shadow
Diocese de Dili > NOTÍCIAS > LETURA DIÁRIA > Segunda-Feira, XXVIII DO TEMPO COMUM

Segunda-Feira, XXVIII DO TEMPO COMUM

ANO A

 

Primeira Leitura                                                                                                                             Rom. 1:1-7

Lia housi São Paulo nia Surat ba sarani sira iha Roma

Paulo, Cristo Jesus nia atan ida, nebe Maromak bolu atu sai apóstolo no haketak tiha atu serbisu ba Evangelho nebe Maromak hakotu nanis ona houri uluk housi profeta sira iha Sagrada Escritura, Evangelho kona ba nia oan Mane, Jesus Cristo, ita Na’i, David nia oan tuir isin, maibe Maromak nia oan Mane tuir Espírito santidade nian housi nia moris hi’as housi mate. Housi nia, ami simu knar apostolado nian atu halo ema halo tuir tan  fiar iha gentio sira leet tan nia naran. Iha sira ne’e nia leet Maromak mós bolu imi atu sai Cristo nian; ba Maromak nia doben sira hotu iha Roma, nebe Maromak bolu atu sai Santo: Kmanek no dame ba imi housi Maromak, ita Aman no housi Na’i Jesus Cristo.

Maromak futar lia.

 

Salmo responsorial                                                                              Sal. 97(98):1,2-3ab,3cd-4(R.2a)

Refrão : Na’i hatudu Nia maksoin. Repete-se

 

Hananu ba Na’i knananuk fou ida,

Basá nia halo buat mesak kmanek.

Nia futar liman lós manan funu;

Manan ho nia futar liman santo. Refrão

 

Na’i fó hatene nia maksoin;

Nia hatudu justiça ba nação sira hotu.

Nia hanoin nia domin no laran lós,

Ba Israel uman.  Refrão

 

Rai-ikun rai-ulun sasin

Maksoin ita Maromak nian.

Rai tomak haklaken Na’i,

Haklalak ho ksolok no hananuRefrão

 

Aclamação                                                                                                                               Sal. 94(95):8ab

Refrão : Aleluia, Aleluia.!! Repete-se

                  Ohin imi rona karik Na’i nia lian,

                   keta taka imi nia fuanRefrão

 

Evangelho                                                                                                                                       Lc. 11:29-32

Na’i  Jesus Cristo nia Evangelho tuir São Lucas

Iha tempo neba, ema lubun boot halibur tiha an, Jesus dehan: “Otas ne’e otas áat duni; ema sira husu sinal Jonas nian. Basá, hanesan Jonas sai sinal ida ba ema rai Nínive nian, nune’e mós Oan Mane sei sai sinal ida ba ema sira husi otas ne’e. Iha loron tesi lian, liurai feto tasi mane nian sei hamriik hasouru ema sira ne’e hodi tesi lia todan ba sira; basá nia mai housi mundo nia rohan atu rona Salomão nia matenek, no iha ne’e iha ida nebe boot liu fali Salomão. Iha loron tesi lia nian, Nínive nia oan sira sei hamriik hasouru ema sira ne’e, hodi tesi lia todan ba sira; basá wainhira Jonas haklaken Maromak nia liafuan, sira hakribi sira nia sala, maibe iha ne’e iha ida nebe boot liu fali Jonas.”

Lia maksoin.

Leave a Reply

Your email address will not be published. Required fields are marked *