shadow
Diocese de Dili > NOTÍCIAS > Notícias > HAMUTUK ITA HARI EDIFÍCIO ESPIRITUAL IDA

HAMUTUK ITA HARI EDIFÍCIO ESPIRITUAL IDA

DCDD – Superior Compania de Jesus “Jesuita”, Pe. Joaquim Sarmento comfessa lia hirak nee relaciona ho inaguração Igreja foun Nossa Senhora Railaku iha Sábado foin lalais nee (07/10/2017), iha Salão Paróquial Railaku nian. Pe. Joaquim hateten: hanesan fulan liu ba ita inagura Capelinha iha Tokoluli ita repete fila fali, “Igreja nee sei la folin buat ida se ita la halo nia sai nakonu”. Hanesan São Paulo hanourin ita dehan “Ita sira nee ida-idak mesak fatuk moris (Pedra Viva) nebe hamutuk ita harí edifício Espiritual ida. Ida nee mak halo ita sai Paróquia, sai Comunidade Cristã. Pe. Joaquim Afirma katak: Igreja bele nabilan maibe so ema sarani sira mak sei halo diak sai iha isin lolos, sai iha significado lolos, halo monumento nee serve duni ba Fê ba ita nia lao rai. Inagura Igreja nee los ona maibe ita sira nee precisa harí unidade Paroquial ida nebe ita hahu ohin, ida nee mak buat ida nebe importante liu, buat nebe sei fo isin lolos, fo vida lolos ba Uma Creda ida nebe halo ho fatuk.

Pe. Joaquim afirma mos katak: Ohin liu tiha tinan 17 Diocese fo fiar ba Compania de Jesus hodi tau matan ba Sarani sira iha Railaku, depois liu tiha tinan 17 nee Diocese hare katak nia bot ona nia bele lao rasik ona, tamba nee Bispo ohin fo ba ita atu hamrik ketak nudar Comunidade Paroquial ketak ida. Biban nee hodi Compania de Jesus nia naran agradece ba Bispo Dili D. Virgilio do Carmo da Silva ba comfiança tomak nebe fo ona ba Compania de Jesus no parabens ba Maun alin sarani Comunidade Railaku nian no ita agradece Bemfeitores sira nebe sai ona Nai Maromak nia liman rohan hatudu generosidade ba ita laos deit ba sira nebe iha rai liur maibe mos husi maun alin sarani sira rasik nebe tau ketak buat nebe nia simu husi Na’i Maromak atu hamutuk ita bele harí monument de Fê ida nee no ita harohan atu nia bele serve duni ba Fé iha ita nia Paróquia foun ida nee.

Além nee Pe. Joaquim em nome Compania de Jesus nia naran fo parabens sarani sira hotu Railaku nian ba opurtunidade boot ohin celebra no mos ba Compania Railaku nebe hari ona Igreja nee hanesan ba movimento de Fê ida nebe ohin nagura.(Ngl)

Leave a Reply

Your email address will not be published. Required fields are marked *