shadow
Diocese de Dili > NOTÍCIAS > LETURA DIÁRIA > Sábado, XXVII DO TEMPO COMUM

Sábado, XXVII DO TEMPO COMUM

ANO A

 

Primeira Leitura                                                                                                                          Joel. 4:12-21

Lia housi Profecia Joel nian

Na’i lia tun nune’e: “Nação sira hamriik ba hodi sa’e ba rai tetuk Josafat nian! Ha’u sei tur iha neba atu tesi lia na nação hot-hotu be tur hale’u. Imi tau ona tudik ba hodi ko’a, basá, trigo tasak ona, mai ona sama ho ain ba, tanki sira naresin liu ona, hahalok áat nação sira nian boot tebes!”

Ema lubun wain tebes libur iha rai tetuk, tesi lia fatin! Basá, Na’i nia loron besik ona; loron no fulan sei sai nakukun; fitun sira nia lakan sei lakon nia nabilan. Na’i lalehan no rai sei nakdoko. Maibe, Na’i mak subar fatin di’ak ba nia povo, hôrik fatin metin ida ba Isrel oan sira. “Nune’e, imi sei hatene katak ha’u mak Na’i, imi nia Maromak, nebe tur iha Sião, iha ha’u nia foho santo! Jerusalém sei sai fatin santo, ema housi rai seluk sei la liu housi neba!”

Iha loron neba, tua foun sei suli foho sira, foho kiik sira sei halo suli susu-wen, mota sira hotu Jidá nian, we sei suli tuir. We matan ida sei mosu husi templo Na’i nian, atu habokon rai tetuk Acácias nian. Rai Egipto tomak sei sai krebek, Edon sei sai rai fuik maran, tan sira foti liman hasoru Judá oan sira, basá, sira halo suli ran sala laek iha rai nian. Maibe, iha Judá, ema sei hôrik ba nafatin, no Jerusalém husi otas ba otas. ‘Ha’u sei rai kuna hasouru sira ran no ema ida mós la soi an’. Na’i sei hôrik iha Sião.

Maromak futar lia.

 

Salmo responsorial                                                                             Sal. 96(97): 1-2,5-6,11-12 (R.12a)

Refrão: Imi sira be justo, haksolok iha Na’i ba.  Repete-se

Na’i mak liurai, rai tomak haksolok ba;

Nusa lub-lubun haksolok ba.

Nia hatais kalohan no nakukun,

Justiça no direito mak nia trono nia hun.  Refrão

 

Foho sira naben hansan lilin,

Iha Na’i be rai tomak nian, nia oin;

Lalehan haklaken nia justiça,

Povo tomak haré nia glória.  Refrão

 

Mosu naroman ba ema di’ak,

Ksolok ba ema sira be fuan mós.

Haksolok iha Na’i ba, imi sira be laran di’ak,

Hodi hahi nia naran santo!  Refrão

 

Aclamação                                                                                                                                              Lc. 11:28

Refrão:  Aleluia, Aleluia.!!  Repete-se

 Rahun di’ak ba sira nebe rona Maromak nia futar lia hodi moris tuir. Refrão

 

Evangelho                                                                                                                                        Lc. 11:27-28

Na’i Jesus Cristo nia Evangelho tuir São Lucas

Iha tempo neba, wainhira Jesus sei ko’alia daudaun, feto ida husi ema lubun sira llet foti lia dehan: “Ksolok ba knotak nebe kô’us ita, no hirus matan nebe fó susuben ba ita!” Maibe, nia hatan: “Lolós, ksolok liu ba sira nebe rona Maromak futar lia hodi moris tuir!”

Lia maksoyn.

Leave a Reply

Your email address will not be published. Required fields are marked *