Na’i Jesus Cristo nia Evangelho nudar São Lucas haktuir

Iha tempo neba, Jesus harohan iha fatin ida. Hotu tiha, nia escolante ida hateten ba Nia: “Na’i, hanourin ami atu harohan hanesan João Baptista hanourin nia escolante sira.” Nia dehan ba sira: “Wainhira imi harohan, hateten nune’e: ‘Aman, tulun ema atu hahi ita naran. Halo ita nia reino to’o mai ami. Haraik aihan lor-loron nian mai ami Haraik perdua mai ami sala, nu’udar ami perdua ema nebe halo áat ami. Labele husik ami monu ba babeur.”

Lia Maksoyn.

Leave a Reply

Your email address will not be published. Required fields are marked *