shadow
Diocese de Dili > NOTÍCIAS > Notícias > SARANI IDA PRECISA HAKIAK VIRTUDE “CAFÉ” CARIDADE, AMIZADE, FÉ NO ESPERANÇA

SARANI IDA PRECISA HAKIAK VIRTUDE “CAFÉ” CARIDADE, AMIZADE, FÉ NO ESPERANÇA

 

CTDD – (07/10/2017) Sarani Comunidade Posto Administrativo Railaku Sabado Foin lalais nee Simu mahein Dili D. Virgilio do Carmo da Silva ho antusiasmo tuir tradição Cultura sarani comunidade Railaku nian. Iha Bispo Dili nia visita Pastoral nee D. Virgilio Inaugura Igreja Foun Railako ao mesmo tempo Ereção husi Quase Paróquia ba Paróquia ho nia mahein Nossa senhora de Fátima Railaku.

Bispo hateten: Ohin ita rona história dehan Uma Creda nee hahu ho ema uituan maibe ohin loron sai rihun 10 resin tiha ona katak número sarani nian aumenta ba beibeik buat hotu transforma tamba uluk ita rona missionário sira liafuan too agora Creda nee buras ba nafatin. Nee duni tinan 10 ou 20 mai ita iha nafatin esperança atu Fé ida buras nafatin. Ita hein katak ho virtude 4 nebe ohin imi temi; CARIDADE, AMMIZADE, FÉ no ESPERANÇA (CAFE). Tan nee precisa hakiak CAFE didiak atu Creda ida nee bele buras ba nafatin.

Bispo haktuir tan katak: Ohin ita marca história boot ida ba sarani Railaku ninian, hau bele imagina ksolok sarani sira nian oinsa iha loron ida ne’e, servisu kleur atu bele iha ita nia Uma Creda rasik e liu-liu iha Paróquia ida ne’e. Ne’e duni ita boot sira mos haksolok, basá koko duni experiência rahun diak Maromak ninian.

Mahein nee hateten: Uma Creda laos halo ba ema Santo sira deit, maibe Uma Creda halo ba ita hotu nebé diak e ba sira nebé la soi mos tamba Uma Creda ida ne’e transforma ita nia moris, tamba ne’e buka nafatin Maromak iha imi nia moris. Hau fiar katak ita boot sira nia servisu makas hari fatin ida ne’e lakohi hanesan fatin baibain, fatin ida nebé ita bele dehan especial, ida ne’e mak hatudu duni ita nia fiar iha Creda Santa.(Ngl)

Leave a Reply

Your email address will not be published. Required fields are marked *