shadow
Diocese de Dili > NOTÍCIAS > LETURA DIÁRIA > XXX DOMINGO DO TEMPO COMUM

XXX DOMINGO DO TEMPO COMUM

ANO A

 

Primeira Leitura                                                                                                                      Ex. 22, 21-27

Lia housi Livro Êxodo

Na’i lia tun nune’e: “Keta fo susar ba ema la’o rai, keta fo terus ba nia. Uluk imi rasik la’o rai iha rai Egipto. Keta fo terus ba ema feto faluk, ba ema ki’ak. Ó halo terus sira ne’e ida karik, nia husu tulun mai Ha’u, Ha’u sei rona nia lian susar. Ha’u sei halo Ha’u laran nakali, hodi halo imi hotu mate housi surik. Imi fen sei sai faluk, imi oan sira sei sai oan ki’ak. Ó fo karik osan hodi tulun Ha’u nia povo ida, fob a ki’ak nebé moris besik ó, keta haré nia hanesan ema nebé iha tusan ho ó. Keta sisi tusan nia funan. Ó maluk ruma fo karik nia tais hanesan penhor, molok loraik ó sei fo fila, tan nia iha hena mesak ne’e atu talk; hena nebé falun nia isin. Oin seluk, nia bele toba oin sá? Nia  husu tulun karik mai Ha’u, Ha’u sei rona nia, tan Ha’u laran luak.”

Maromak Futar Lia

 

Salmo Responsorial                                                                             Sal. 17(18), 2-3a. 3bc-4. 37. 51ab

Refrão: Na’i, ha’u hadomi Ita;

                Ita ha’u nia kbiit.  Repete-se

 

Na’i ha’u hadomi Ita, Ita ha’u nia kbiit!

Na’i tahan ha’u, ha’u nia beran, ha’u nia Maksoyn.  Refrão

 

Maromak ha’u nia tato’o nebé tahan ha’u,

ha’u nia kakili, ha’u Maksoyn, ha’u nia loho.

Sei harohan ba Na’i nebé di’ak atu hahí,

Nia sei soy ha’u housie ma aat.  Refrão

 

Na’i sei moris, kmanek ba ha’u nia tato’o,

kbiit ba Maromak, ha’u nia Maksoyn.

Nia halo nia liurai manán funu,

Hamutuk nafatin ho nia santo.  Refrão

 

Segunda Leitura                                                                                                                        1 Tes. 1, 5-10   

Lia housi São Paulo nia surat ba sarani sira iha Tessalónica

Maun alin sira: Imi hatene ami nia hahalok iha imi leet, atu halo di’ak ba imi. Imi buka tuir duni ami nia hahalok no Maromak nian. Imi simu Maromak nia lia-fuan, iha terus wa’in nia laran, ho ksolok nebé Espiríto Santo haraik ba imi. Nune’e, imi fo exemplo di’ak ba sarani sira hotu iha Macedónia no Acaia de’it maybe, iha fatin hotu-hotu nebé haklaken ona fiar ba Maromak; ne’e duni, ami lalikan ko’alia tan kona ba fiar. Sira rasik haktuir oin sá imi simu di’ak ami; oin sá imi husik lulik hodi mai Maromak. Nune’e imi bele serbi Maromak nebé moris, Maromak lós, hodi hein Nia Oan Jesus tun housi lalehan mai, nebé Nia halo moris hias housi mate. Jesus ne’e soy ita ho justiça lós nebé sei mai.

Maromak Futar Lia

 

Aclamação                                                                                                                                   Mt. 22,37.38

Refrão: Aleluia. Repete-se

              Sei hadomi Na’i, ó nia Maromak, ho laran tomak.

              Hadomi ó maluk nu’udar ó an rasik.  Refrão

 

Evangelho                                                                                                                                   Mt. 22, 34-40

        Na’i Jesus Cristo nia Evangelho nu’udar São Mateus haktuir

Iha tempo nebá, ema fariseu sira, rona dehan katak Jesus halo ema saduceu sira nonok tiha. Sira halibur hamutuk hafoin, sira ida matenek ukun nian, husu hodi koko nune’e: “Mestre, ukun-fuan ida nebé mak boot liu?’ Jesus hatán ba nia: “Ó sei hadomi Na’i, ó nia Maromak, ho laran ho neon tomak, ho hanoin hotu! Ukun-fuan ida seluk hanesan mos ida ne’e: Ó sei hadomi ó maluk nu’udar ó an rasik! Ukun-fuan hotu ho profeta sira la’o hamutuk ho ukun-fuan ruan ne’e.”

Lia Maksoyn

Leave a Reply

Your email address will not be published. Required fields are marked *