shadow
Diocese de Dili > NOTÍCIAS > LETURA DIÁRIA > Sábado,XXIX DO TEMPO COMUM

Sábado,XXIX DO TEMPO COMUM

                                    ANO A

Primeira Leitura                                                                                                                            Rom. 8:1-11

Lia housi São Paulo nia Surat ba sarani sira iha Roma

Maun alin sira: Ne’e duni, la iha lia kastigu nian ba sira nebe iha Cristo Jesus.Basá ukunfuan espírito moris nian iha Cristo Jesus hasai ona imi husi ukunfuan sala no mate nian. Basá, buat nebe ukunfuan la bele halo tamba kuran biit tan isin, Maromak halo tiha hodi haruka nia Oan Mane iha isin nu’udar ilas ema maksalak nian,no tan sala, tesi lia todan bas ala iha isin, atu nune’e baut lós nebe ukunfuan haruka bele halo tuir duni iha ita nebe moris, la’os tan tuir isin, maibe tuir espírito.

Basá sira nebe moris tuir isin hanoin de’it buat nebe isin nian, maibe sira nebe moris tuir espírito, hanoin buat nebe espírito nian. Isin nia hanoin mak mate, maibe espírito nia hanoin mak moris no dame. Basá isin nia hanoin mak atu funu malu ho Maromak; nia lakohi halo tuir Maromak nia ukunfuan; nia la bele duni; no sira nebe hôrik iha isin labele monu lós ba Maromak nia laran. Maibe imi na hôrik iha isin; lolós imi iha espírito wainhira Maromak nia espírito hôrik iha imi. Ema nebe la iha Cristo nia espírito iha nia, la’os Cristo nian. Maibe Cristo iha imi karik, maski isin mate ona tanba sala, espírito moris hela tan justica. Na’i, nebe halo jesus moris hi’as housi mate, nia espírito hôrik iha imi karik, ida nebe halo Cristo moris hi’as fali sei fó moris mós ba imi nia isin nebe bele mate, housi espírito nebe hórik iha imi.

Maromak futar lia.

Salmo Responsorial                                                                             Sal.23(24):1-2,3-4ab,5-6(R.cf.6)

Refrão: Ema otas ne’e mak buka Na’i. Repete-se

Rai no buat hotu nebe iha nia, Na’i nian;

mundo no buat tomak hôrik iha nia.

Maromak hatur rai iha tasi leten,

hametin rai iha laloran leten.  Refrão

 

Sé mak bele sa’e ba Maromak nia foho,

eh hôrik iha nia kadunan santo?

Ema nebe laran mós no liman la sala,

ema nebe la jura lia bosok.  Refrão

 

Ema ne’e sei simu Na’i nia bensa,

nia sei hetan kolen housi Maromak, nia Maksoi.

Ema otas ne’e nian mak buka,

be buka futar oin Maromak Jacob nian.  Refrão

 

Aclamação                                                                                                                                              Ez. 33:11

Refrão: Aleluia, Aleluia!  Repete-se

Na’i dehan, Ha’u lakohi ema sala-na’in nia mate, maibe atu fila fali mai ha’u no bele moris. Refrão

 

Evangelho                                                                                                                                             Lc. 13:1-9

Na’i Jesus Cristo nia Evangelho tuir São Lucas

Iha tempo neba, ema mai fó hatene ba Jesus kona ba ema Galileia sira nebe Pilatos haruka kahur sira ran ho balada sira nia ran, nebe sira hasa’e ba lulik. Jesus hatan ba sira: “Imi hanoin katak ema Galileia sira ne’e áat liu fali ema Galileia sira seluk tanba sira terus nune’e? Lae, Ha’u dehan ba imi; maibe imi la hakribi karik imi nia sala, imi mós sei mate hanesan sira. Hanesan mós sira sanulu resin walu nebe uma andar Siloé nian hanehan mate wainhira uma ne’e monu: imi hanoin katak sira áat liu fali sira seluk iha Jerusalém? Lae, Ha’u dehan ba imi; maibe imi la hakribi karik imi nia sala, imi hotu sei mate hanesan sira.”

Nia dehan tan aiknanoik ida ne’e: “Ema ida kuda tiha ai figueira ida iha nia to’os. Loron ida nia ba buka nia aifuan, maibe la hetan. Tan ne’e, nia hateten ba to’os atan: ‘Tinan tolu ona ha’u mai buka aifuan iha aihun ne’e, maibe la hetan ida. Tesi tiha nia! Tansá nia susu leet rai bokur?’ Maibe to’os atan hatan: ‘Na’i, husik nia tinan ida ne’e tan, atu ha’u sei ke’e hadulas nia hun hodi tau mós rai metan. Tinan oin mai nia sei fó fuan karik, di’ak; lae karik, mak ha’u sei tesi tiha nia.”’

Lia maksoyn. 

Leave a Reply

Your email address will not be published. Required fields are marked *