shadow
Diocese de Dili > NOTÍCIAS > LETURA DIÁRIA > Terça-Feira, XXX DO TEMPO COMUM

Terça-Feira, XXX DO TEMPO COMUM

ANO A

 

Primeira Leitura                                                      Rm 8:18-25

Lia housi São Paulo nia Surat ba sarani sira iha Roma

Maun alin sira: Ha’u haré terus ohin ne’e nian nu’udar kiik liu wainhira tau hamutuk ho  glòria  nebe sei hatudu mai ita. Basà mundo tomak hein man’manas tempo wainhira sei hatudu Maromak nia oan sira, basà mundo tomak sai tiha folin laek, la’os tan n ia rasik hakarak, maibe tamba ida nebe halo nia sai nune’e noia hakarak iha Espernça; basà mundo ne’e sei sai housi moris atan nian nebe sei dodok, hodi halo parte , nu’udar Maromak nia oan, iha ema nebe la’os atan, nia kmanek. Ita hatene katak ohin ne’e mòs mundo tomak hakilara tanis hanesan feto nebe atu tur ahi; no la’os mundo de’it; maibe ita mòs tanis hakilar iha ita nia laran wainhira ita, nebe iha ona espìrito nia fuan uluk nian, hein daudaun tempo nebe Maromak sei  sei hakiak ita, katak tempo nebe ita nia isin sei sai la’os atan ona. Basà iha esperança nebe harè ho matan rasik la’os  esperança. Sè mak iha esperança kona ba buat nebe nia harè ona? Maibe ita iha esperança kon aba buat nebe ita  la harè karaik, ita hein ho paciência.

Na’i futar Lia.              

 

Salmo Responsorial                                                                                                                                                   Sal. 125(126):1-2ab,3-4-5,6 (R.3)

Refrão : Na’i halo kmanek oi-oin ba Nia povo. Repete-se

Wainhira Na’i lori hikas fali Sião mai,

Moris  ba ami hanesan mehi ida.

Ibun ami nakonu ho hamnasa,

Lia ami ha’uèlok hananu. Refrão

 

Ema gentio sira dehan:

“Na’i halo kmanek oi-oin ba sira”

Lòs duni! Kmanek oi-oin Na’I halo ba ita,

Tan e’e ami haksolok ha’uèlok.Refrão     

 

Na’i halo fila mai, ami ema dadur sira,

Hanesan wè inan besuli iha rai fuik-maran.

Sira be juda ho mata-wen

Sira sei soi ho ksolok. Refrão

 

Sira be ho oin tanis daudaun,

Hodi lori fini atu kuda.

Sira sei fila hikas mai ho hananu,

Kodi lori trigo futun sira. Refrão

 

Aclamação                                                                                                                                                                                                              cf.Mt. 11:25

Refrão : Aleluia, Aleluia! Repete-se

Rahun diak ba ita , Aman, Na’i lalehan no rai nian,

tan ita hatudu mitério reino lalehsn nisn bs kiik sirs. Refrão 

 

Evangelho                                                                                                                                                                                                              Lc. 13:18-21

Na’i Jesus Cristo nia Evangelho tuir São Lucas

Iha tempo neba, Jesus lia tun, dehan: “Maromak nia reino hanesan saida lós, eh ha’u sei tanesan nia ho saida? Nia hanesan mustarda musan nebe ema ida ka’er hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” Nia dehan tan: “Ha’u sei tanesan Maromak nia reino ho sáida lós? Nia hanesan fermento nebe feto ida tau ita farinha sasukat tolu, to’o masa tomak sa’e.”

Lia maksoyn.

Leave a Reply

Your email address will not be published. Required fields are marked *