shadow
Diocese de Dili > NOTÍCIAS > LETURA DIÁRIA > Quinta-Feira, XXIX DO TEMPO COMUM

Quinta-Feira, XXIX DO TEMPO COMUM

ANO A

 

Primeira Leitura                                                                                                                         Rom.6:19-23

Lia housi São Paulo nia Surat ba sarani sira iha Roma

Maun alin sira: Ha’u ko’alia tuir ema nia hanoin tan imi kbiit laek. Basá, nu’udar imi saran imi nia isin nia liman ain nu’udar atan bas ala fo’er no hahalok áat ba hahalok áat, nune’e, ohin saran imi nia liman ain nu’udar atan ba justica atu sai santo. Basá, wainhira imi saran nia atan, imi dook husi moris santo. Maibe imi manan sá lós husi buat sira nebe ohin halo imi moe ona? Basá buat sira ne’e hotu lori ba mate. Maibe oras ne’e, imi sai tiha housi sala nia ukun  no sai ona Maromak nia atan, di’ak nebe imi hetan lori ba moris santo, nebe lori ba moris rohan laek. Basá sala nia kolen mak mate, maibe Maromak nia presente mak moris rohan laek  iha Cristo Jesus, ita Na’i.

Maromak futar lia.

 

Salmo Responsorial                                                                                   Sal. 1:1-2,3,4,6 (R.Sal. 39:5a)

Refrão : Rahun di’ak ba ema nebe tau neon iha Na’i. Repete-se

Ksolok ba ema nebe la tuir ema áat nia lia menon,

La la’o iha dalan ema maksalak,

Maibe haksolok ho Na’i nia ukunfuan,

Hodi hanoin nia ho neon kalan-loron. Refrão

 

Nia hanesan ai-kudan ida iha we-inan ninin;

Nafuan tuir nia tempo, nia tahan la namlaik,

Buat hotu nebe nia halo, sai di’ak de’it. Refrão

 

Maibe, ema áat nia moris oin seluk,

Sira hanesan hare-kain be anin lori,

Nia hatene ema lós nia dalan,

Dalan ema áat sira nian, lori ba rahun áat. Refrão

 

Aclamação                                                                                                                                         Filip. 3:8-9

Refrão : Aleluia, Aleluia! Repete-se

Ha’u hakribi sasan hotu nu’udar buat flin laek

atu bele fó fatin ba Cristo no hasouru malu ho nia. Refrão

 

Evangelho                                                                                                                                        Lc. 12:49-53

Na’i Jesus Cristo nia Evangelho tuir São Lucas

Iha tempo neba, Jesus lia tun ba escolante sira, “Ha’u mai atu lori ahi ba raiklaran, no Ha’u hakarak teb-tebes ahi ne’e lakan duni. Ha’u sei simu baptismo ida, no ha’u sei la hakmatek to’o baut ne’e mosu. Imi hanoin katak ha’u mai atu lori dame ba raiklaran? Ha’u dehan ba imi katak lae; maibe atu halo ema haketak malu. Basá, houri ohin ba oin, ema na’in liman iha uma laran, sira lia sei la tuir malu: na’in tolu hasouru na’in rua, na’in rua hasouru na’in tolu; aman hasouru oan mane, oan mane hasouru aman; inan hasouru oan feto, oan feto hasouru inan; banin feto hasouru feto foun, feto foun hasouru banin feto.”

Lia maksoin.

Leave a Reply

Your email address will not be published. Required fields are marked *