shadow
Diocese de Dili > NOTÍCIAS > LETURA DIÁRIA > Sexta-feira, XXVII DO TEMPO COMUM

Sexta-feira, XXVII DO TEMPO COMUM

ANO A

 

Primeira Leitura                                                           Joel. 1:13-15;2:1-2

Lia housi profecia Joel nian

Na’ilulik sira, hatais imi-an ho hena karon nian hodi tanis; imi sira be serbi altar, halerik ba iha kalan tomak ida; imi hotu be srbi ha’u nia Maromak, basá, iha templo imi nia Maromak nian, hanetik tiha ona hasa’e sacrifício no buat karan. Imi fó sai ba ema hotu hodi halo jejun boot ida atu halibur povo santo. Imi halibur karik katuas sira no povo hotu nação nian, iha Na’i, ita Maromak nia templo. Imi sei harohan ho lian maka’as ba Na’i: “Ah, sá loron ne’e!. Basá, Na’i nia loron besik ona! Loron ne’e sei mai, hanesan atu sobu, housi Na’i biit Na’in.

Imi sei huu trombeta iha Sião, hakilar hodi fó hatene iha ha’u nia foho santo. Ema hotu husi nação ta’uk nakdedar tan Na’i nia loron besik to’o  ona! Tebes, loron ne’e besik ona: loron nakukun nian, loron kalohan taka metin nian, loron mahan nian. Hanesan naroman rai-hun mutin nian namkari iha foho sira leten, nune’e mós sei namkari iha foho sira leten povo wain ida no brani. Houri uluk kedas la dauk iha povo ida hanesan ne’e, no mós iha tempo ikus, housi otas ba otas, sei la mosu tan povo ida hanesan ne’e.

Maromak futar lia.

 

Salmo responsorial                                             Sal.9A:2-3,6,16,8-9 (R.9a)

Refrão: Na’i sei tesi lia ba mundo ho justiça.  Repete-se

Ho laran tomak ha’u hahi ita, Na’i,

hodi haklaken ita nia kmanek sira;

iha ita, ha’u haksolok no hananu,

ha’u sei hahi ita naran, Maromak leten áas liu.  Refrão

 

Na’i hatun fiar laek sira, hamohu ema áat sira,

halakon sira naran ba nafatin.

Hatun povo tomak ba rai ku’ak nebe sira rasik ke’e,

kesi sira ain iha hani nebe sira halo.  Refrão

 

Maromak, liurai, hatodan-an iha nia trono,

iha trono nebe nia hari atu tesi lia;

Nia sei tsi lia ba mundo ho justiça,

sei ukun povo hotu ho lialós.  Refrão

 

Aclamação                                                                              Jo. 12:31b,32

Refrão: Aleluia,Aleluia !!! Repete-se

Ohin liurai mundo ne’e nian sei duni sai ona. Wainhira ema foti ha’u housi rai,

Ha’u sei dada ema hot-hotu mai ha’u.  Refrão

 

Evangelho                                                                                        Lc.11:15-26

Na’i Jesus Cristo nia Evangelho tuir São Lucas

Iha tempo neba, Jesus duni sai demónio ida; maibe ema balun dehan: “ Na’i duni sai diabo hodi Belzebu, diabo sira nia ulun, nia naran.” Balun fali husu ba nia sinal ida husi lalehan, atu koko nia. Maibe, hatene tiha sira nia hanoin, nia dehan ba sira: “ Reino hotu nebe fahe malu sei sobu rahun, no uma ida sei monu iha uma seluk nia leten. Nune’e mós, Santanas fahe karik nia an ba rua, nia reino sei tahan oinsá lós? Basá imi dehan katak hodi Belzebu mak ha’u duni sai diabo sira. Ha’u duni sai diabo sira hodi Belzebu nia naran karik, hodi sá nia naran mak imi nia oan sira duni sai sira? Tan ne’e mak sira sei tesi lia ba imi. Maibe ha’u dusi sai diabo sira hodi Maromak nia limanfuan karik, ne’e dehan katak Maromak nia reino to’o ona ba imi. Wainhira ema maka’as ida ho kroat hein nia uma boot, nia rikusoi hela metin hakmatek; maibe wainhira ema ida maka’as liu nia mosu mai karik hodi manan nia, ema ne’e hada’u nia kroat nebe fó laran metin ba nia, hodi fahe nia sasan tomak. Ida nebe la hamutuk ho ha’u, nia hasouru ha’u; no ida nebe la halibur ho ha’u, nia sei namkari.

Wainhira espírito fo’er ida sai housie ma ida, nia la’o lemo rai fuik maran hodi buka hakmatek. La hetan tiha, nia dehan: ‘Ha’u sei fila fali ba uma nebe ha’u husik tiha.’ To’o tiha neba, nia hetan fatin ne’e saar mós tiha no furak. Hafoin nia ba lori tan espírito na’in hitu nebe áat liu fali nia; sira ne’e tama, hodi hôrik iha neba. Ikus mai, ema ne’e nia rohan sai áat liu fali uluk.”

Lia maksoyn.

 

 

Leave a Reply

Your email address will not be published. Required fields are marked *