shadow
Diocese de Dili > NOTÍCIAS > Notícias > FOINSAE 600 RESIN SIMU SACRAMENTO CRISMA

FOINSAE 600 RESIN SIMU SACRAMENTO CRISMA

DCDD- (08/10/2017) Bispo de Dili D. Virgilio do Carmo da Silva Dominggo foin lalais nee fo Sarcamento Crisma ba Foin sae hamutuk 600 resin iha Paróquia Nossa Senhora de Fátima Railaku.

Virgilio hateten: Sacramento Batismo, Eucaristia no Comfirmação/Crisma tuir ita nia doutrina hanaran Sacramento sira Iniciação sarani nian. Sacramento tolu ne’e tengki salva guarda unidade ida. Ita tenki hatene katak atu simu sacramento Comfirmação/Crisma ida ne’e atu completa graça Baptismo nian. Iha Comfirmação ka Crisma aumenta graça Baptismo nian, hametin liu tan imi nia relação ho Maromak Aman, haburas liu tan imi nia união ho Jesus Cristo, hariku liu tan mos iha imi rahun diak oin-oin Espirito Santo nian, kesi imi ba iha Uma Creda, hakbiit imi ho força Espírito Santo nian.

Virgilio haklean tan katak: Presença Espírito Santo nian iha imi sai hanesan biveiro ida foun ho imi nia identidade no visão foun mos atu hodi ohin ba oin wainhira hau atu halo buat ruma, hau precisa consulta ho advogado ida nee, Paráclito ida, Espírito ida nebé iha ha’u. Ita hotu iha Espírito ida nebé ita precisa harohan, fanun buat nebé ha’u atu halo diak ou lae, contra ha’u nia consência ou buat nebé ha’u halo ne’e hahalok sarani nian ou lae ka hahalok gentio ninian! Dom Virgilio recomenda mos katak: hakasan atu lao nafatin iha dalan nebé diak, imi precisa iha plano moris nian; Jovem ida-idak tenki iha plano kona ba moris saida mak hau mehi kona ba futuro. Sê hau mehi ba futuro hakarak sai aman ou inan ida nebé diak kariksai Inan aman ida oinsa! Hakarak sai Política ou líder ida nebé diak atu ukun rai ida ne’e ou Creda ida ne’e karik atu sai Líder ida oinsa! Tamba nee atu sai matenek exige esforço, sacrifício estuda makas hahú kedas agora.

Marcelina Gusmão nudar Crismando hateten; hau sente haksolok tamba bele completa tan Sacramento Comfirmação ka Crisma iha hau nia moris no hau rasik

sei hakasan atu moris tuir formasão hirak nebé hau hetan durante iha tempo preparação nia laran no mos hau sei hakasan atu moris tuir mos liafuan hirak nebé ohin D. Virgilio husik hela mai ami katak hakasan atu moris iha dalan nebé mak diak no lolos. Tamba nee hau sei hakasan, tenik Marcelina.

Sorin seluk mos inan-aman husi Crismando Sr. David Soares hateten; nudar inan-aman sente haksolok ho sacramento nebé ohin ami nia oan sira simu. Ami nudar inan-aman iha esperança bot katak ho Espírito Santo nia kbiit be ohin sira simu ona bele guia sira nia moris tomak, sai oan ida nebé diak, matenek, fiar metin hodi aban bain rua bele sai ukunain ba Creda no nação ida nee. (Ngl)

Leave a Reply

Your email address will not be published. Required fields are marked *