shadow
Diocese de Dili > NOTÍCIAS > LETURA DIÁRIA > Sexta-feira, XXIX DO TEMPO COMUM

Sexta-feira, XXIX DO TEMPO COMUM

            ANO A

Primeira Leitura                                                                                                                       Rom.7:18-25a

Lia housi São Paulo nia Surat ba sarani sira iha Roma

Maun alin sira: Ha’u hatene katak, di’ak la hôrik iha ha’u, katak, iha ha’u nia isin. Laran atu halo iha duni; maibe hahalok di’ak,lae. Basá ha’u la halo hahalok áat nebe ha’u lakohi . Ha’u halo karik buat nebe ha’u lakohi, la’os tan ha’u mak halo nia, maibe sala nebe hôrik iha ha’u.

Ne’e duni, ha’u haré katak wainhira ha’u hakarak halo buat nebe lós, buat áat mosu. Basá iha ha’u nia laran, ha’u haksolok iha Maromak nia ukunfuan, maibe ha’u haré iha ha’u nia liman ain buat seluk tan nebe halo funu hasouru ukunfuan iha ha’u nia laran, hodi kesi ha’u metin ba ukunfuan sala nian nebe hôrik iha ha’u nia liman ain.

Ha’u, ema derak duni! Se mak sei hasai ha’u husi ha’u nia isin nebe sei mate ne’e? Obrigado ba Maromak, housi Jesus Cristo,ita Na’i.

Maromak futar lia.

 

Salmo Responsorial                                                          Sal. 118(119):66,68,76,77,93,94(R.cf.68b)

Refrão: Na’i, hanourin ha’u dalan ita lei nian. Repete-se

 

Na’i, haraik matenek mai ha’u,

Basá, ha’u laran metin iha ita futar liafuan.

Ita, laran-luak no laran di’ak,

Hanourin ha’u ita lei. Refrão

 

Na’i, ita laran di’ak sei fó ksolok mai ha’u,

Tuir lia menon nebe ita halo tiha ona ba ita atan.

Na’i haraik mai ha’u, ita laran-luak atu ha’u bele moris,

Basá, ita lei mak ha’u nia ksolok boot. Refrão

 

Na’i, ha’u sei la haluhan ita ukunfuan,

Basá, sira mak ha’u nia moris.

Na’i ha’u ita nian, soi ha’u ba,

Basá, ha’u halo tuir ita ukunfuan! Refrão

 

Aclamão                                                                                                                                             cf.Mt. 11:25

Refrão: Aleluia, Aleluia! Repete-se

Rahun di’ak ba ita, Aman, Na’i lalehan no rai nian, tan ita hatudu mistério reino lalehan nian ba kiik sira. Refrão

 

Evangelho                                                                                                                                         Lc.12:54-59

Na’i Jesus Cristo nia Evangelho tuir São Lucas

Iha tempo neba, Jesus dahan tan ba ema lubun boot: “Wainhira imi haré kalohan ida iha loromonu, imi dehan katak udan sei tau, no mosu duni nune’e. Wainhira anin huu husi tasimane, imi dehan katak loron sei manas, no mosu duni nune’e. Imi ema laran makerek sira! Imi hatene si’ik buat nebe mosu iha lalehan no iha rai, nusa mak imi la hatene si’ik otas ne’e? tan sá imi rasik la haré buat nebe lós? Ne’e duni, wainhira ó ba tribunal hamutuk ho ó nia funu baluk, buka hadame malu ho nia iha dalan; keta halo be nia lori ó ba juiz, hafoin juiz saran ó ba guarda,no guarda hatama ó iha dadur laran. Ha’u dehan ba ó katak ó sei la sai la housi neba to’o ó selu hotu.”

Lia maksoin.

 

Leave a Reply

Your email address will not be published. Required fields are marked *