shadow
Diocese de Dili > NOTÍCIAS > Notícias > KETA TAU IMI NIA INTERESSE PESSOAL AS LIU INTERESSE COMUM

KETA TAU IMI NIA INTERESSE PESSOAL AS LIU INTERESSE COMUM

CTDD –(07/10/2017) Nudar sarani hakasan tau ba kotuk ita nia individualismo, ita nia Sucoismo, ita nia Grupismo sira nebe ita hakiak tamba dalabarak ita hanoin katak hau nian mak importante liu. Ita sarani ita iha vocação ida nebé dehan katak ita hotu mesak maun-alin, haktuir D. Virgilio

Bispo mos recomenda katak; Ita buka tau ba kotuk ita nia diferiência sira atu nunee deit mak ita bele hametin liu ita nia unidade. Buat hirak nebe hanesan oras nee mosu ema estraga malu, oho malu, buat hirak nee mosu tamba ita tau ita nia interesse pessoal as liu, interesse grupo nian as liu, interesse hau nia comunidade nee as liu. Ita hotu mesak Timoroan, ita hotu mesak sarani ita hakasan atu tau ba kotuk buat nebe diferiência sira hodi hafahe ita.

Bispo hateten: Tempo ona mos atu Joventude sira hakasan atu labele husik sira nia-an atu ema seluk uja sira tamba ema ida-idak iha nia dignidade rasik tenki liberta ita nia-an atu ema seluk labele halo ita nia an sai fali instrumento hodi estraga malu, oho malu maibe ita tenki iha princípio rasik. Buat hirak nee mosu tamba iha razão ou causa husi kotuk. Tamba nee nudar sarani tenki tau ita nia an hodi graça batismo nian nee ita hotu mesak ema ida deit iha Cristo e nudar Timoroan ita mesak ema ida deit se karik iha buat ruma iha ita nia leet ita buka atu koalia no resolve ho ulun malirin.

Ba naiulun sira mahein nee recomenda mos katak; buka respeita povo ninia fiar nebe tau ona iha imi nia liman basá povo ida ne’e hakarak rai ne’e moris hakmatek. Certamente iha deferência barak entre Partido sira maibe keta haluha Interesse nação nian, interesse povo nian mak ita hotu hakarak no hein.

Bispo hateten Governação atu lao diak wainhira povo hare no sente katak iha paz no unidade. Tan nee, hirak nebe tur iha Parlamento no sira nebe Governasira precisa halo reconciliação ba malu, promove paz no hakmetek iha sira nia le’et ida ne’e povo sei hakmatek, tamba povo nia matan hare ba hela ba imi Nai- ulun sira.  Tamba nee hakasan atu tau hamutuk imi nia força, fo liman nafatin malu atu povo bele sente duni Paz no estabilidade ba rai ida nee.(Ngl)

 

Leave a Reply

Your email address will not be published. Required fields are marked *