shadow
Diocese de Dili > NOTÍCIAS > LETURA DIÁRIA > Terça-feira, XXVII DO TEMPO COMUM

Terça-feira, XXVII DO TEMPO COMUM

ANO A

 

Primeira Leitura                                                                                                                    Rom. 1:16-25

Lia housi São Paulo nia Surat ba sarani sira iha Roma

Maun alin sira: Ha’u la moe kona ba Evangelho. Evangelho ne’e mak Maromak nia biit atu soi ema sira nebe fiar: ba ema judeu sira, uluk knana’in, hafoin ba ema gentio sira, basá iha Evangelho ne’e mak fó hatene tiha ona Maromak nia justiça housi fiar ba fiar, nu’udar hakerek nanis: “Ida nebe lós tanba fiar sei moris.”

Housi lalehan Maromak hatudu ni laran nakali hasouru ema fiar laek no laran áat nebe, tan sira nia laran áat, halakon lialos. Basá buat nebe ema bele hatene kona ba Maromak, sira hatene momós, basá Maromak hatudu ona ba sira. Houri mundo hahu, ema hatene ona Maromak nia biit rohan laek no kmanek Maromak nian nebe matsn la haré iha buat hotu nebe nia halo. Nune’e sira la bele fase liman, basá maski sira hatene Maromak ka fó agradece ba nia; maibe sira nia hanoin la lós ona no sira nia ulun sai nakukun hela. Sira dehan katak sira matenek, maibe lolós sira beik, hodi troka Maromak rohan laek nia kmanek ba ema, manu ka balada ho ain haát ka samea nia ilas.

Tan ne’em, Maromak husik sira monu ba sala fo’er tan sira nia laran fo’er, hodi hafo’er malu nia isin, basá sira troka tiha lialos kona ba Maromak ho lia bosok hodi hahi, no serbi buat nebe Maromak halo iha ida nebe halo sira nia fatin, nebe kmanek ba nafatin. Amen.

Maromak  futar lia

 

Salmo Responsorial                                                                                    Sal. 18A(19A):2-3,4-5 (R.2a)

Refrão: Lalehan haklaken Maromak nia glória.  Repete-se

 

Lalehan haklaken Maromak nia glória,

Firmamento halekar nia futar liman nia hahalok.

Loron ida tatoli ba loron seluk lia meno ne’e,

Kalan ida fó hatene lia ne’e ba kalan seluk.  Refrão

 

La iha liafuan, la iha discurso,

La hatene  nia katak sá.

Nia lia-hatan-teni habelar iha rai tomak,

Nia lia tatoli housi rai-ikun to’o rai-ulun.  Refrão

 

Aclamaçao                                                                                                                                          Heb. 4:12

Refrão: Aleluia, Aleluia.  Repete-se

             Maromak nia liafuan moris no book maka’as,

Bele hatene lolós ema nia hanoin no fuan nia hakaran.  Refrão

 

Evangelho                                                                                                                                         Lc. 11:37-41  

Na’i Jesus Cristo nia Evangelho tuir São Lucas

Iha tempo neba, wainhira Jesus sei ko’alia hela, fariseu ida convida nia atu han iha nia uma. Nia tama hodi tur iha mesa. Fariseu hakfodak, basá haré nia la fase an molok atu han. Na’i dehan ba nia: “Imi fariseu sira hamos kopu no bikan nia liur, maibe imi nia laran nakonu ho hakarak atu hadauk sasan no hanoin áat. Beikten sira! Ida nebe halo buat nebe iha liur, la halo mós buat nebe iha laran? Imi fó esmola housi imi nia laran, no buat hotu sei sai mós ba imi.

Lia  maksoyn.

Leave a Reply

Your email address will not be published. Required fields are marked *