shadow
Diocese de Dili > NOTÍCIAS > LETURA DIÁRIA > Quinta-feira,XXVII DO TEMPO COMUM

Quinta-feira,XXVII DO TEMPO COMUM

ANO A

 

Primeira Leitura                                                                                                                        Mal. 3:13-20a

Lia housi profecia Malaquias nian

Na’i lia tun ba Israel oan sira: “Imi nia liafuan sira hasouru ha’u, mask loko-an nian de’it! Maski nune’e, imi sei husu: ‘Sá lós mak ami koalia hasouru it?’ imi sei hateten tan: ‘La vale buat ida serbi Maromak. Sá di’ak mak ita sei hetan hodi moris tuir Na’i nia hakarak, no la’o ho hatais penitência nian, iha Na’i mundo rai-klaran nia futar oin? Oras ne’e, ita hahi ho ksolok ema loko-an sira; sira nebe halo buat áat moris iha ksolok; sira halo hirus karik Maromak, sira la hetan susar ida’. Nune’e, sira nebe hamta’uk Maromak, hahu ko’alia ba malu; Na’i sée tilun hodi rona didiak sira ko’alia. Iha Na’i nia futar oin, hakerek livro ida fó hanoin nian kona ba sira nebe hamta’uk Na’i, no hahi hana’i nia naran. “Iha loron nebe ha’u hadia- Na’i, Mundo rai-klaran nian, dehan-sira ne’e ha’u nian. Ha’u sei hanoin netik sira, hanesan aman ida nebe serbi nia ho neon no laran. Iha ne’e imi sei haré oinsá ema laran mós ida ho ema laran maksalak ida, oinsá ema nebe serbi Maromak ho ema nebe la serbi Maromak”. Basá, Na’i nia lloron sei to’o mai, manas hanesan ahi matan boot nia manas. Sira hotu nebe loko-an no sira hotu nebe halo buat áat, sei sai hanesan du’ut maran. “Loron nebe atu maim sei sunu mutuk sira hotu – Na’i, Mundo Rai-klaran nian, dehan – sei la husik hela abut ka sanak ida. Maibe, ba imi nebe hamta’uk Ha’u Nia naran, sei mosu loro matan nabilan justiça nian, nia roman nabilan sei lori salvação mai imi”.

Maromak futar lia. 

 

Salmo responsorial                                                                                        Sal. 1:2,3,4,6 (R.Sal.39:5a)

Refrão: Rahun di’ak ba ema nebe tau neon iha Na’i.  Repete-se

 Ksolok ba ema nebe la tuir ema áat nia lia,

La tuir dalan maksalak nian.

Ksolok ba sira be la hadulur ho ema áat.

Maibe haksolok ho Na’i nia ukunfuan

Hodi hanoin nia kalan-loron.  Refrão

 

Nia hanesan ai-kudan ida iha we-inan ninin;

Nafuan tuir nia tempo, nia tahan la namlaik,

Buat hotu nebe nia halo, sai di’ak de’it.  Refrão

 

Maibe, ema áat sira nia moris oin seluk,

Sira hanesan hare-kain be anin lori,

Na’i hatene ema lós nia dalan,

Dalan ema áat sira nian, lori ba rahun áat.  Refrão

 

Aclamação                                                                                                                                   cf.Act. 16:14b

Refrão: Aleluia, Aleluia!

Loke, Na’i, ami fuan atu simu

futar liafuan sira housi ita oan mane.  Refrão.

 

Evangelho                                                                                                                                           Lc. 11:5-13

Na’i Jesus Cristo nia Evangelho tuir São Lucas

Iha tempo neba, Jesus dehan tan ba nia escolante sira: “Imi ida iha karik belun ida nebe iha kalan boot ba hateten ba nia: ‘Belun, fó netik pão fuan tolu mai, basá ha’u nia belun foin to’o mai housi dook no ha’u la iha buat ida atu fó ba nia.’ Belun ne’e bele hatan housi uma laran: ‘Keta hasusar ha’u! Odamatan taka metin ona. Ha’u ho ha’u nia oan sira toba tiha ona. Ha’u la bele hader atu fó buat ruma ba ó.’ Ha’u dehan ba imi katak, maski nia sei la hader hodi fó tanba sira belun malu, nia sei fó duni buat hotu nebe nia belun kuran tanba nia husu fila fali. Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. Basá ema hotu nebe husu, sei simu; ema nebe buka sei hetan; no ba ema nebe tuku odamatan sei nakloke ba nia. Iha imi leet, aman ida nebe mak sei fó sakunar ida wainhira nia husu manu tolun? Ne’e duni, maski imi ema laran áat hatene fó buat di’ak ba imi nia oan sira, oin sá liu tan mak imi nia Aman iha lalehan sei haraik Espírito Santo ba sira nebe husu ba nia?”

Lia maksoyn.

Leave a Reply

Your email address will not be published. Required fields are marked *